遺傳的眼: 第二篇～細個

唔知大家對細個嘅記憶有冇印象，
定還是好似我咁只有想記得嘅野先會記住～?以下係細個令我印象好深刻，
永遠都唔會忘記嘅見鬼經驗。

我記得好清楚，呢件事大概喺我4，5歲
果時發生，果時我仲住緊井字形嘅屋邨，
沙田隆__邨，果日係一個天朗氣清嘅放假日。

記得果時我同阿媽係訓同一間房嘅，
佢一定會早過我起身做家頭細務，




呢朝早阿媽突然有d緊要野買，
又唔想嘈醒我咁遺有快d沖落街早去早回拉，於是屋企就剩返我一個～

開始了⋯

熟睡嘅我根本就唔知發生咩事，
我好記得當時有一把好溫柔嘅女人聲喺我左耳耳邊講左一句:(起身拉，我地一齊玩吖...嘻嘻)我以爲係阿媽離，我眼都冇開就答左一句:
(我訓多陣，晏D先陪妳玩拉。)
我係好爛訓嘅人離，而且細個果陣嘅行為，
言語上都比較老成，




可能就係因為咁激嬲左佢?。

我講完呢句之後，即刻有一種比人壓住嘅感覺，成身都郁唔到，遺獨是眼可以開小小，
而且仲有一把比頭先果把溫柔嘅聲心寒好多嘅聲係我耳?面:(嘻嘻⋯嘻嘻⋯嘻嘻⋯)，
果種聲好難形容，但係可以話比大家知，果d聲好入，入到比帶住入耳式耳機聽歌嘅聲更加入同埋好唔真實。

正常咁嘅情況下都會怯嘅，
咁我點都要睇下咩事，一離好奇，
二離真係好想訓多陣，完全冇諗過係(果d野)，因為細個果陣根本就唔知佢地嘅存在，
咁我就開小小眼睇下拉，




房冇開燈，但係有小小陽光照到入離，
第一樣我見到嘅野係綠色一條條好幼嘅線係我右眼前，第二就係見到床尾
天花版有個黑影由左至右咁重覆飄，
最神奇嘅係佢真係由左飄到右消失，
然後喺返左邊出返離，
第三樣睇到有第二個黑影喺我右邊坐左喺度噤住我個肚，
最後一樣睇到嘅野係喺我左邊面果度訓住左一個綠色嘅頭，d頭髮好長，最心寒係佢望住我嘅眼神，全黑嘅眼珠，同埋清楚過HDMI電視嘅邪惡輪廓，最慘係我醒覺到原來喺我右眼前面嘅綠色線係...佢d頭髮。
當時我真係好驚，心跳得好快，我間房無拉拉咁熱鬧，又郁唔到講唔到野，果個頭由係咁喺度嘻嘻嘻嘻，
過左一陣我突然間失去左知覺，到我醒過陣已經係真係阿媽叫醒我，話佢頭先落一落街，上返離就見到我成身汗，面青青問我係咪發惡夢，我坐起身，諗左一諗成個過程，心仲跳得好快，扮冷靜咁講左一句發惡夢姐，無野。

之後到我地搬(升中一)，都冇喺舊屋再見到佢地。好彩姐?

小弟開左一個同步嘅ig:Theyallaroundyou，希望大家多多支持?