原來你一直在我身邊: （21.2）

William此刻的心突然沉了一沉......

不知為何他的罪惡感又回來了......

William 致電麗琪問過明白，但他先試探她。

William：『喂，麗琪』

麗琪：『你終於肯call我啦咩！』





William：『份paper終於寫完啦嘛，話時話，果個CD你係咪準備咗好耐？』

麗琪知道皓兒在考試前後那段時間準備的，這個問題並不難到她。

麗琪：『當然啦，我5月果段時間已經開始準備架喇，點呀？係咪好鍾意好感動呢？』
William：『當然啦，你都幾犀利喎，段片剪得幾好，係呢啲原片你仲有keep嗎？』

麗琪：『啊，啲原片....um….有呀，我save晒落我個USB到，你想要？』

William：『係呀，當然原汁原味比較好啲啦，我依家得閒不如你擺上google drive share比我？』





麗琪：『下，依家呀？um…比啲時間我，我要搵下』

William語氣突然認真起來：『唔駛搵了，你問佢佢都未必比到你，啲原片我有晒』

麗琪：『你...你講邊個佢？』

William：『段片係皓兒整，係咪？』

麗琪驚嚇地說：『你點知架？』





William：『我諗佢唔記得delete啲原片』

麗琪：『哈，叫我比隻碟你話係我送比你，又話表面上隻碟已經同佢無哂關係，點知原來自己留晒啲證據喺個hard disk入面，都唔知佢有咩企圖』

William：『我信佢唔係啲咁嘅人，我諗佢純粹忘記咗啫，你都唔好得幾多，點解要幫佢呃我』

麗琪：『喂！無人叫你踢爆架喎！我都係幫佢啫，都係人地一番心血，唔通dum咗去咩！何況我都有喺入面架』

William：『佢可以親手送比我嘅啫』

麗琪：『你都幾唔瞭解女人架喎，如果你係比人飛果個你仲會唔會有面目見佢呀！』

此刻他們倆突然停了下來，因為他們都意識到皓兒所受到的傷害他們都有份造成





麗琪：『依句.....係皓兒同我講....』

William：『件事.......就咁算啦』

第二天上課，他們再次碰面。William行到課室門口停了下來，他從背包拿出那個光碟，然後走進課室。他慢慢走到皓兒的面前然後放下光碟，再慢慢行回座位。阿浩和皓兒看到也傻了眼。

阿浩想著替皓兒拿著光碟跟William理論，不過皓兒停止了阿浩的動機並把光碟放了桌上的一旁。

這個時候麗琪剛剛走進課室想著跟阿浩和皓兒打招呼的時候，她看到皓兒桌上的光碟。他們雙眼對望，麗琪突然緊張起來，並且以口形和手勢表示與她無關。

回到座位麗琪立刻whatsapp皓兒解釋一切，皓兒看到後裝作無事並繼續上課......

事實上，皓兒在課堂心不在焉，教授問問題的時候她都沒有舉手回答。她更周不時望向窗口方向，看是心事重重。

下課了，皓兒第一個趕緊離開課室，踏出門口前皓兒大力的把CD掉入門口旁的垃圾桶，這個情景很多人都看到，當然包括William。





阿浩實在看不過眼，他走到William面前以抑制的聲量罵了William一番......

阿浩：『你咁做係咩意思？你有無諗過皓兒嘅感受？』

William：『你知道我咁做嘅動機咩？你咩都唔知就嚟話我！你除咗只係睇到我比返個光碟佢你仲知啲咩？』

William說完後就跟麗琪離開課室了。

事實上，就在William交還光碟給皓兒後，他whatsapp了一個信息給皓兒。

William
我想你親手送依份禮物比我

皓兒當然不願意，當初她拜託麗琪送給他的時候就是希望他倆能夠增進感情，他們越恩愛皓兒才能把傷心轉為憤怒，繼而把William完全放下。如今計劃被破壞了基於自己的疏忽，所以唯一皓兒能夠做的事是把光碟扔掉。