【微甜】點解有五條女同我一齊?: 43-真的生氣了！-「新版」
「喂！啊龍，睇下係龍貓呀。」啊情講。
「唔係龍貓黎架，呢隻叫卡比獸。」我講。
眼見啊情對住個餐廳門口企左係度，我都唔知點好，叫佢走又唔係，唔叫佢走又怕比人望。
「果邊果個雕像幾靚喎。」啊柔一邊cool住我隻手一邊講。
「係幾靚既。」我答。
話說點解啊柔都出黎呢，呢個就要講返前兩日，啊麗唔知邊度得知我同啊情同啊雯打算出街，之後話左比啊柔聽，啊柔當然無嬲啦，但係要求我同佢一齊出黎囉。
「啊龍，隻卡比獸cp值好低，但係個體值九十幾，留唔留好？」啊雯拎左部手機比我睇。
咩個體值？cp低咪姐係廢囉，唔係架咩？
「留佢好啲，話哂都係難捉呀。」我笑住講。
「乜你地覺得呢d好好玩架咩？」突然之間啊麗從後挨個頭埋黎。
「哇！你又做咩係度？」我嚇左一跳咁講。
「咁我知你係度我咪過黎囉。」啊麗望住我講。
「喂！無人想你係度呀。」啊情望住啊麗。
「咁我都係陪我男朋友姐，又唔得呀。」啊麗講。
「我.......」啊情正想講野，結果比我打斷。
「由佢啦啊情，條街又唔係我地。」我講。
啊情突然行左果黎，cool埋我另一隻手。
「啊情等等，等等，你咁cool住我，我玩唔到電話呀。」我講。
「我唔理呀。」啊情講。
行多一陣先發現途人既目光又聚焦哂係我身上，只知道我又出事啦，而且啊情又開始想講啲難聽既說話嘗試去趕走啊麗。
天呀！我只係想靜靜咁玩電話咋。
隔左無幾耐，啊麗都開始講返啲難聽既說話。
啊柔知道我唔多想聽，所以都出口幫手：「你地一人少句啦。」
世估唔到啊情會對啊柔講埋啲咁既說話。
「收聲啦。」啊情突然一句，果刻我真係著左。
明明好地地可以開開心心咁一齊出下街，係要係度嘈。
「夠啦。」我大喝一聲。
我再講：「啊柔啊雯，我地走，唔好理佢地兩個，等佢地係度嘈。」
啊情比我呢句嚇左一跳，眼內有淚光，而啊麗都停止左嘴炮。
「啊龍呀。」啊情講。
我無理佢地，真係頭也不回，手拖住啊柔同啊雯隻手向前走。
聽到啊情既喊聲不斷減弱，唔知係咪真係嬲，我無打算理啊情。
「啊龍，不如返轉頭呀？」啊柔講。
我無聽啊柔講既野，繼續慢無目的咁向前行。
「我地依家去邊？」啊麗講。
下！啊麗原來一直有跟上黎。
我另轉頭好凶狠既眼神望住啊麗，好嬲咁講：「你，同我消失。」
「唔好嬲啦，我......」啊麗未講完，我就話：「我唔想聽到你把聲呀。」
「啊麗，你不如走先啦，啊龍佢好似......」啊柔同啊麗講。
啊麗聽啊柔講完既野，知道自己搞到好大件事，之後亦都無再跟住黎。
「真係由得情姐姐一個係果度呀？」啊雯講。
我無回答，只係不斷行，見有咩路就行咩路。
我知呢個時候既我係好仆街，但係問題係明明今日係應該開開心心，啊情係可以唔洗理啊麗佢，而我亦唔會對啊麗做出一d親密行為，就唔明啊情為咩事嘈。
行左一個鐘左右，啊雯既電話震左震，見到佢手機入面有小精靈捉，但係啊雯並無理佢。
「做咩唔捉？」我問。
「你行咁快，我捉唔切。」啊雯講。
忽然之間我知道自己做左d過火既事。
我停低左落黎，然後講：「對唔住呀，我......」
「唔洗講對唔住，你同啊情講啦。」啊柔望住我笑住講。
「但係佢......」我講。
「其實我黎既原因就係知道啊麗會黎，所以諗住擺平件事。點知你就......」啊柔講。
