無啦啦有兩條女同左我一齊住: 42
42
「吓....」
「你唔駛唔認啦,betty佢話..智詩尋日口多多爆左比佢聽...話你地三個9月1號果陣就開始住埋一齊,唔怪之得你去ball果日唔yo女啦..」
我細細聲講句:「屌,智詩爆鳩我大獲...」
「唔駛驚喎阿池,我唔會同人講架喎...你都知我幾信得過架啦..」
「咁...xavier你仲知d咩呀?」
「betty佢話,智詩同阿白呢幾日都好似好down咁,betty問下先知,原來你...」
「原來你阿媽返左黎,仲逼你要搬返去...你為左繼續同佢地兩個住,寧願星期一至六都返partime幫人補習搵錢..」
「嗯...係.係丫..」
「乜,一齊住真係咁重要咩?」
「咁...佢地兩個女仔出去住既話好危險嘛,有我響度始終都安全好多...」
「但係,阿池你好大個黑眼圈喎...」
「咁..咁都要頂硬上架啦,黎緊每個月八千幾租呀」
「真係估唔到..阿池你都幾man架喎」
「為左佢兩個女仔咁搏命...咁你真係好鐘意佢兩個喎..」
「嗯..都係既...」
Xavier忽然遞左幾張一千蚊過黎
「你做乜呀xavier」
「一場兄弟,你呢個時勢冇理由唔幫你架嘛」
「屋我就冇一間啦,錢就有少少,借住d比你先啦」xavier屋企都算有d錢
「唔駛啦,男人老狗,我仲未窮到要問你借幾千銀喎」
xavier係咁隊埋黎:「收左佢啦!婆婆媽媽咁!!」
「喂,屌佢咪隊埋黎啦,人地以後我賣屎忽收錢咋」
「嗱你唔收左佢既話,我爆你地三個一齊住單野出黎架,到時成班狗公日日等你地返學架!」
「屌..屌你咁撚陰毒」
「收左佢啦,grad左先還都未遲啦」
「唉」咁我唯有袋住先
「係喎,咁...阿池,你同佢地兩個....」
「佢兩個做咩呀?」
「有冇..扑過野呀?」
「緊係冇啦!」
「唔係掛,有3p都唔玩!!」呢一句成功令課室既所有人都望住我地兩個
「屌你咩,駛唔駛咁大聲呀?」
xavier即刻細聲番:「sorry囉...」
「咁我又唔係太咸濕果d人..咁..冇扑過野有咩問題先?」
「何況..依家同佢地兩個都叫相處得好好丫」
「嘩...阿池,我真係要叫你聖人啦..」
雖然我把口咁講姐,但係我都好多謝xavier雪中送炭
3點半放左學,就搭地鐵去補習
今日要補兩個,大概要9點先返到屋企
不過冇計啦,要夠錢租屋就一定要咁
搭緊地鐵果陣,我望到隔黎果兩個個樣毒毒地既後生仔好似上緊高登(見到好似係高登版面)
「嘩,條女幾撚索喎」
「樣又ok,對屌西腳又好J」
「仲要係cu公廁黎」
「屌點解我果陣唔好好讀書呀!入到cu依家分分鐘有得屌呢個臭西啦..」
我響隔黎聽聽下都覺得唔對路,忍唔住昅下
個topic係「[公廁]呢條cu臭雞比綠帽我戴!」
我即刻拎手機出黎睇
個post入面有好多張相,好多段whatsapp對話
仲有好多佢玩ocamp d圖,仲有d同果個travis呀terry呀既合照
「條臭西姓林,平時發姣發凳...」
呢個比人放上高登既人,就係麗娜
我有一刻諗過:其實佢都只係收兵姐,冇必要放佢上高登姐(好似d左膠思想咁)
不過,食得鮑魚抵得渴,佢咁做得就預左有日會比人唱,係佢抵撚死
而且,如果果日阿白冇原諒我同智詩,甚至最後仲自己走左去既話
呢一刻我一定會話:「抵撚死啦,你個臭西都有今日啦!」
所以都係算,因為...搞成咁都係麗娜自己攞黎
補完習都已經七點半
講真,真係好撚攰
個肚仲要餓到打鼓,嗱嗱聲返屋企算啦
落左車都已經9點
一行到屋企門口
就見到阿白同智詩坐左響出面
阿白一野撲埋黎:「阿池,你返黎啦...」
「嗯...」
「你做左咁耐野都攰架啦,坐下先啦,我煮飯先..好快有得食架啦」呢幾句真係好sweet
阿白入番去屋入面之後
我坐響智詩隔黎:「嘩,乜你地仲未食既咩?」
智詩:「係呀,阿白話等埋你丫嘛」
「唔駛啦,咁我依家多數夜返,無謂要你地兩個餓住等我啦...」
智詩個樣好似悶悶不樂咁
「智詩你做咩呀?」
「阿池...你唔好再咁辛苦啦,我地三個住間細d既屋咪算囉」
「唉,原來你仲煩緊呢d野...」
「阿池呀,你冇必要為左我同阿白日日做到咁夜,你睇下你,成個人瘦哂啦,又冇精神」
「得啦我冇野喎...」
智詩挨落黎:「你真係..衰人黎架,點解要..咁喎..」
「放心啦,我有分數架啦」
「我諗好左架啦,過幾日我再遞表申請公屋居屋果d...」
「邊有咁易中呀!要中我同阿白都中左啦!」
食緊飯果陣
阿白笑笑口咁:「阿池呀,你記得星期日..」
「我記..記得呀...約左你地去果個咩...迪欣湖丫嘛」
「到時我同智詩會整野食架啦,放心啦」
「喂,我都要整?」
「緊係啦..阿池生日嘛..上次智詩你生日都係我同阿池煮啦!」
智詩:「咁好..好囉!」
「唔係掛,智詩你煮d野真係.....麻麻地喎」
「咩呀?好..好過你煮果d先啦」
雖然補習補到咁夜先返到真係好攰,不過返到黎見到阿白同智詩
就真係充滿返力量
食完飯之後,我地三個坐左響度睇達哥
睇睇下,我竟然訓著左
情況就好似睇av睇到訓著,咁樣即係證明
我真係好撚攰
智詩拍醒我:「喂,阿池,起身啦!」
「丫..丫..我頭先訓著左呀?」
「係呀,你咁都訓著,睇黎你真係好攰喎..」
阿白挨落我度:「不如..阿池唔好補咁多個學生啦,見到你一個禮拜要補咁多日都覺得你好辛苦呀...」
我即刻扮到好精神:「冇事喎阿白,我ok呀」
唉,點解踢波果陣我就夠氣,依家就成個潺仔咁
仲要阿白同智詩擔心...
