《曾經懵懂的日子》（真人真事）: 中學生總會有Ｄ無聊的閒聊

------------------------------------------------------
跟住同小江一路行番屋企。
我地學校同佢屋企好近，只需約400米路程，大約10分鐘。
我屋企離學校就10分鐘路程（腳長行得快  ) 
行左3分2路程，身邊d同學離開哂，咁就剩低我送佢番去，我地就係度傾下計。我地就係度講下屋企Ｄ野。
小江：你想唔想知我屋企野。
我：想。
小江：我屋企有5兄弟姊妹。
我：咁多，咪好複雜？
小江：係。




我：不過我仲複雜過你。我屋企有3個，我最大。
小江：3個仲少過我屋企點複雜？
我：我屋企有3個姐，我"對上"仲有3個同父異母的家姐呀哥，而我大家姐年齡同我呀媽差唔多。
小江：下，6個咁多。
我：係呀，仲要d家姐呀哥，我未見過，連咩樣都唔知。係街見到都未必認到。
小江：係咪你唔想見下佢地？
我：就算我想見，對方都未必想見啦，我小學開始知道佢地的存在，係我老豆話我知的。如果佢地想見我呢個細佬，一早搵左我。
小江：哦（望住我唔知做咩）
我：你知唔知，其實我屋企人好傳統唔想我拍拖住。
小江：咁你鍾唔鍾意我呀。




我：鍾意
小江：鍾意咪得。
我：我份人唔講大話。
小江：咁的大話你都講得出 
我：真，我真係唔識講大話。I'm a terrible lier.
小江微笑：你個大話精 
我：我冇講大話，我都唔想對屋企人講大話。所以，我冇同佢地講我同你拍拖。

話咁快，個400米的3分1 就行完。
到左佢屋企樓下。




小江：咁你番去啦，我到啦，聽日見。
我：好，拜拜。
 
之後開始寫的內容會比較酸
其實我想快d 寫完，回憶9年前幾辛苦下
既考驗記性，又考驗心理承受能力 
寫寫下真係會令自己咁耐以來想問的3條問題問出口。
所以快快手寫完比較好