無啦啦有兩條女同左我一齊住: 45
45
我一路跑,一路跑....
跑到去村口既巴士站
不過...已經杳無人煙
我拎出自己既手機,係咁打比阿白同智詩
打左十幾二十次
不過,依家係冇人聽
我係咁send whatsapp,facebook inbox
但係依然冇用
我開始絕望....
我知道,阿白同智詩兩個並唔係唔鐘意我,唔愛我而走
相反,佢地仲好愛我
佢地只係唔想我同老母既關係繼續惡化,唔想我為左交租而捱得咁辛苦
先會決定襯我訓左離開我
不過,咁樣對我真係好殘忍
我係願意為左你地去捱架喎,你地都知架嘛...
就算我為左你地兩個同老母反面,我都冇所謂架
點解要咁樣離開我呀?!!!
又話叫我唔好掉低你地,轉個頭又自己走左去
公平咩?!!!
「啊!!!!!!!!!!!!!」
我跪撚左響地下喊
其實男人老狗響條衝真係好撚柒,不過呢一刻我真係控制唔到自己
我都唔記得我喊左幾撚耐,淨係知道
阿白同智詩,已經走左
「江天池,你做緊咩野呀?」
我喊撚到紅都眼哂,回頭一望
係老母同.......pierre?
老母收起平時既怒火「佢兩個...走左啦?」
不過呢一刻既我仲係好撚嬲:「老母..依家.你...開心啦...」
「係你...逼走左佢地架!!!」
pierre禁住我:「阿池,你冷靜d先...」
「冷乜靜呀屌!!!!!」
「auntie...有苦衷架!!」
「乜撚野....」
吓?
乜撚野苦衷呀?tvb呀?
老母:「當初...的確係我逼阿池你入黎住,並且將錯就錯咁咁安排佢地兩個黎同你一齊住」
「原來我只係想利用今次既機會,令你學識獨立同...點樣學識成為一個男人」
「響呢三個月既過程中,我係叫左pierre做我條針...」
「例如佢會特登聊佢地兩個女仔,睇下你會唔會保護佢地,好彩你都合格..
不過你依然同以前一樣都係唔搵份工,
所以我就想今次返黎,搵個機會逼你發奮搵份工,唔好一世靠我」
我問:「真..真既?」
pierre:「auntie講得冇錯,佢的確係同我講叫我留意下你」
「放心,我對佢地兩個冇意思架,我有女朋友架啦」
「而且....」
「我係預左你會鐘意佢地其中一個,不過我估唔到你..會行你老豆條舊路...鐘意哂佢地兩個」
「我真係好懷疑,你會唔會好似你老豆咁,辜負哂佢地兩個好女仔」
「所以,我就用果晚既機會,逼你為左佢地兩個去搵工,當然你果晚響咁多人面前落大舅父佢地面都係唔岩啦...」
「而pierre亦都同我講返,你呢排的確係每晚都好夜先返,見到你咁努力返幾份補習賺錢,我都好安慰」
「你既...意思即係話..你咁樣做,純粹係好似tvb劇情咁試我地?」
老母點一點頭:「係,而且..」
「當初...matthew的確係打黎話佢要搬返黎住...」
「不過佢頭先打返黎我,話唔想住到咁遠自己公司,所以佢會出去住..」
我:「咁即係...」
「我原來今朝黎,係想同你地講你地可以繼續住響度」
聽到呢句,我已經係咁流馬尿
「但係,我真係估唔到佢地兩個...竟然真係會走...」
「阿池,對唔住...今次的確係我既錯,係我累到佢地走左..」
「所以,你要嬲我既..就嬲我啦」
呢一刻,我已經成個靈魂離開左咁
我冇理老母同pierre,慢慢咁...行返去
其實,我冇太嬲老母,可能係佢本身個意思都係想為左我好
不過,呢個結果,唔好講老母,連我...都唔會估得到
22歲既呢一個生日,係我一生中最難忘既生日
我忘記唔到呢一日
更加忘記唔到既,係阿白同智詩佢地兩個
我每一日都響度諗
佢地兩個依家住響邊呢?
佢地今晚食緊咩餸呢?
佢地今晚有冇睇達哥呢?
.
.
.
.
我真係好想知,阿白智詩依家響邊....
因為我,仲係好鐘意佢地
冇左佢地,我住咁大間屋又有咩意思.....
