小學收尾果年，我係學校同人打左場大交: 第七節 - 雷切爾

續上回，撒旦化身左右開弓整左兩個黑洞吸左我，天鷹戰士同小次郎入去
得返路飛同佢謝晒皮既撒旦化身打
雖然叫就叫黑洞，但入面只係好多塵埃同垃圾
唔係完全漆黑一片，或者呢個可能係另一個次元空間

小次郎：「估佢唔到仲有呢一著，不過又唔係無得出返去，但要借助你同埋果位人兄既力量......」
我：「我就緊係無問題啦，但天鷹戰士失去晒理智，依家都只係衝擊力過大暈左，點控制佢配合？」
小次郎：「你既影能力係到會大幅提升，不過都有一個地方令你既能力提升得無咁大，果一點就係呢個空間既出口。」
我：「咁樣唔難，但搵到之後要點？同埋關佢乜事？」
小次郎：「我要佢既蠻力黎撞薄個出口，等我果一劍可以斬開呢個次元。」




總算同小次郎所講既一樣，真係一個地方會特別古怪

雖然我畫功唔好，不過整個撒旦化身既黑色幻象都唔會太難
就係咁，我就引導左天鷹戰士不斷向我產生出黎既標記位置不斷猛攻
好快就達成計劃，一劍斬開返個空間出口
睇黎可以出去立功攞尾彩
點知一出到去之後竟然係一片廢墟......

除左學校之外，連周邊既建築物已經倒塌左加廢置左好多年
睇黎似係穿越左時空，又或者只係去左魔界都未定




正當我疑惑之際，有三個人跑左埋黎
其中一個著到連帽外套，包到自己好密實既人話：「等左咁耐，黎啦。」
而另一個著住實驗袍既男人就總算肯同我地主動交流......
雷切爾：「我叫雷切爾，你地應該係黎自2008年既人，你地身邊果個異空間入口係一個可以穿梭時空既地方黎，而我地今次咁岩就係要返去2008年。」
「我叫......彩虹糖。」著到好密實既果位人兄只係講左呢句咁簡短既說話
同一時間，天鷹戰士變返正常，但成個人虛脫左訓左係地......
雷切爾：「機會黎啦！快啲吸收佢體內既狂暴之力！」
話口未完，彩虹糖就扯開衣袖，極速吸收狂戰士既力量
而佢隻左手既符文都不斷咁湧現出黎，越黎越明顯
彩虹糖：「未死。」




一直企埋一二邊未出過聲既MK仔就突然出聲：「我叫詩音，係支援者黎。佢平日野都唔多講，又唔鍾意比人見到自己個樣，係咁架啦～」
小次郎：「下，你係Tomboy黎？MK仔look但女仔名既......定你係屍體個屍？」
詩音雖然仲係面帶微笑，但我feel到佢塊面黑黑地......
雷切爾望望個錶之後話：「時間無多啦，出發啦，入返去個異空間我就識搞架啦～」
眼見雷切爾發出魔力令異空間扭曲之際
估唔到咁快我地三個話咁易就返到去2008年。

但可惜已經遲左一步，因為路飛已經灰飛煙滅......
校長：「我都唔想燒死我聰明既學生架，只係佢有份打過我，我唯有比啲懲罰佢，但估唔到佢咁怕火......」
小次郎：「枉你為校長，原來一直都有行體罰！不過你都就黎死，慳返淡氣好過啦！」
校長：「就死既似乎係你地......由我做校長果一刻開始，我已經慢慢係學校每個角落散佈魔界之源，所以呢間學校可以同我合體！撒旦人鋼鐵模式！」
剎那間，學校開始地震，而撒旦化身已經變成一部巨大機械人
雷切爾：「我就預計到會咁，所以岩岩係你講廢話果陣，我既隱形浮游爆彈已經係晒學校每一個角落準備好，依家終於可以引爆！」
撒旦機械人內部開始爆炸，零件四散之際，撒旦化身校長都已經消滅埋
彩虹糖同樣趁機會吸收呢種不斷湧現出黎魔界力量





就係咁，學校總算回復返和平(不過要重建，仲要請返個新校長)
而路飛都扮完死現返身
成件事總算告一段落......
小次郎完成任務暫別香港，話有閒錢就請我地去日本玩咁話
雷切爾佢地就......算啦，應該返左去未來掛
而施天英就上左山獨居，可能唔想再戰鬥
至於我同路飛當然打算幫雷切爾手，但路飛似乎就無咁既興趣
因為呢場大交，令我依賴左超能力，所以都係唔再讀書，廢事衝動起上黎搞到全班同學入醫院


有咩恐怖得過同自己MSN？外傳完。