又話女追男，隔重紗，咁點解我追佢唔到？: 二、朋友

當我把這件事告訴同系的好友琦琦時，她的反應是：「咁好人都有？冧你？」
「根據我的分析，他對本人興趣為零，所以請勿發夢。同埋我唔覺得憑一件事就可以斷定佢係好人。」
琦琦繼續窮追猛打：「佢咩樣？好靚仔架？」
「無留意，普通男仔樣。」無語。「你做咩成日提起佢？」
「無成日提起，岩岩講完就叫成日？不過我唔知佢要唔要下堂之前影印。」
「打俾佢！」

大學人分四類。第一類，人上人，1st hon是其囊中物；第二類，外向型，瘋狂參加各類活動，尤其熱衷於自稱為他人父母的組爸組媽，破壞中國道德倫理，為我所不喜；第三類，摺友，亦即本人；第四類，毒男狗公類。

曾經有位智者告訴我，大學的毒男多如天上的星星。此言非虛，ocamp時已見識到不少毒男狗公(當時因有男友，為明哲保身，所有飯局我均一概回絕)。大學怪人很多，為免惹上麻煩，我盡量少接觸人類。





此無名氏屬何類？未知也。

結果沒有打給無名氏。

星期三，第二堂。大家不必有任何遐想，本人會上堂純粹是因為這科剔attendance。

「本書俾你啦，你影完先俾我。」「好呀，唔該。」無名氏微笑。
...15分鐘過去
一問一答令我覺得不耐煩：「其實你叫咩名呀？講咁耐都未知。上次你拿拿林走左去。」




「哦，我叫李少文。」好娘。
聊了半小時，是時候作分析了。這位少文哥的反應一般都比較慢，遇上複雜的問題，他總要多想幾遍才回應，語速也不快，很多時都說無所謂，和我完全相反。「好笨，心地又好，肯定常常被欺負。白痴。」我心想。

「你讀咩架？你英文都幾好。」我真誠地說。當然比起我還差得遠啦。
「我讀Bio，不過我好鍾意語文，見到有開II咪讀囉。」文文笑了笑。
「哦...我讀英文既...」這位文文先生沒有反問我唸什麼學系，可以將之判定為話題終結者。不過，他身上沒有散發出毒男氣息，也沒有180cm身高，相信非高登仔，應該是可以結交的朋友。
「李少文，」我倆前的壯漢突然插嘴：「你有無take neurology?」
「嗯...」
「上堂見唔到你？你叫咩名？你地識架？你無番？你有無影印本書？」我問。
「Hello，我叫阿仲。我同少文係同系架。上堂我去左練跑，因為就黎要比賽。」阿仲十分友善。




「哦，我有take呀。」文文終於和我們接軌了：「你要notes?」