「係囉，今日約你出黎就係想你開心。」啊雯講。
「我係咪做得好錯？」我問。
「唔係，呢種事大家都唔想。」啊柔講。
「咁返去搵啊情囉？」我提議。
啊雯同啊柔都點頭。
我同佢地行返岩岩果段路，行左無幾耐，終於行為去同啊情失散既地方。
但係就唔見左啊情，於是我就嘗試打電話，但係啊情既電話根本打唔通。
「可能啊情情緒唔好，返左屋企呢。」
即使我再打多幾次，結果都係一樣。
希望如啊柔所講，真係只係返左屋企咁簡單啦。
估唔到呢個出外捉小精靈既行動竟然會係咁樣做結尾。
之後果一日，啊情全日無搵過我，平時都會同我whatsapp下，但係今日竟然咩信息都無，所以我決定打比啊情。
我拎起電話，禁左幾粒掣，然後禁通話。
「......」等左一陣，無人聽。
打比呀情第二次，第三次，最後一次直頭打唔通。
我終於明白到呀情真係嬲左我，佢嬲左我點解會鬧佢，點解會傷害佢，點解唔體諒佢。
但係如果唔咁做，我又怕啊麗會爆啲乜出口，而且可能啊麗有其他把柄在手都唔定，不竟我發現過d咩佢都一清二楚。
要令我能夠力保三位女友安全係身邊既方法，一，殺左啊麗，只有死人先唔會亂黎，咩問題都解決，但係咪玩啦，我點會咁做。
二，要令呀麗對我貼貼服服，但係如果呀麗有一刻想玩我，咁呢個方法就一啲都唔安全。
或者依家係一個機會，係馴服千金小姐既時間，如果我可以食住呀麗，或者可以幫我追返呀情。
「寶同學！寶同學！」miss帶我個靈魂返黎上堂。
「上堂留心啲啦，唔係你畢唔到業既話，你出到社會會比人輸蝕好多。」眼見miss指住我話，但係我個人三魂唔見七魄。
「得啦。」用左呢兩句草草了事。
咪玩啦，咁既狀況邊有心情上堂呀。
落左堂之後，miss主動搵我....
「喂，呀龍，最近搞咩？成日發白日夢。」miss用眼瞄住我再講：「唔會係因為女呀？」
下！咁都比miss一眼釋破左。
「下！」我表示驚訝，再講：「唔係呀，miss你諗多左啦。」
「唔洗扮野喎，我一眼就睇得穿你啦。」miss講。
我都唔隱瞞miss，點左下頭，然後一五一十咁講miss講。
「上得山多終遇虎啦。哈~」miss對住我笑，再講：「我地既情聖出事啦，鬼叫你到處留情種。依家有人妒忌啦。」
我望住笑我既miss表示無奈，唔知點解呢一刻miss好似成個細佬女咁會笑鳩我，乜miss唔係應該安慰我架咩？
不過都難怪miss會做啲咁既行為，因為我地既關係唔係老師同學生既關係，而係朋友既關係。
miss笑完一輪後都有同我講如果女仔係中意你既話，係唔會輕易離開你。
我聽完只係知啊情並非易搞，不過點都好，首先要從啊麗入手，咁樣會係目前既最佳方法。
同miss傾完之後，我亦都返左屋企，做返例行既野-打機，你地可能會講，哇！條女嬲左你，你仲有心情打機？
我會答你大佬呀，呢啲咁麻煩既事，好大壓力架，唔打機減壓點得呀？再加上如果咁樣就影響哂所有生活，反而會令所有野都做唔好，對啊柔同啊雯唔住。
「啊龍，有意露營嘛？」啊強係skype語音對話度講。
啊強無啦啦問我去唔去露營，我就梗係去啦，可能呢啲活動可以幫我低壓，唔洗諗咁多，而且我想去露營好耐，但係因為之前次次都無人去，所以我一直都未去過。
難得佢地話join埋我一齊去，打死都去左先。
之後啊強問左我一個好難搭既問題，我將會R爆頭既問題......