【微甜】點解有五條女同我一齊?: 5-打機神手-「修正版」
呢幾日黎我都小心翼翼咁同啊柔啊情相處，不竟我唔了解佢地，但係從佢地口中都得到一啲我未知既野。
帶緊耳機既我講：「早晨！」
無錯，我依家係開緊skype，同啊強同啊俊傾計。
未介紹啊俊，啊俊係一個典型宅男，唔好睇佢係宅男，其實佢博學多才，基本上無野唔知。
「好耐無見喎，你係度就啱啦，我地三個好耐都無一齊玩啦，玩咩好呀？」啊強話。
「你地決定啦!」啊俊話。
「left 4 dead 囉，好耐無玩。」我話。
「好呀，我最近下載左一幅新圖，玩下囉。」啊強話。
我就係skype下載啊強分享既新圖，然後即刻用純熟既手法開vlan，開開場器，再開l4d2.exe，開完之後入場。
起初都玩得幾多個開頭，輕輕鬆鬆咁過左一關。
不過Left 4 dead既設計就係第一關最易，所以唔好咁快開心住。
到第二關開始，到達我地既樽頸位，死左三四次之後。
大家都開始有啲經驗，識點走路，唔會再花時間搵路，專注係突破衝路度。
不竟我地唔係咩新手，雖然唔係高手，但絕對係老手，所以唔會廢得好邊。
係緊急關頭，我個角色已經倒地，啊俊就死撚左好耐，電腦就可以無視啦，大量喪屍已經比我吸引住。
眼見已經睇唔到啊強既人影，血量亦漸漸下降。
係臨果一刻，我神速禁滑鼠右鍵，再禁左鍵，成功係死之後掉土制...
呢個時候，啊強開咪講野:「做得好呀！我到安全室啦。」
係skype入面完全聽我地既勝利聲......
「ya!!得左。」
「終於過到啦！」
「四個死剩一個喎。」
「都係過到呀。」
「屌，過左5，6次先過到。」
「知你想講咩啦，我地玩緊簡單嘛。」
我地係過場時間不停談天說地，話咁快畫面之載入完成，不過咁次唔同左，有一個叫"ahman"既人入左黎。
我一望之下，咩名黎架?英文差既我當然睇唔明點讀啦。
之後佢就係遊戲度開左咪，講左句:「點解玩簡單既?」
竟然係一把細佬女既聲。
我心諗，下乜呢啲恐怖game都有女仔玩架咩？
我就開咪同佢講左句:「你玩下就知係唔係簡單囉！」
佢就係對話欄度打左個問號，佢開頭都唔明架，所以佢就試下玩落去。
我同啊強啊俊講我地個場不嬲都唔簡單，就係改下參數，加下插件，
所以成個場既難度上升左唔少，唔係一般人可以過到，我地自稱老手都過左5，6次先過到。
最初我以為個ahman只係中手水平，由初期睇得出，手持衝鋒槍就知，唔會係咩高手。
可能只係路過，我仲好輕鬆咁同啊強啊俊講:「等陣打tank佢死硬。」
「咁又未必。」啊俊反而回我一句。
關卡初期的確係唔錯，手持衝鋒槍係增加唔少速度，
但係中期係需要應付一隻過兩萬既必殺tank，係我精心改良下既傑作。
只要中左tank任何一招，就會即時倒地，所以我對tank非常有信心。
初期到中期表現唔錯，ahman只係扣左20血左右，而我就扣左40左右，係咁既情況，的確我係比ahman廢。
到達一個山丘下，背景音樂開始變動，我就知道就係tank既出場，唔只我知，所有人都知。
我同啊強已經準備火酒，有咩事就掉左先講。
突然ahman開咪話:「唔好掉火酒!!」
「點解？」我就開咪回應ahman。
「我搞得掂啦。」ahman好冷靜咁話。
我從心裡笑撚左出黎，咩事呀，傻的嗎？你以為你係神呀？
因為我設計出黎既tank就係接近神既神獸，你唔係神又點會打得贏，我地打tank十有八九都係輸。
之後佢一下掉左一樣投擲物出去，我一睇，佢將個土製掉左出場外，引起大量喪屍出現。
我就係game開咪爆粗講:「你傻撚左呀？打tank出屍會死掛!!」
「睇埋先啦。」ahman好冷靜咁話。
我回個神之後就將重點放左係個屍仔度，不停用m4係咁掃。
ahman見我咁做就開咪話︰「唔好射。」
我心諗條友傻的嗎?
之後佢從地下汁起膽汁再對準tank投擲，tank即刻出現紫邊，代表tank已經中左膽汁，所以所有既屍仔都攻擊tank，過左30秒左右，tank就死亡!!
我從字幕度睇到呢句野，心有不甘，雖然我係輸左，但係我輸係輸自己太有自信。
自以為改高屍仔傷害同數量就可以大幅增加難度反而比ahman睇到呢點，以其之矛攻其之盾，的確另眼相看。
啊強同啊俊就話:「條女咁勁既!!」
啊強仲要抽鳩我水話:「喂，啊龍，條女勁過你喎，自卑下啦。」
啊俊就回左一句:「我都話果個ahman未必會死架啦！」
「係，係，係，我狗眼看人低，好未？」我就認低威咁講。
之後啊強就係隻game度開咪話:「個"神龍"啱啱話你廢喎，依家轉哂口風，話你勁喎，哈哈。」
我game名就係叫神龍，因為加個神字會勁啲咁。
「係咩？你地都幾得意呀，個場邊個開架？我覺得同你地玩都幾開心，你地有無咩聯絡方法，有既得閒一齊玩呀。」ahman就笑笑口咁話。
「有呀，可以skype既，如果有開場就搵你啦。」我就話。
「好呀，其實我都有玩其他game，唔一定要玩L4d既」ahman講。
之後我地四個就傾左成晚，玩到一點左右先訓。
其實同呢個女仔傾計都唔錯呀，至少我可以做返我自己。