自從我哋相遇之後: 偶然的邂逅

Bryan係一個中四嘅學生，佢係一個好懶、成績麻麻、健忘嘅人。

由於佢懶散嘅性格，所以佢成日返學遲到。

有一日，佢朝早趕咗上一架巴士，希望唔會遲到，上到巴士比錢嘅時候先發覺原來佢今朝冇帶銀包??

佢即刻好慌張咁問個巴士司機可唔可以下次先比返，咁當然個答案係唔可以啦。

原本個司機想趕佢落車，但係呢個時候，有一個女仔話：「我幫你比啦！」個女仔將幾個硬幣投入個箱度。





Bryan感到無限嘅感激。
「唔該哂......係呢，我幾時還錢比你？」
「你可以唔還錢都得嘅～」
「真嘅？真係多謝哂！！」
「唔使客氣！耶穌都話Love Your Neighbour As Yourself啦！」

佢地嘅對話就此結束。各自各返學，Bryan落車嘅時候，更發現個女仔原來係度隔離間學校添。

放學嘅時候，Bryan嘅好朋友Kelvin就叫Bryan陪自己去等隔離學校嘅一個女仔放學。
「等邊個呀？」




「其實我暗戀咗隔離學校嘅女仔好耐...嗱！嗰邊嗰個呀！」
手指指住一個幾好樣嘅女仔，咪住先...咪今日借錢比Bryan嗰個？

個女仔見到Bryan之後行過嚟，揮手打招呼，
「Hi！你嚟還錢比我㗎？」
「唔係呀，我都未有錢，點還比你呀？」
「係bor，蠢咗添。咁你嚟做咩呀？」
「我讀隔離間學校嘛，經過都好正常啫！係呢，你叫咩名呀！」
「我叫Gabrielle，你呢？」
「我叫Bryan，呢個係我朋友，Kelvin。」




講完之後Gabrielle就好有禮貌咁向Kelvin點咗個頭。
「不如你比你個電話號碼我啦，結交多啲朋友嘛！」Bryan鼓起勇氣咁講。
「好呀！等我攞張紙同隻筆出嚟先！」

就係咁，Kelvin同Bryan，又進一步咁認識Gabrielle嘞。