第二日,星期五
下晝上緊堂既時候
「城邦會戰勝歸來,民主派掃進棺材,面對地獄裁判早悔改....」
全班人都望住我
響我隔黎既子晉:「屌你,幾時轉鈴聲呀撚樣?」
「識條春咩你」
我行出去聽電話
「阿池,係我呀」
「mari表姐?做咩呀?」
「聽聞你同姨媽...依家仲未好番喎」
「緊係啦,佢想夾硬收番間屋,想拆散我地三個喎,我唔會比佢成功架!」
「咁...阿池你依家諗住點呀?」
「我地依家搵到新既單位可以租啦,響屯門,8千幾蚊」
「吓...都好貴喎」
「我依家都開始幫人補習,一個禮拜補六日,都千幾蚊一個禮拜啦,加埋阿白同智詩佢地都有補,應該夠既....」
「六日?咁阿池你咪好辛苦囉...」
「咁..冇計啦.....」
「唉...一係我同姨媽佢講下啦,叫佢比你地繼續住落去....」
「冇用架,佢講到姑丈個仔matthew又就返黎,要住番果度呀.......」
答.答.答. 有電話入
「mari表姐,我有電話入呀,下次再傾啦...」
「咁好啦,你地加油呀,有咩問題打比我啦,bye」
「bye」
「喂」
「江天池,係我」
「老母,你打黎做咩呀?」屌,呢d時候打黎擺明想恥笑我姐
「我打黎係想同你講,12月1號果朝10點我同matthew就會入黎拎番鎖匙,唔該你地三個果朝好走」
「哦」
「..咁你之後打算點呀?同佢地訓街呀?」
「我地響屯門搵左新單位租啦,我仲搵左幾份補習,以後唔駛靠你啦老母!」呢句明顯係悔氣說話啦
「咁好啦,你以後響出面自己執生啦,唔好再返黎啦江天池」
一講完呢句就收左線
屌,唔返咪唔返!
再過多幾日,就去到星期日,11月30號
係阿白同智詩約左我慶祝生日既一日,亦係我地三個響元朗呢一間房既最後一日
「喂!!阿池!!起身啦!!!!!」係智詩
「智詩你做乜春呀?!9點幾咋喎」
「你要好似上次約阿白咁響西鐵站等我地架!」
「唔係掛,咁撚麻煩架你...」
智詩一野坐上黎我:「男仔等女仔係天經地義架!!!起唔起身呀你!!!」
「屌好撚痛呀!!我起啦屌!!」
一起身,就見到阿白已經響度整緊野食
「阿池,早晨呀」
「阿白早晨,咦你整緊...」
「嗯..唔話你知!一陣你咪知囉」
因為比智詩係咁催催催,我10點就出左門口
「做乜要我咁早出喎,你地就可以遲出」
智詩係咁推我出門:「我同阿白有野傾呀,你去到西鐵站等下先啦,一陣見啦!」
屌真係麻撚煩,都唔知佢地傾乜
半個鐘之後去到西鐵站,等左好撚耐
「屌丫,佢地係咪玩鳩我架!」
打比阿白先
答,答答...
「為何在遊蕩裡 在遊玩裡 突然便老去...」
係阿白既鈴聲
我擰轉面,嘩,嚇一跳
「阿池..」
阿白著左條白色吊帶裙,著左對白襪仔+黑色鞋(好似中學生果d咁,唔知點形容)
智詩就仲痴線,格仔恤衫,白色露臍背心,牛仔短褲,白色con屎
屌,雖然今日熱少少姐,都唔駛著到咁下話
我成個人呆左,望到眼定定
智詩:「阿池!你做乜呀」
「冇..冇野呀」
「咁行啦我地」
呢一刻,阿白同智詩,竟然兩邊撓住我行
我:「你地...做...」
阿白怕怕羞羞咁:「咁...咁阿池你今日生日嘛,咪..咁囉」
呢一刻,真係好幸福
不過,聽朝之後,我仲有冇機會繼續擁用呢份幸福呢?