遺傳的眼: 第十一篇～黑色嘅世界

之前已經有略略講過一個漆黑嘅地方係幾令人恐懼，想像一下，當你訓醒擘大眼果陣發覺，睇到嘅野全部好似漫畫果啲草稿咁變哂黑白色線條，你會有咩感覺？

之前靈魂出竅經驗令我好好奇，
我好想再一次踏進呢個神秘嘅異域探險，
自從果次誤打誤撞之後到衣家前後總共有3次嘅出竅經驗，
第一，第二次可以話完全冇討論價值，簡直可以用失望離形容?
一出左體就立即吸返入去，
我好難先發到夢，衣家因為我太緊張，咁就浪費左兩次珍貴嘅機會，難免會令我感到失望⋯⋯
不過!皇天不付有心人～上星期終於比我多一次機會嘗試！
上星期五我放假，所以前一日我一定會玩手機玩到照早6，7點先訓?，




到大概6:45我如常放下手機訓教，好快就訓著左拉～仲發左個夢，
個夢一開始我坐左喺一個廢棄左嘅課室嘅正中心度，冇其他學生同枱，
但前面有一個著住西裝嘅女人面對住我寫緊黑板，問題就黎拉，佢個身體係面對住我嘅，
但係個頭係背住我嫁，
但同時佢對手就用好正常嘅方向寫緊野，呢個場景我想描繪得詳細啲，課室大概二樓高，窗出面有好多樹，
天空一片詭異嘅淺紅色，出面一望無際，無高樓大廈，無人，無車，
不過有好多農田，而課室?面有好多倒塌左嘅石屎牆，千倉百孔，
光管有啲仲吊左落離，只有我坐緊嘅一張橙一張枱，一個黑板，一個詭異嘅老師，冇門口，我清楚聽到粉筆寫落黑板果種聲，
其實都無其他特別，坐左陣果 種感覺又出現拉，我又知道自己喺夢裡面，
當我有唒心理準備去眼前一刻出竅嘅時候，一擘大眼竟然仲喺個夢?面，




我覺得有d奇怪，粉筆聲突然間停左，果個老師果頭都慢慢咁另返過離，
我見到佢塊面⋯⋯係鏡離，我離完望到坐左喺登嘅自己，原來我手腳都比鎖鏈鎖住，
我望住佢一步一步咁愈來愈近，最後近到直情面對面，好似面對住令一個自己咁，
我真係好驚，然後佢無拉拉消失左，呢個時候我就四圍望，希望諗辦法，
我睇到黑板上面畫左一道門，突然間後面開始有野推我向道門，
我愈來愈近塊黑板，我忍唔住枱頭望下係邊個推緊我，一望上去又再一次面對面，
下至上調轉左咁解姐，轟一聲佢推左我入黑板?面，眼前一黑，
擘大眼果陣我知道我喺自己房，不過所有野都變到好似漫畫嘅草稿咁黑白色，仲有周圍都有啲黑霧，好恐怖，
耳邊仲有啲好大嘅風聲，我第一時間令轉望一望自己張床，我見到自己訓左喺到，我終於可以用其他人嘅角度望下自己拉，
原來我已經成功出竅，今次仲可以自由活動，我決定咩都試下，我發覺我咩都掂唔到?包括電制，不過可以自由飛翔，




當我想進一步測試照下鏡，點知我又吸返去肉身，
起身果刻我發覺我手碗果個位有比野鎖住嘅痕積，我諗左諗都係敵唔過周公。

究竟我喺夢?面發生左咩事呢？唔通呢d係叫靈魂綁架？我隻手又有㾗積，我地不坊做個假設，夢其實係肉體同靈魂分離左之後去嘅世界，不過，呢d始終都只係假設，今後有待進行實驗！

小弟開左一個同步嘅ig:Theyallaroundyou，希望大家多多支持?