原來你一直在我身邊: （8）

日子過得快，兩個星期已過去了。就在模型車比賽前一晚，William再次知會皓怡他第二天會去看比賽。皓怡心淡了，心想著：唔叫我去就算吧！。然後答一聲：哦！okay！

第二天，皓怡和她的家人到茶餐廳吃下午茶，心裡想著他們三個一定看得很開心。在等待食物來的時候，皓怡拿出手機看一看ig，她不斷在手機scroll down，看到一個post來自麗琪在十五分鐘前發放的相片，相中只有William和麗琪。這是一個3張相片的collage，其中2張更是只有William和麗琪的合照，憑背景來看，有兩張應該是在比賽場地，另一張.....是來自一間著名的甜品店－TW。奇怪了，阿浩不是跟他們一起的嗎？為何沒有一張相是有阿浩的存在？此時，皓怡心跳加速，看著相片呆了。

旁邊皓怡的姐姐偷看了皓怡的手機一眼：『咦！果個咪係William？果個女仔邊個嚟架？』

皓怡的姐姐看到皓怡的表情就知道自己多嘴了，連忙看另一邊當什麼都沒有說過。

皓怡突然清醒過來，她立刻whatsapp了阿浩。





『hi，你今日無去睇比賽？』

阿浩回覆了，

『係呀，我病咗，所以去唔到』

原來是這樣啊，不過皓怡看見William和麗琪的合照，更在TW一起吃甜品，心裡不是味兒。最可惡的是麗琪在description寫下 『今日過得很開心！好充實啊！有人陪睇模型車』這個post在短短時間已經有45 likes 5 comments。

“原來你鍾意模型車架？”





“你就好啦，有男仔陪你食TW”

“你男朋友？好襯呀你地！”

“麗琪，我地下次一齊去食TW！”

“果個咪係....佢地散咗了？”

皓怡看到火滾了！！她的忍耐力已去到極點！她立刻whatsapp William





『好開心喎你地....兩個！』

大概四小時後......無錯！的確是四小時後William才回覆....

『都係架！個模型比賽太精彩了！可惜阿浩今日嚟唔到』

皓怡
『點解嘅？』

William
『麗琪話佢唔得閒喎！』

皓怡此時心想：為何阿浩告訴她他病了，麗琪卻說阿浩沒有空？

皓怡『ohh，原來係咁！咁d甜品好 唔好食呀？』





William
『咦，乜你睇咗麗琪post果張相？』

皓怡
『當然，唔係我點會知阿浩無去，最後得你地2個一齊。相下面的comment你有睇嗎？有人話你地睇落幾襯！』

William
『係？haha唔好嬲啦，佢地不知者不罪，我依家叫麗琪立即澄清番！』

大概5分鐘後，皓怡看到麗琪在ig的回覆

『係咩？我地好襯？haha唔係啦，我地只係朋友！』

皓怡看到後，心想：這算得是甚麼澄清！人們眼中William只會被視為麗琪其中一個的兵！卻不知William已經有女朋友！





這幾天，皓怡心情都很差，做甚麼事都沒有活力。她對麗琪很生氣，但同時不知為何對William也很冷淡。每天跟William不是說很多說話，主要是whatsapp較多。