七個月之後
我已經考埋最後一個final exam,不過不失啦
好彩我份fyp做得好,成功將我既gpa拉返上去second up
6月就已經有幾間公司搵左我
最後我揀左間算ok大既公司做個engineer,人工都ok
暫時返左三個禮拜工,都算唔錯既
不過真係..好撚忙,晚晚7,8點先走
間公司仲要響灣仔,真係比佢吹鳩脹
而且,每日都要同同事落街食,d洗費多到仆街,我寧願食返以前canteen d飯
如果....每日都有愛心飯盒都好啦
最出奇既係,呢間公司入面都幾多女同事
有個同我同期fresh grad入黎既女仔,仲好似對我有d意思(嗱唔係我講架,係同事lunch同我講架)
雖然佢幾靚女
不過,我依然對佢冇乜興趣
每日做完沉悶既工作之後,我都係搭住港鐵返元朗,再轉巴士返到位於山區既屋企
食住買返黎既飯盒睇達哥
已經...七個月啦...阿白同智詩已經走左七個月
不過我依然都係忘記唔到佢地
呢七個月,我用盡所有既方法搵佢地,但都唔成功
就連問番xavier已經溝到手既betty,佢都話呢個sem冇乜見過佢兩個返學,唔知佢地去左邊
亦有試過響lingu等佢地...都係唔成功
但係我冇放棄,依舊每日打電話,希望佢地終有一日會聽
我真係好掛住
同阿白一齊煮餸既日子
同智詩一齊睇波既深宵
上個月,我終於返番舊果間屋企拎埋自己d野
老母問我:「阿池...你唔搬返黎啦?」
「應該唔會架啦...我會繼續住響果度,等阿白同智詩返黎....」
「嗯..咁你自己小心啦」
「我知啦..」
今日係7月4號,星期六
Xavier佢地約左我去石硤尾踢波
「喂阿池,好耐冇見啦,呢排ok嘛?你份工聽聞ok喎又好pay」
「ok啦...你呢?」
「仲未搵到呀屌...諗住下個禮拜同betty去下台灣玩下先算啦」
Jacky:「喂你兩個快d入黎踢波啦屌!」
「黎啦!」
雖然畢業之後忙左,但係我依舊會同佢地聚一聚,踢下波
7點幾
踢完波,我同xavier一齊行去地鐵站
「嘩,阿池,你咁撚勁,根本一早就要入校隊啦,駛乜我地逼你先踢呀?」
「其實..果陣係....智詩佢逼..我先踢架咋」
講完呢句,我同xavier都deadair左
「阿池..你仲係放唔低佢地呀?」
「嗯....」
「真係估唔到,你都幾長情架喎.....」
「喂xavier,我行呢邊呀,下次見啦bye」
「bye」
正當準備入閘既時候
「屌,係喎,冇哂廁紙,返到元朗實唔記得啦!」
事關呢七個月以黎,我已經試過5次冇廁紙抆屎,6次冇沐浴露,4次唔記得熄抽氣扇就出街
我求撚其搵左間鄭俊弘超市,入去買番幾條廁紙
搵左好撚耐,終於搵到
呢個時候,我聽到
隔黎,有兩個女仔響度講野,出於好奇心,八卦下先
「點解前幾日個lincoin向你表白你請佢食檸檬喎」
「咁我都唔鐘意佢..係佢一味又整野食比我又剩之嘛!」
「阿白,你...係咪仲鐘意......阿池呀?」
「....嗯...其實,智詩你...都仲好鐘意阿池架嘛,係咪?」
「邊...邊有喎,個死人咸濕池..有..有邊度好喎,阿白你唔好亂講野呀!」
「但係..智詩你電話張wallpaper仲係我地果陣去ball張相喎..證明你...都好掛住阿池啦」
「咪..咪亂up啦!」
「智詩......唔知..阿池依家點呢?好掛住佢呀..」
「嗯....咁......其實我都..有d掛住既」
「咁..果陣我地就唔應該粒聲唔出就走左去啦」
「阿白,你諗下,如果我地兩個走左去,阿池都只會回復番以前既生活」
「但係,我地冇走既話,就係要阿池陪我地一齊出去租樓喎....」
「智詩,你..做乜眼濕濕咁既...」
「冇..冇野呀,有..有沙入眼之嘛,阿白你買完野啦嘛,快d去比錢啦」
我捉住呢兩個女仔
「喂,做咩........係..你...」
「阿....池」
我眼都紅撚哂
「唔好..響度講d咩..為我好之類既野啦....」
「今次...我..唔會再比你地走左去架啦」
「阿白,智詩」