自修室，學界既蘭桂坊: 11

我唔理得咁多架啦，上咗先講啦，無咁橋嘅!!
 點知一上到車，唉屌。
 時間緊迫，做咗正經嘢先。
「銅鑼灣一期廣場吖唔該。」
「喂，係咪咁橋呀，又係你，你唔係話你揸開灣仔架咩，做乜嚟咗太古呀。」我嬲嬲地道。
「兄弟，實不相暪，今次係我專登走嚟撞你嘅。」痴線的士佬邊開車邊講。
仆你個街，終於肯認啦咩，今次又有咩企圖呀。
「唔好意思喎，今次你唔會見到上次嗰個女仔架啦。」死毒撚，今次我唔會俾你得到你想要嘅嘢架啦。
 
「哼，我緊係知啦，不過無所謂，因為我今次嚟唔係想睇女，係嚟俾忠告你嘅。」




的士佬一副語重心長咁嘅樣，搞到我有啲不安。
 
「琴日，我喺灣仔兜客嗰陣，見到你同第二個女仔一齊。」

 原來琴日我同Jojo一齊嘅時候，又俾佢撞到。

「你知唔知，男人最重要嘅嘢係咩?」的士佬問我。
「係咩?」

「係專一呀!!!!!」的士佬忽然怒哮一聲，成架的士chok咗一chok。




「你知唔知!!!喺香港，有幾多男人係單身寡佬，就你多得你呢啲仆街仔，一腳搭兩船，四處留情，香港啲女已經唔夠分架啦，你一搞搞兩個，你咁樣係作孽!!!你咁樣係影響緊生態呀!!!」
 
 「喂，大佬，我琴日嗰個真係普通朋友嚟喳。」

 「去死啦你，前日嗰個你夠話係朋友啦，咪又係錫咗，你敢講你對個女仔無半點暇想咩?」
  講無就假嘅，琴晚我先J完套麻美。
 
「有…」我面對的士佬嘅拷問，無以為對…
「喂，琴日嗰個學生妹嚟姐，你都唔會溝佢架啦，咁我都無影響你，你咁大反應做咩姐?」我反問佢。





「唔好嘅嘢就點都要改!!!」的士佬又再咆哮。
「如果喺以前，每個男人都可以專一少少，我就唔洗咁樣…」
「點樣?」
「唔好再問啦!!!」

唔知係咪因為痴線的士佬好嬲，揸得特別快，轉眼間就到咗銅鑼灣一期廣場。
「今程收你一舊水!!」
我呆撚咗，個跳錶顯示呢程車係五十六蚊渣喎。
「大佬…個跳錶寫…」
「呢個係對你一腳搭兩船嘅懲罰!你唔俾，你就咪駛旨意落車!!」

…好…我見之前佢無收嗰啲應該都過一百蚊…我忍…
仆你個街，無啦啦俾人老屈，我有一腳搭兩船咩…

落咗車，我就即刻狗衝上間補習社，俾錢報埋個course。




原來依家咁先進，要整埋學生證。
好彩，我依家唔係海膽頭。
終於到上堂時間，好多學生不停咁搭lift湧入嚟。
等咗兩輪，終於見到Shirley同Jojo。

第一次見到佢地著便服，個感覺好新鮮。

Shirley就一件深藍色背心仔加黑色迷你裙，一深一淺，將佢白晢嘅肌膚發揮到極致，件背心我一見到就喺度諗，一陣同佢坐嘅話，一定要借啲意掂下佢手臂。

Jojo就一件黃色Polo tee加白色熱褲，平時條校服裙好長嘅佢，終於俾我見到佢對腳，同Shirley比係粗咗小小，之不過肉感搭夠，上身因為佢著Polo嘅關係，可以睇得出小小波路。

Shirley一見到我，就好興奮咁。
「咦，車厘龜，你點解會喺度嘅!?」

見到Shirley咁青春可愛嘅打扮，我之前對佢嘅疑惑即刻一掃而空。





「我都係嚟補習架，你地係咪補呀Ray呀?」呀Ray係呢度嘅econ補習名師，係個大肥佬嚟。
「係呀，又會咁啱嘅，Jojo，我地以後補習有多個伴啦。」Shirley好開心咁講。

Jojo望住我，諗咗陣。
「哈哈，啱啦，你啲Econ咁屎，係要補下架啦。」
無見一日，佢又回復返佢嗰種串串地嘅口吻。
我無理佢，因為我今日嘅目標係Shirley。