有一天，醫生話我知我將會不舉

「照診斷而言呢⋯⋯你患上既係「突發性海綿體纖維化症」英文idiopathic fibrosis of the corpora cavernosa。每射精一次，你陰莖內就會形成不明疤痕組織(scar tissue)，呢d組織會係你陰莖內累積，最後導致喪失勃起功能。以我估計，你餘下既日子，只剩下50次性高潮，之後就無法再做愛喇。呢個病，冇藥醫，我重申，冇藥醫。」 

「陳生，喂！陳生！你仲清醒嗎陳生？」 

「啊，清醒，醫生，麻煩你講多次我有咩病好嗎⋯」 

「嗱，陳生，我已經講第12次，如果你唔信我既診斷，你不如另尋高人啦，不過你搵得我，都知我已經係全港最top內外全科啦。我明白呢個病係好難接受，你仲要咁後生，先幾多話？29歲」 

「28」 



「係囉，28，係好可惜，我明白，我都係男人，曾經我試過⋯⋯⋯⋯⋯」 

我聽個醫生由佢十六歲初夜開始講，講到佢四十歲都仲講梗，食過幾多護士，高矮肥瘦abcd乜都齊。 

「但自從我遇上Mary」 
（邊撚個Mary） 
「我發現，其實，性，唔重要，真愛，係不在乎你嘅性能力，我支持你，努力！活下去！總有一天你都會搵到真愛！」佢拍拍我膀頭。 
（實在太客氣） 
「醫生，明架喇，我都係走先。」 



醫生沾沾自喜地高呼：「Mary～come on～送病人岀去。」 

俏護士從藥房輕輕推門而岀，我從下打量至上，42，36，24，36，咦！你咪Cindy？！