小學收尾果年，我係學校同人打左場大交: 第一節 - 八神同學

是咁的，我姓金木，但唔係名研，全名叫金木 水火土，係個英日混血兒，但唔識日文唔識英文
N年前既我當然係一隻讀緊小六既小學雞啦......
果日同唯一既fd一齊出去食lunch
雖然只係平平無奇既一日
但諗返起真係記得好清楚......

行樓梯落去果陣，見到隔離班一個識識地既同學，佢真名好似叫施耐庵
咁岩同水滸傳個作者既名一模一樣，但因為條友高高大大，又成日入機鋪打KOF，所以啲同學鍾意叫佢做八神
依家見到佢成身殺氣，握緊雙拳，兩眼通紅，口中仲念念有詞
見佢成個狂戰士咁，我出於關心問佢咩事




我：「八神同學，咩事呀？」
狂戰士呆立左一陣，之後突然狂性大發
打出一道D CUP咁大既沖擊波
不過撻Ｑ，向我左面既牆壁打左埋去 
我當堂嚇左一跳 然後就得啖笑，就係我仲笑緊之際
狂戰士突然嚎叫：「吼！」
之後我當然比佢震懾左一野啦
但有個fd係身邊真係特別有勇氣，加上女神望住我既關係
我馬上兇佢幾句之後 
狂戰士就捂住隻手就上左樓





食完個豐富既午飯返黎之後
返去既途中，我突然感覺到草叢有動靜
突然真係有條傻佬衝出黎大叫：「德馬西亞！」
女神唔係我附近，我既戰力即時弱左十倍
呢一擊搞到我既HP得返個位數字
正當我迷茫之際，但係唔好忘記，我仲有個FD
為左保護佢，我決定用無盡夢魘
將我最後一分力撞埋去





點知我fd突然伸長隻手，用橡膠手槍打走條友
大佬呀，你食過橡膠果實就出聲啦
我既MP只係夠用一次大技......
因為HP同MP都無晒既關係
我果日就打算返去休息
點知有一大班人等住我......
而狂戰士返左上樓之後又點呢？

待續。