媽啊!!點解我會俾皇帝追殺嫁?: 1

[漢高祖劉邦斬白蛇起義，被立沛縣令，自稱沛公，領兵西征，攻至咸陽，還軍霸上。被西楚霸王分封巴蜀....]
[得得得]，唐太宗呢?]
[李世民，其父為唐高祖，其兄李建成...]
[得得得，康熙呢?]
[誰?]
[孫中山?]
[歷史那有此人?]
[冇?項巨龍，你同我起身啊，訓夠未啊!]
[父皇...父皇!]
[父你娘!項巨龍!]




[哇，好痛，好痛，唔好扯我隻耳啊，老師]
[唔扯你都唔起身，上堂你就訓覺，書你就溫啲唔溫啲，而家識果啲到考試你又唔識，點啊你!]
我，項巨龍，十四歲，我媽尤其喜歡古天樂。我出生之時正值尋秦記播映之期，佢話希望我型過古天樂，威過項少龍喎!


結果，我就有左個係十二三年後，睇起黎好不堪嘅名。型過古天樂?冇 黑過項少龍?冇，由細到大我都點曬都唔黑，塊面可以話係毫無血色。性格?啲人話我毫無情緒喎...其實邊到冇，只不過我係情緒波動好好好好好少，同埋就算人都唔會擺上面姐，咁話人都有嘅....我唔是冷血的...

[我係要你記唔同時代嘅政治，果啲唔駛記嘅人物歷史，戰爭過程你同我記黎托?仲話第日想出黎撈政治!]
[撈政治但唔識政治咪同而家撈政治嘅人同聲同氣囉，唔係咩?做高官嘅就以得罪香港人為樂，做低嘅咪推下野俾其他人做囉。做議員仲好，建制派就搞下食飯旅行，講野又可以唔駛用腦、做泛民仲好，彩我拎，有事你揹，錢我袋。]
[咁啲戰爭過程你又記?你而家要打仗啊?]




[戰爭學到嘅野唔單只係點去贏，而去點籠絡同利用人心。]我心裡想咁講
[係啊，成個中史科都冇用嫁，執seven左佢啦]但係我把口就係咁講...無他，我唔會放過任何一個串人嘅機會，就算呢個係我最鍾意嘅miss ho
[你落堂黎搵我!]好大嘅拍臺聲
[你掛住我?]更大嘅拍臺聲

[你啊，做乜次次都係記到明朝就冇?下，次次都叫你溫埋後面家嘛!]
[麻煩嘛]係，我係一個好怕麻煩嘅人

雖然係怕麻煩，但呢個唔係我記到明就冇嘅原因。怕麻煩嘅我，應該係乜都唔會記。係咩原因?我都唔知，甚至我記得嘅時間只限於訓覺嘅時間，醒左就乜都唔記得...係喎，點解我訓緊覺都有意識答佢問題嘅?





[皇上!皇上!]
[呼...呼...]
[皇上!皇上!]
朕在何方?誰呼喚我?這麼金的地方，我於宮中?啊!是啊!正值早朝啊!
[皇上，何有不妥?]
[朕無事，只是初登基，日務繁多，故略欠休息而已。燕王，你有心]
[保重龍體啊，皇上!]
[好!無事就退朝吧!]