小學收尾果年，我係學校同人打左場大交: 第四節 - 路飛

續上回，26條友跳樓企得返起身既得返三個
不過原來呢三條友既能力都幾普通
一個用火，一個用冰，一個用雷
至於倒地不起果23條友原來只係得啲黑暗能量
簡單黎講係雜兵，個腦已經淨係識打打殺殺

雖然二對三好似好不利咁
但其實用電果位係完全比路飛剋制住
所以話口未完路飛已經強行幫電人充左電
一野捉住佢將佢塞入發電機入面




雖然全校突然停晒電，但天仲光，無乜影響

最少已經快快手手搞掂左個
其餘一冰一火，為左令個戰果好啲
所以我同火人打，廢事佢整溶路飛(以防萬一)
好彩錯有錯著，因為學校停晒電既關係
我既影能力可以完全咁發揮

剎那間火人已經比黑暗吞噬......
因為佢既能力屬於黑暗力量，所以可以比我利用返轉頭




不過正當我秒殺左火人既同時
冰人都占晒上風，橡膠手都比佢變左做雪條
既然係冰，我當然用幾秒既火能力黎幫佢解解凍
始終都叫吸引左少量既火能力
總算將冰人整溶左，搞到成地都係水

掂條呢三條二打六之後緊係馬上去校長室啦
雖然我地都知佢唔會坐定定咁等我地去收拾佢
不過你估打機咩，個Boss當然唔會一直係同一個位等
所以最主要都係收集情報，同埋破壞光頭佬個風水陣




正當我地上返二樓，準備去校長室既途中
無啦啦有條友叫停我地......
仲以為邊個，原來係校工明叔
明叔：「你地想搵校長？佢唔係校長室到啵～」
我：「係，明叔，依家學校好危險，你都係快啲收工啦。」
路飛：「有啲唔妥，照計啲人一係搵個安全地方避緊，一係就走左佬，再唔係已經死左，點會仲淡定係到做清潔......」
我：「又好似真係怪左啲......」
明叔：「既然你地咁早發現到，我都唔講咁多廢話......去死啦！」

正當呢個邪惡既明叔講完呢句說話，佢就已經訓低左
殺佢既竟然係？乜佢唔係比校長打死左咩？
不過睇真啲，原來施耐庵已經進入左獸化暴走狀態
可能佢迴光返照，但點都好，佢真係八神庵咁款
但依家佢已經不分敵我(雖然一出場果陣已經算係敵人)
因此都係由佢繼續行自己既路，應該都係搵校長再打多次架啦




所以都係收隊返屋企......

待續。