浮事的，一個的士佬既故事。: 第四章－－－補完 (3)

到恩雅重新回到風的家中，是一星期後的事。她孤身一人，臉色蒼白地坐在風的家中，不說一話。沒有解釋任何東西，只冷冷地向呀風丟下一句：”我既事處理好啦，你亦唔可能再丟低我啦。” 從此，恩雅沒再回到過油塘的家，半次也沒有。而風，亦再沒有聽到恩雅提及過她的女兒，半次也沒有。
 
 
芝琪回港，在機場閘口致電呀風。
 
“喂，小風風，你有無黎接我機呀？我係法國又輸左，激死我啦，不過今次總算係成績最好既一次，排第十一，我覺得自己好叻架啦。”芝琪說
“芝琪呀，你不如返到屋企再打比我丫，我有D野想同你講呀，但係又唔想你搬住咁多野黎講喎。”風說
“吓……你真係無黎接我架？原來就算終於打了勝仗，無人在前面的機場，迎來閘門外分享。唉，心淡。”芝琪笑說。
“……我要開工丫嘛，你返到屋企再打比我啦，收線先啦。”風說。
“好好好，知道啦。”芝琪沒趣地回應道。




 
回家，芝琪再致電風。
“喂，我返左屋企啦，攰死我啦，要一個弱質少女搬住一架波車同兩件行李由機場返油塘，我憎死你呀。”芝琪撒嬌道。
 
“芝琪，我地分手啦。”風說。
“…………”沉默
“我話你唔接我姐，唔洗分手呀……我講笑架渣話憎死你，唔係架唔係架。”芝琪慌亂地說道。
“芝琪，唔關事架。係我，我識左第二個女仔，係我花心，所以我地分手啦。”風說。
“呃……即係我比唔上果個女仔？”芝琪問。
“我同佢上左床。”風忍住心中的內疚、悔恨，一字一字地說出。




“總之，我唔可以同佢分手，所以我要同你分手，對唔住。”風為芝琪的心，補上最後、最狠的一刀。
 
電話筒內只剩下沉默。一起做義工的回憶，一起打保齡球的回憶，初次拖手，他初次抬起我的頭，親吻我，所有所有所有的回憶，都伴隨著眼淚，湧出來。
 
痛，痛，痛。雙方都感到很痛很痛。但當然，芝琪的痛要比風的，痛上一千倍，痛上一萬倍。
 
然後，芝琪消失在風的生命中。