沒有道理，沒有理論。

人可能就係咁衰，唔比你經歷下失敗，挫折，你就唔會反醒一下自已所做既事。

諗返起幾年前，有一份工，亦都準備拎到某些專業資格，
日日都諗拎到專業資格後就轉工，可以搵多啲，生活既質素都好啲，
但問心，個陣返工既心態係"無盡力，無認真，無心，有得hea就hea既態度"，總之個個月有糧出就得，
過左幾個月，最終連份工都無埋，
咁就白白浪鬧左呢一份工既經驗，連專業資格都拎唔到。

個一刻就好似由一個好高既地方跌左落去咁，
所有既希望，夢想都一次過幻滅。





係往後既幾個月，只係不斷責怪舊僱主害到自已咩都無，
而無諗過，問題原來係自已身上。

再過多幾個月，搵到份新既工作，
開頭返工亦只係想快啲拎到足夠的經驗，再拎專業資格。
在新既工作入面，我認識到2個上司，
佢地既工作態度令到我改變了，
佢地既勤力，處事既態度，真係令我真心服佢地。





一年後，其中一位上司同我傾左好耐，
令我回想在起過去的日子，我所做的事，我的態度。

到現在我沒有怪我的舊僱主而令我得不到專業資格，
倒返轉頭諗，我可能要多謝返佢，
如果唔係佢，依家我既工作態度，處事能力可能無改變過，
相返，因為佢，依家能夠獨當一面。

人生總會經過好多事情，
一些會令你開心，一些會令你失望，




但有一樣野係無法改變，
就係時間會照樣咁過，
我地成日抱怨某些事某些人，
倒不如，從錯誤中學習，樂觀咁面對，
事情總有方法能夠解決。