智慧的差別: 夢想

  係呢個世界上，有幾多人真係為自己既夢想而去奮斗？

每個人都至少有一個夢想，無論係年輕人，小朋友，定係已經成年既人。但當中又有幾多人真係能夠成功咁實現自己既夢想？

有D人認為，實現夢想並唔難，困難既係點樣可以堅持。。。亦有人認為，夢想只不過係人幻想既美好世界。。。咁到底，夢想係咩？

如果隨便咁講句『我既夢想係可以執到100蚊！』呢一個都算夢想既話。。。個D『我要做總統！』算係咩野？夢想之王？不可實現既夢？

夢想，其實係冇定義，如果真係要將『佢』定義——夢中懷想，未來想實現或達到既境況    路人甲﹕「複雜！唔明！」

我相信大家都應該聽過或睇過《海賊王》當中有一句名言﹕『我係要成為海賊王既男人！』耳熟能詳既一句句子，出自蒙奇 ‧ D ‧ 路飛口中

《海賊王》——一部關於夢想既動漫，內容唔詳講，有興趣既自己上網睇！600多集，即使已經咁多集，屬於佢地既冒險尚未完結

周星馳——又一個眾所周知既明星，佢句句經典，但出自於《少林足球》既一句名言﹐即使冇睇過﹐亦都唔會陌生『如果做人冇夢想，同條鹼魚
有咩分別』

句句名言﹐即使係性質唔同既電影，動漫，漫畫，小說都好，大多都係以『夢想』為主要內容。。。

我都有夢想，我有唔止一個既夢想，我曾經有唸過好唔好繼續堅持，但我發現我堅持唔到。。。 。。。#我有一個夢一個注定眾叛親離既夢#





我堅持唔到我最想實現既夢，倒不如行唔同路，試唔同野，做唔同事，感受都唔同，擴大視野。。。實現其他夢想~~

夢想，可以話唔係人人都能夠實現到，但對於佢地黎講，可能佢地既夢想係神聖不可侵犯。佢地從來冇放棄過自己既夢，只不過係實現唔到！每一個人心中總有一
個夢，一個美好既夢，一個神聖不可侵犯既夢。。。

《守護甜心》——睇過呢套野既人，相信都知道大約講咩，已經好耐既一套動漫，但令我心有感觸既係佢既開頭『每個小朋友既內心都有心靈之蛋，係肉眼
睇唔到，會幫你變成理想中既自己』 呢句說話我好中意，即使到宜家我都冇辨法忘記。當心靈之蛋一旦變成惡蛋，就代表個小朋友既夢想被破壞，有時我都係到
唸，我既夢想呢？實現唔到係咪就代表我既





夢想就真係只係一個夢呢？

我有夢想，但我屋企人一直都話不切實際。。。但夢想唔係就係因為不切實際先叫夢想咩？我好傷心，但每一次我都只係講「咩叫夢想呀！夢入面想呀！唸下唔
得，講下都唔得既！」有時屋企人都話隨我中意，隨我選擇，但最後就事事反對。。。就算有人反對又如何？呢個係我既夢想，係我永遠既夢想！

唔好隨便放棄自己既夢想，呃到人，但永遠都呃唔到自己。。。！