自從我哋相遇之後: 無奈的意外

Gabrielle知道之後即刻約Bryan出嚟面對面講清楚。

Bryan喺約咗嘅地方期待住Gabrielle嘅來臨，但係點知，Gabrielle一直都冇嚟。

等咗一個鐘...一個半鐘...都係冇Gabrielle嘅蹤影。

Bryan嘗試打俾佢，但係打唔通。

Bryan唯有悶悶不樂同帶著擔心嘅心情返屋企，準備聽日返學要用嘅嘢。





第二日，返學嘅時候，Kelvin虎視眈眈咁望住部電話。

Bryan好好奇，就過去問發生咩事。

Kelvin話：「唉...BB唔覆我wts同電話。係咪嬲咗我呀？」

佢哋兩個都唔知Gabrielle去咗邊。

直至放學嘅時候...





Kelvin接到一個電話，係Gabrielle爸爸打嚟嘅。

「喂？Uncle？」

「Kelvin（帶著哭泣嘅語氣）...阿女琴日俾車撞到...之後依家昏迷緊...你快啲過嚟探吓佢啦...」

Kelvin二話不說，即刻同Bryan講，然後一齊去醫院。

原來，琴日Gabrielle喺去同Bryan見面嘅途中，由於太急，所以紅燈嘅時候過馬路，俾車撞到。





佢哋去到醫院，見到Gabrielle面色蒼白咁瞓喺張床上面。

Kelvin即刻衝埋去佢身邊，捉住佢隻手，話：「你一定要醒返呀...我會一直等住你...唔係講過要一齊去唔同地方旅行咩...」

Bryan雖然冇衝過去，但係佢喺床側邊，大聲咁喊咗出嚟。

心諗：「對唔住呀...係我搞到你咁...真係對唔住...你一定要醒返...我愛你...」

夜晚，連Kelvin同Gabrielle父母都返咗屋企嘅時候，Bryan一直喺Gabrielle身邊陪住佢度過。

呢種偉大嘅程度，真係真愛先會出現。

Bryan同Gabrielle講咗好多嘢。

講下講下，就瞓著咗。





第二朝，Kelvin嚟到問：「你唔諗住返學？」

「好朋友嘅女朋友喺醫院，我點可以返呀！」

「你琴晚喺度過夜？」

「係呀...」

「其實你係咪鍾意Gabrielle？」

「你講...講咩呀...」

「快啲答啦！」





「少少啦...」

Kelvin知道呢個事實之後，並冇阻止Bryan留喺度，反而叫佢更加照顧Gabrielle。

因為Kelvin知道，連自己都冇咁嘅愛去為Gabrielle而唔返屋企咁照顧佢。

又點可以攞自己咁渺少嘅愛，去同佢比較呢...