[二分之一甜][玄幻甜故]《嗜血者》: 140. 重遇

140. 重遇

我在飛往紐約的途中經過芝加哥，被一個熟悉的感覺所吸引，隨即低飛下去。

我走進一間酒店，去到某樓層的某單位外，敲打大門。

「係！」

Abby扭開大門，「丹青，真係你啊？」



「Abby！果然係你，你嘅氣息……你已經完成傳承，成為食屍鬼王？」

Abby高興的點頭，「係啊，入黎先再傾啊。」

我剛才在半空所感應到的是Abby父親的氣息，然後感應到幾個第一代氣息，所以我推斷Abby應該身處酒店中。

在酒店房間中，除了Abby父親外，還有幾名第一代食屍鬼，其中一位是曾經和我交過手的歧實詺顐。

「我之前收到情報，有教廷嘅人去咗搵你哋麻煩？」



Abby臉色變得凝重，「係……嗰個人好厲害，就算我哋全部人一齊出手，都只係勉強同佢打成平手，佢根本唔係正常人類。」

Abby跟我憶述，那個男子能夠使用出類似聖光的攻擊，威力很大，到最後動用到食屍鬼王部份傳承力量，才能夠重創該男子，故此，Abby所得到的傳承並不完整，不過無礙她的地位。

「點解你完成傳承之後唔返去香港搵我？」

「因為我哋要先建立一個根據地。」

「係美國？」



「係，我哋打算係紐約定居，依家係度等緊世界各地嘅族人集合。」

「要唔要我留係度幫手？」

Abby笑著說：「唔駛，我哋可以應付到。」

「哦……咁啱我都要去紐約，一齊？」

「好啊！」

我們在芝加哥靜待了一星期，食屍鬼族人陸陸續續來到，我們一行人大約有三百五十位，除了Abby和十位貴族外，全都是第二代食屍鬼。

這樣的動靜無異於宣告自己將會插一腳進去這個地區，於美國定居的傳說生物開始陸續派出使者來找Abby交涉。

今天，就有食人魔（Ogres）、哥布林（Goblin）、冰霜傑克（Jack Frost）三位使者來到跟Abby會面，我為他們租用了酒店的會議室，當所有人都去到會議室後，我理所當然的坐在Abby身旁。




食人魔


哥布林


冰霜傑克

『食屍鬼王……你咁樣做係咩嘢意思？』哥布林問道。

『我哋需要領地。』Abby說。

食人魔咧口而笑，『領地？你唔會唔知美國領地已經被各族所瓜分，根本插針都插唔入。』



『你哋只要比一個小鎮空間我哋就可以。』Abby平淡的說。

冰霜傑克身上冒出冷冷寒氣，沒有人能夠看穿他在冰藍鎧甲下的表情，『你係邊個？』

我感覺到冰霜傑克正在盯著我，我淡然說：『我係食屍鬼盟友，吸血鬼一族－徐丹青。』

『你唔係貴族……』冰霜傑克的話語間都伴隨著很重的吸氣聲。

『無錯。』

不是貴族而身為第一代的傳說生物，全都是實力強橫的天才，否則不可能單靠自己的力量晉升為第一代。

食人魔和哥布林驚訝的望著我，冰霜傑克放下了一枚結冰的令牌後，就站起身。



『冰霜傑克一族可以成為食屍鬼盟友，而且會提供一個位於紐約附近嘅小鎮作為你哋嘅領地，條件係吸血鬼一族都要同冰霜傑克一族結盟。』冰霜傑克對著我說。

我嘴角勾出一個玩味的笑容，『好，我答應你。』

冰霜傑克重重的呼出兩口寒氣，轉身走去。

Abby語氣中帶有皇者霸氣，『咁你哋呢？』

食人魔和哥布林互相對望，異口同聲說：『要等我哋嘅王做決定。』

Abby不屑的說：『如果你哋無話事權嘅話，咁有乜資格過黎同我傾嘢！！？』

食人魔和哥布林被Abby的氣勢嚇倒，不敢正視她。

『走！』Abby說。



食人魔和哥布林雙腳發軟的逃去。

「恭喜你搵到領地。」我說。

Abby笑咪咪的看著我，「都係全靠你啫。」

我微笑搖頭，「如果你唔係咁有皇者霸氣，就算有我，冰霜傑克都唔會願意同你結盟。」

在冰霜傑克提供小鎮的正確位置之前，Abby決定所有人都先在酒店逗留，順便可以和更多種族交涉。

晚上，Abby房間內。

我跟Abby細說了這些日子所發生的事，而Abby則與我分享傳承時的驚險遭遇。

「好彩，最後你都無事。」我說。

Abby點頭，「如果唔係有咁多位貴族幫手，傳承一定會中止。」

我們陷入沈默，沒有說話。

「係呢……」「係呢……」

我倆對望，仰身大笑。

我跟Abby的關係係奇妙，比起情人更像朋友、知己，不過我們之間並沒有被道德所限制，想發生關係就發生關係。

「Abby……」我瞪著Abby，使她臉頰發熱。

這夜我把Abby推倒，覆雨翻雲。

……

一星期過去，除了冰霜傑克外，再沒有其他種族願意和食屍鬼結盟。冰霜傑克亦派出人類奴才把地址交予Abby，並命令這奴才為我們引路。

我們租用了好幾輛旅遊車，朝紐約駛去。

一路上都很平安，我們順利到達紐約附近的一個小鎮，不，應該是小社區。

待Abby把人手分配好，我就要離開了。

一個種族要紮根，就先要把勢力領地安定下來，要做到安定，就需要跟附近勢力結交。

其實所謂的領地只不過是各族之間的共識，領地的用意是把該領地內的人類，歸於該領地種族所控制，其他種族不得染指。不過，若然有人不把你放在眼內，領地就如同虛設，所以為了震懾其他種族，各種族的十位貴族通常都會長駐於領地之內。

我與歧實詺顐一起去跟附近的法坎（Fachen）打個招呼。


法坎

『邊個？』一個頭長獨角，只有一眼、一腳的怪人從木屋跳出。

歧實詺顐說：『我哋係新搬黎嘅食屍鬼，想代王向法坎一族問好。』

『哼，原來係鍾意食腐肉嘅老鼠。』

歧實詺顐目無表情的說：『你咁講係乜嘢意思？』

法坎脫下鹿皮外衣，他只有一隻手，這隻手還要是長在胸口的。

『我係話，你哋係老鼠。』法坎說。

歧實詺顐右手握拳，拉弓待發，『收返句說話，唔係就殺咗你。』

我見情況越演越烈，就充當和事佬。

『以和為貴，一人少一句。』

法坎不屑的說：『你又係邊個？同班老鼠一齊你都唔方係好嘢。』

『我係吸血鬼一族，徐丹青。』

我完全放出傳說生物氣息，『係唔係想切磋一下？』