男人，切忌在失落時去蒲...: 5.重遇(1)

回到家後，我當然要立即打給巧兒哄她，這時電話響起了。一個我一生都無法忘記的人，雖則我沒有加到聯絡人，但我知道是他。

喂。 我的聲音顫抖著

喂，偉文啊。好耐無見啦。

係啊。 我對他的態度十分冷漠。

聽日得閒嗎?





嗯。

咁聽日兩點，新城市廣場等啦。

哦，好啊。

一想到要和這個十年前一聲不響拋下我和母親和姊姊的人我便怒火中燒。沒想到自中三之後沒再見的人，會在四年後再次找我。

我沒有和家人說，只是和巧兒交低了。想著想著。我也入睡了。





第二天，我很早就到了沙田。我的心情十分忐忑，不知怎面對他。

偉文! 一把熟悉的聲音叫著我。

回頭一看，果真是他。

我和他到了豚王吃拉面。我們坐了一會也沒有說話。
我決定打開話題。

咁耐無見，搵我做咩?





我下個星期要去澳洲啦。我想比?野你。係呢，依家你讀緊咩?

唔似你喎，咁有交帶。無啊，依家係理大讀緊會計。
我帶點諷刺的語氣說。

會計啊，真係叻仔。同你家姐一樣咁聰明。

咁都係媽咪教得好姐。係呢你有咩要比我?
我此話語帶雙關。

他從袋裏拿出一袋文件，還有一串鎖匙說:依到係我麗晶既一個兩房單位，仲有一架車，全部轉晒你個名，牌費，燕梳都無問題。你睇睇佢。

那疊全是英文的文件我都能看懂。裏頭大概是一些樓宇轉名的文件，還有那一串鎖匙裏耀眼的Benz鎖匙。





點解要比咁多野我? 我問

我得你一個仔唔比你比邊個?仲有我今次澳洲其實係醫病，我知自己無乜時間，我亦都知我欠左你地三個好多野。有?野係時候要還。呢到仲有兩個信封，你幫我交比你老母同家姐。

ok,但我都係唔會認你做老豆，仲有依到既野如果媽咪唔鍾意你係唔會收。 說完後，我拿起這些東西，跑出廣場外。

也許這些年來我真的誤會了他?想著想著，我也不禁在街上痛哭了起來。突然間，有個女生拍了拍的的肩膀。

呀文?