浮事的，一個的士佬既故事。: 第四章 靈魂

風看看手錶，凌晨三時四十五分。


風致電芝琪：”喂，訓左未丫？我係你樓下啦。”

“未訓……但好眼訓啦，不如你買上黎比我食啦。”芝琪用剛睡醒的聲線說道。風心知道她一直在等待他的

來電。想到這裡，風的胸口不禁抽搐了一下，回應道：”好，咁我求其買少少野比你食啦。為免你訓著，

你落黎帶我上樓啦，順便唔洗比個實Ｑ問長問短。”





“嗯……十分鐘。”芝琪簡短的回應道。


然後睡眼惺忪的芝琪出現在家樓下，把呀風帶到她家裡去。

“你自己住？”呀風問開始清醒起來的芝琪。

“呃……你覺得如果我同屋企人一齊住的話，我會三更半夜帶你上黎？”芝琪反駁。





“……你講得啱。”風回應。

“風呀，上次你都未答我。”芝琪說。

“答咩?”風說

“我問你係咪想溝我呀，上次睇Eason之前呢。”芝琪說

“……”風沉默





此時芝琪把身軀靠到呀風的肩膀上，問道 “你鐘意我D咩？我又肥又矮，成粒馬蹄，又成日傻下傻下。”

“……我都唔好得你幾多姐，我除左識揸車，識講兩句英文，得閒昆下鬼佬，我仲識咩姐？我咪一樣唔知

你鐘意我咩。”風回應。

“呃……係囉，有時D野可能就係咁，你又唔知，我又唔知。咁你覺得，我地好唔好拍下拖，花少少時

間，一齊去搵下個答案出黎呢？”芝琪低頭問道。

風用行動回應，他用手輕輕抬起芝琪的頭，向著芝琪微微乾燥的嘴唇親下去，很輕，很輕。這晚，他們

沒有再做什麼，但他們的關係已進了一步，不在肉體上，而是在靈魂上。

這夜，芝琪不禁認為呀風是個君子，沒有在這絕妙的晚上佔有她的軀體。但到底呀風是已經有心無力，





還是真是一個正人君子呢？這個答案，相信就只有呀風知道。