浮事的，一個的士佬既故事。: 第二章 耀眼的關節技

到達，風幫芝琪從車尾箱拿出波車

”你去保齡球場先啦，我泊好車再靜靜雞係遠處望你打啦。”風說。

”又唔洗靜雞雞既，唔好企太埋就得架啦。”芝琪答道。

”你做咩又唔”呃”？”風問道。

”你上次話煩，我戒緊啦。”芝琪道。





風沉默。

風泊好車，匆匆趕上保齡球場。

“痴線架，搵個位都要成粒幾兩粒鍾，都唔知咩鬼地方黎既，咁既山卡拉地方一到星期日都可以有咁多人

黎既。”風自語。

當他對達球場，只發現大量觀眾都聚集左球場中間的兩條球道，而球道上有三名球手正在比賽，卻不見關





芝琪的蹤影。

“佢唔通已經比人KO左，仲走埋添？”風心想

在球場中搜索了一會，呀風終於發現了關芝琪。她正在球場邊緣的一條球道上自顧自地打著球。

“喂，你做咩自己係度自閉打波既？唔係打緊比賽架咩？”風一邊問，一邊打量著關芝琪。

她換上了一件有領運動服，領口的四顆扭扣都沒有扣上，約隱約現地露出了沾著汗水的乳溝。下身穿著一





條超短運動裙。雖然內裡明顯的有一條打底褲，但仍難免讓人想入非非。一頭烏黑秀髮束成馬尾，令樣子

秀麗的芝琪臉上更添一分英氣。右手戴著保齡球專用的鋼鐵護腕，左手輕輕的把保齡球夾在腰間。很美，

也很專業。

“呃……頭先岩岩已經打完六局資格賽，而家打緊梯級。果邊打緊果三個人係頭先資格賽既第二、三、四

名。佢地勝出果個就可以黎挑戰我，因為我係資格賽既第一名。”關芝琪平淡地解釋著現時的戰況。

“勁喎～”呀風舉起雙手的手指公大讚 “但點解你唔休息下，反而係咁遠既球道上面自閉打波既？”\

“呃……因為如果我停低唔打波既話，身體就會cool down晒。咁一陣一開始決賽既時候我就可能會發揮唔

到。而對手因為岩岩已經打完一場梯級賽，所有肌肉都仲處於作戰水平。所以我要係呢度不停keep warm





自己。同埋係咁遠打唔係因為我自閉，而係怕會騷擾到果邊比賽緊既球手姐。”

“哦…..”呀風接不上咀，他不太擅長認真的話題。 “哈，你對先講野係度　“呃” 啦，仲話戒緊。”呀風試圖

讓氣氛輕鬆一點。

“企開少少，到我出場啦。”關芝琪站起來，眼神銳利地望著剛分出勝負的球道。