有咩恐怖得過同自己玩MSN？: 第十八節 - 黑夜

續上回，第二場比賽開始，就係我定落既搵金幣比賽。

星仔一開波就挑釁對手：「趁個未黑你好搵到個銀仔啦黑炭，入左黑你肯定唔到！」


估唔到佢真係挑釁佢，萬一人地好猛料就大獲。


鬼邪奸笑左幾聲，郁都唔郁咁答佢：「你擔心下自己仲好啦！入左黑就係我贏，依家我就讓你慢慢搵啦！」





星仔：「搵到啦！唔該晒你讓我。」心想：雖然手中既係喵喵怪幣，但睇下呃唔呃到佢先，我懷疑佢入夜果陣係成個身包圍戰場個地下都得，直接攞晒5個幣咁贏......

鬼邪：「哼！等你好耐啦，我根本就唔洗搵，搶你果個咪贏囉！〝百鬼炮齊射”」

SEN：「鬼邪一招就將星夜炸開左，仲搶埋個硬幣！果然係有戰略！」

鬼邪：「仆你個街！喵喵怪黎既！估唔到比你呃左，真係估唔到你雖然金起個頭成個MK仔咁但都幾有腦......」

星仔：「唔係我有腦，而係你蠢！邊有人搵到仲咁大聲講出黎？你應該好怕光，就等我同你黎個埋身戰啦，激光劍刃！」






星仔真係勁左好多，無見一個星期就可以用完美控制光能，依家未有星星既力量都可以係手放出激光做劍。


SEN：「哇！鬼邪一比星夜把激光手劍插過就成身散晒，睇黎影真係好怕光既！」

星仔：「鬼邪突然係戰場既地下聚合，唔通佢同個巨人一樣又係鬼咁麻煩？但我理得你，都係快快手搵左個銀仔先。」

鬼邪：「個天黑晒啦，你已經輸左！〝暗靈噬”！」





SEN：「鬼邪個黑影突然吞噬左成個戰場地下，影既力量真係估你唔到呀！」

鬼邪：「果然比我攞晒5個銀仔，首先係剛才既喵喵怪，之後小火龍、奇異種子、車厘龜，當然仲有用黎贏既比卡超啦！我都只係想求勝，就留你小命啦。」

星仔：「係咩？乜你最後show比大家睇既真係比卡超咩？真果個係我到！」

鬼邪爬上觀眾席，點知突然有個小爆炸係佢身體上出現。

鬼邪：「點解會爆炸架？竟然又係光，本來諗住利用你呢個發光體等我可以入夜之後即刻贏，點知真係一個難應付既人！」

星仔：「岩岩都係大你，我係講完果句先開始搵，不過你講得岩，我係一個發光體，所以我夜晚搵野唔難！」


鬼邪突然將自己變大，似乎想直接吞噬星仔佢......






鬼邪：「唔好怪我唔客氣，我為有將你連人帶幣咁樣贏啦！」

星仔：「〝星光之力”！邪不能勝正呀！」

SEN：「勁！睇黎係光與影之戰，估唔到只係第二場就咁精彩！大家真係有眼福～」


正當星仔將個黑影消滅之後，打算上觀眾席之際，突然地下有隻手將佢扯低。


鬼邪：「未完架！我唔可以輸！〝影纏”！只要你郁唔到就同一個電燈膽無分別啦。」

星仔：「果然比你纏住我個影搞到郁唔到，不過我都唔可以白費一個星期既努力！星與夜快啲比力量我啦......〝星光爆破”！」





鬼邪：「哇屌！咁辛苦先攞到個銀仔，差少少咋......啊！！！」

SEN：「拿，我見你都未郁到啦，即係硬幣唔係你身果到，咁你要等我數10秒，10......9......」

星仔：「就算好慢都要郁到，我唔可以比佢有機會翻身架，星星借我力量！行啦！」

SEN：「3......2......」

鬼邪：「我未死！係佢附近既下面！我只要仲有氣息，你都係郁唔到架！認輸啦！」

星仔：「咁我唯有自爆啦......」

鬼邪：「又想呃我？咁我唯有直接用黑影既力量吞噬你啦！」

星仔：「〝激光爆散”！你咁近我，一定死硬架啦！」





SEN：「好彩我有戴黑超，真係估唔到可以咁光，就好似開左燈一樣！」

星仔：「用最後一口氣都要派上觀眾席......終於贏到啦，但係，好攰......」


星仔派完上去就訓左係地，但希望個比卡超幣係佢個身到啦，唔係只係會當平手，變左白打一場。


SEN：「掂呀！佢左手拳頭原來就係緊緊握住個真正既硬幣，而唔係佢整出黎既激光爆彈！第二場勝利者係星夜！仇魂隊再贏一場！依家再抽第三場......」

我：「喂！聽日先抽啦，第一依家入夜，第二個戰場都爛到乜咁，不如依家休息左先啦，你咁快抽左會比壓力出場果位。」

SEN：「好啦！咁我宣佈第三場比賽會係中午十二點開始！大家依家就返去休息先啦，同時我地會修補返好個戰場架啦！」





玥風：「我地唔通要返去自己個世界先？但星仔依家成身傷，仲暈左未醒，就咁返實比人發現有大獲野，同埋我地唔識自己黎返呢個平行世界到。」

雷切爾：「淨係返去你都唔識啦，其實係到我搵到間酒店架啦，大家休息一日先。」


去到酒店之後，真係發覺好豪華下，重點係近戰場先好，間房幾爽，有兩張大床。


雷切爾：「我唔係想打擊大家既士氣，但有個壞消息我要講左先。」

我：「係乜野？你想講星仔佢依家都係未過危險期之類？」

雷切爾：「唔係，而係今次既房得呢間，大家就珍惜下果兩張床，我會自願訓浴缸，大家聽朝努力啦！」


待續。