[男籃]一球穿Jump: 第廿五回 – 失蹤

如常的上學、生活，拍拖、操練，好像已經把我於比賽時暈到的事情忘記得一乾二淨，大家都在專心備戰學界四強賽。
 
MACY「喂阿駿，聽日記得設去醫院攞報告呀﹗」
「下，咁快就2個禮拜架喇，我尋晚發夢先夢見我地羸左元山個一幕咋﹗」
「係呀，你請左假未呀﹖未就聽朝青個電話返去俾Miss Wong啦。」
「梗係未請啦，得喇，我聽朝去醫院途中打返去啦。係呢，你會唔會陪我去呀﹖」「下﹖我都冇醫生紙，點請病假呀，一係我Lunch過黎揾你丫﹖」
「哦，咁又唔使，我行得走得食得訓得，都冇事架啦份報告，我攞完返過黎同你食Lunch啦，唔使你走黎走去咁辛苦。」
「抵錫~咁你聽日見先醫生即刻Whatsapp我個結果喇喎。」
「得喇，你驚我走左去咩﹖」  
你已被接駁到6xxx xxxx既留言信箱，請你係咇一聲之後留低你既。。。




 
「駿，做咩唔聽電話啊，你到底去左邊。。。」MACY焦急咁不停打阿駿個電話，但無論點打都好，都係飛左去留言。
 
「犀牛，阿駿有冇搤過你呀﹖」犀牛「冇喎，佢係都揾你先啦，做咩事呀﹖咁慌張既你個樣。」「阿駿今日去醫院攞報告，我地約好左佢一攞完就會Whatsapp我個結果，但係我等左個零鐘佢都冇上線。佢尋晚又話會返黎同我食lunch，但而家lunch完左都唔見人，我打極電話佢都唔聽，仲好似閂左機添。」
 
犀牛「佢唔似係D咁冇交帶既人喎。」MACY「係呀，所以我好擔心佢，你地有冇人有佢消息呀﹖」「冇呀，我同你問埋其他人啦。3個字之後係操場集合啦。」
 
3個字後既操場，高佬都過左黎。MACY「點呀點呀，有冇阿駿既消息呀﹖」犀牛同高佬都拎拎頭。MACY「我打過去阿駿屋企，佢媽咪話佢今朝出左去醫院之後就冇返過去，仲問番我佢係咪有事添，攪到我都唔知點答佢好。。。」
 
「你地唔使揾喇。」一把熟悉既聲音係後面響起。「李SIR﹗」三人同時叫道。「阿駿出左D事，我安排左佢去一個地方好好咁靜下，你地放心我會睇住佢。」MACY搶問「佢發生左咩事﹖做咩佢唔話我知﹖李SIR你快D帶我去見佢啦，我有好多野要問佢同佢講呀。」「MACY你冷靜D先，阿駿佢想自己一個人靜下，唔想見任何人，我亦應承左佢唔會將佢個情況同任何人講，包括佢屋企，所以恕我唔話得俾你地聽住。」




 
犀牛「李SIR，MACY係阿駿女朋友黎架，你話俾佢知啦，至多我同高佬行開。。。」李SIR「唔係呢個問題阿駿佢暫時唔想大家知道佢既情況住，但你地放心，我會勸佢快D揾番你地。我欠佢一個人情，所以我一定要保守呢個秘密。你地要信我，我會好好照顧住仍先。」說罷李SIR便轉身離去。
 
高佬「有D唔妥喎咁，點解李SIR要收埋阿駿，有咩嚴重到唔可以同人講。」犀牛頂一頂高佬，示意佢收聲，高佬亦知道自己講錯野。佢地見MACY低頭不語，雙眼通紅，就知MACY擔心得要發瘋。
 
犀牛「其實我地又唔係冇咩可以做既。。。」MACY聽到犀牛呢一句，就如掉左落大海既人見到一塊木板咁，一定要死捉住唔放。MACY「即係點呀﹖你有方法揾到阿駿﹖」「方法係有，但係唔知可唔可行。」高佬加把嘴「講啦柒頭。」犀牛「妖﹗」「拿，而家李SIR話已經安置左阿駿啦麻，昕係得李SIR知啦，咁佢一定會去揾阿駿架麻，我地跟蹤住李SIR，咁咪可以知道阿駿係邊。」MACY「又岩喎，咁我地即刻起程啦。」高佬「你唔好咁心急住啦MACY，而家未放學，李SIR未走住架，我地一放學就係呢度等啦。」
 
「好﹗」
 
一如計劃，佢地3個一放學就係學校門口附近一個隱蔽既位等，冇幾耐李SIR就急步行出學校去左搭地鐵。而佢地就一直掉住李SIR尾，保持住大概50米既距離，好彩李SIR一直都冇發現。




 
見李IR出左地鐵站買左份外賣，就轉左入一幢私人樓入面，「呢度應該係佢屋企掛。。。」MACY說。「但係我地點入去呢，個保安望實個門口咁。」犀牛加把口。MACY「我要係度等到佢出黎為止。」