《曾經懵懂的日子》(真人真事): 面對朋友同學的追問
面對朋友同學們的追問,超煩躁
當然現在諗番的話,一個女仔要飛我,洗咩咁間接。後來聽番個老死講我知係小江當時只係想激我,無同高佬黃一齊。
點解我會咁多年後先回憶番件事?因為中4的時候,被任何其他同學問我同佢的事,我都因為怕Seven,冇將心底真話講出。作野過骨。甚至作出一句"我同佢大家都係玩玩下姐" 此話我唔知當時有冇傳到去佢耳中。如果萬一真係有傳到去佢耳中,其實就係我傷害左佢
![](http://forum6.hkgolden.com/faces/frown.gif)
至於此話我幾時同人講?就係中4同某一位錫我的miss 一齊的時候,其他同學都在場。其中兩位女同學都在場,跟小江都有點熟。
miss問:估唔到你會同小江一齊,我地其他老師都估唔到。
我:係咩,er..我同佢大家都係玩玩下姐。反正佢都唔係認真。(當然這不是我真心話,只是想讓自己僅餘的尊嚴不受傷,很自私的自我保護行為,現在想起我都覺得自己非常自私,沒想到"言語"可以很傷人。)
對著其他同學追問,我全部只說事但啦,過去就由佢過去,唔洗死/被佢飛咪被佢飛囉。我真的很自私
小後記:呢件事我未同過任何人"認真"講過。因為覺得被女追又被女飛實在太Seven,就算係我那兩位我視為老死的人都一樣沒曾告知他們。
只有在最近我同一位老死談心,雖然佢的意見係非常廢。因為幾乎無留心聽我講。
但佢同我講"當年小江'好似'無同高佬黃一齊" 咩叫好似。你同無講有咩分別,於是我回憶起了所有事。
其實我唔係到2015年先記起佢。我2012年5月22日都曾經希望透過fb inbox 聯絡她。為何不用電話?因為我那時壞手機而遺失了她的電話號碼。為何不上門找她?因為我沒上過她家,只從她口中得知家中5兄弟姐妹,現在想來,自己那時還真膚淺,沒有了解清楚她便胡亂判斷,還像個小孩般膽小,不敢問清楚。
![](http://forum6.hkgolden.com/faces/banghead.gif)