浮事的，一個的士佬既故事。: 第四章－－－補完 (1)

風回家，恩雅在家中等著，滿面怒氣。
 
“小風風，你今日唔記得拎電話出街呀。”恩雅向風說道，然後淚已從她的眼珠兒流出。一滴，兩滴，然後暴雨梨花。 “點解，點解你有左我，你仲要出去溝女。點解你當日話唔嫌棄，但結果又係要傷害我！點解呀！” 恩雅崩潰地說道、歇斯底里地叫喊著。
 
風走向前，緊抱著恩雅，說道：”對唔住，好對唔住。成件事好複雜，我唔知點向你解釋好。但總之請你相信我，我對你係認真架。為左你我可以犧牲任何野，任何野。”
 
“你為我犧牲D咩呀風哥？” 恩雅激動地問。
“我為左你，我星期六晚以後都唔再去飛車，費事你又話我去溝女。”風說。
“點好意思呀風哥，你次次星期六可以食又拎，又有錢收又有女溝。”恩雅說道，情緒開始冷靜下來。
 




“唔啦唔啦，為左你，我唔再參加非法賽車啦。”風低頭說，又想起了今天被辱罵的情境。
 
恩雅感動，抱著呀風。”我都對唔住，我唔應該偷睇你部電話。我信你會好好處理，而處理完之後你一定會留係我身邊架，係嘛？”恩雅一邊說，一邊親吻著風。慢慢地相擁，慢慢地褪下大家的衣褲，然後又在一次進入靈慾的世界內。
 
這是他們的溝通方法，唯一的溝通方法。亦是芝琪和呀風一直未能用到的一種方法。
 
靈魂和肉體的決擇，天使和魔鬼的交戰。
 
然而在這場交戰中，芝琪作出了讓賽。她去了法國里昂比賽兩星期，這兩星期，恩雅佔決優勢。
 




“……我有左呀” 恩對風說。
“吓…..咁點算。”風問，和正常男人一樣的反應。
“……你覺得我地可唔可以養多個BB?”恩雅問。
“唔可以，養你一個女已經好辛苦。”失去了賽車和 “風狂” 的士客的呀風，收入大不如前，所以風直接地說。
“得，你唔洗再比說話我聽，我預左你會咁講。我唔會要你煩既，你放心。”恩雅鐵起臉說道，一邊忍住淚水。”
 
然後恩雅便帶著女兒靜靜地離開風的家，回家去了。