無啦啦有兩條女同左我一齊住: 32

32
一出到去,已經見唔到阿白同智詩
我打比阿白,冇人聽
打比智詩,又冇人聽
屌,呢d情節仲老土過tvb劇情

行去小巴站,先見到智詩,不過只係得佢
「喂,智詩,阿白呢?」
「佢..佢頭先上左小巴,我追唔上」
「有冇搞錯呀?咁..咁佢話去邊呀」





「佢話返去,執行李走....」
我心頭一震:「我地依家即刻番去追啦」

如果係因為呢件事而令我地三個分開
我一定唔會放過麗娜!

我地搭上的士返地鐵站搭番元運,再拿拿起響元朗搭的士番去,希望追到阿白(你唔係想我地由九龍塘搭去元朗下話?)

我口upup咁:「阿白..阿白...」




「阿池,對..對唔住」
「一日都係我,上次reu冇同阿白講就自己黎,先搞到今日咁...」
「唔緊要...係我地一直有野瞞住阿白,同埋麗娜....」

「真係估唔到佢,竟然會癲到咁」
食唔食波餅,做唔做愛,呢刻都唔重要
最重要係氹番阿白

一返到去,打開門
只見阿白已經響度執野入個篋




「阿白..你做咩野呀?」
「你地都唔會理我架啦,咁我咪走囉!」
智詩拉住阿白:「阿白呀,今次係我唔岩咋,你唔好嬲阿池啦」

阿白冇理智詩:「唔好再呃我啦,你地到底仲有幾多野冇同我講架?!」
「阿池,我明明叫過你唔好掉低我架..點解你都要咁對我喎..」阿白都忍唔住流哂眼淚
「阿白..我..」

阿白冇理我,執完就行去打開門
我拉住阿白:「阿白唔好走呀」
「你放手呀,我留響度都冇意思架啦」

阿白拖住篋,走出村口
我同智詩係咁迫住佢:「阿白,阿白呀!」





呢個時候,3個應該係外來既mk仔圍住阿白
阿白:「做咩呀,行開呀!」

「靚女,做乜拖住篋呀?不如今晚黎我地度訓丫」
「係呀,我張床好大好舒服架」
屌,破壞之王咩

「走開呀!」阿白一手推開佢地
其中一個mk捉住阿白隻手:「唔好咁啦靚女,一係陪我地去唱k呀」
「放開我呀!」
阿白另一隻手摑左落個mk塊面度
「八婆,摑我?!!!」正想一拳打落阿白度

智詩一手推開果個mk:「關你撚事呀死狗公,走撚開啦!」
我拉住阿白:「阿白你入番去呀」




「我唔番呀!」

頭先個mk又做架兩:「喂,我溝女關你兩個乜撚...」
「屌你老母!咪撚搞阿白呀」我一拳打埋去個mk塊面度

個mk中撚左我一拳,流撚哂鼻血:「屌你竟然夠膽打鳩我?郁佢!」
佢地三個想圍撚住我黎打,佢地瘦撚到營養不良咁,不過都比佢地打中幾拳,有d痛
雖然我冇食過夜粥,不過我有踢開波做開運動,d反應快佢地一大截
好快就打到佢地仆街,拿拿聲鼠走
「再唔走我就打撚死你地呀!」
帶頭個mk:「你..你好野呀屌你」走住黎屌,冇撚用

我走埋去阿白度:「阿白,我地番去啦」
阿白:「我d野都唔關你地事啦!你地都唔會理我!」
我:「我冇唔理你呀!」




「咁點解你同智詩又要瞞住我呀?!」
「我已經比人hurt過好多次啦,我已經好攰啦!」
阿白跪響地下,係咁喊

智詩走埋去,拍拍阿白:「阿白唔好咁啦,阿池其實..」
智詩打個眼色比我
阿白望過黎

「阿白,智詩,其實...我...」

我忍唔住,手攬住阿白同智詩
「其實我鐘意你地呀!」
對手唔夠長,所以只可以攬一半

阿白:「你做咩呀!放開我呀」




智詩比我呢一下嚇呆左:「阿池....」
我終於忍唔住淚水:「你地兩個..都對我好重要..我唔想冇左你地呀!」
「阿白,對唔住,上次既事係我既錯..以後我唔會再有野呃住你架啦」
「本來我仲內心交戰緊,應該揀你地邊一個」
「呢一刻,我好肯定,我係鐘意哂你地兩個......」

阿白終於慢慢冷靜番:「阿池...智詩....」
智詩吸了一口氣:「果次去陪阿池reu,係因為見佢話要自己一個去太慘,所以我先自己走去幫佢」
「至於kiss,只係因為果陣玩truth or dare,如果唔kiss就穿煲,我先咁做咋...」

「真係既?」
「嗯...我地唔會呃你丫」

「阿池,智詩」
「我..我真係好驚又再失去我至親既人呀...」
阿白已經喊濕我件衫:「其實.....阿池,我都...好鐘意你呀」

「嗯,阿媽返黎果陣我會同佢講,以後我就同你地一齊住」
「真既?不過你同智詩唔好..再呃我呀..」
「嗯..我應承你」

智詩係咁拍我:「喂,你...你.想氹番阿白都唔駛放我上枱啦」
「我冇放你上枱架,我真係鐘意你地兩個,不過你唔好問我你兩個跌落海會救邊個,因為我真係唔知...」
阿白已經笑番:「其實智詩佢...都同我一樣,好鐘意你架」
智詩:「阿白你咁架,爆我d秘..」
我摟得更實:「智詩...」

「咁..咁..咁我係..有少少鐘意你個死矮仔既...」

估唔到,阿白今次一嬲,竟然令我股起勇氣向佢地兩個表明心意

「不過,你唔通同哂我地兩個拍拖咩?第日唔駛結婚咩?」
「咁...咁我又冇諗咁多野喎....咪唔好結婚囉..」

「唔好咁啦智詩,最少我地依家同阿池一齊都好開心呀...咪當我地三個一齊拍拖囉」
智詩:「...唉,你鐘意啦」

其實智詩呢種傲嬌性格
真係幾好笑

最後我地三個出番去元朗d大排檔食
今日大家都冇飲酒
阿白:「阿池,食舊生炒骨丫」
「多謝你呀,阿白」
智詩食住乳鴿:「咁...咁我地三個依家點呀?」
「咩點呀?」
「我..我係話..我地既關係呀」

的確係既,我地三個雖然已經表明左鐘意對方
但係又算唔算係couples呢?

阿白:「其實照番平時咁樣,我地三個一齊生活,我就覺得夠啦」
「我地三個繼續日日嘻嘻哈哈,打下機,一齊睇下達哥咁,我就好滿足架啦」
「真係?」
「嗯,就..就算唔結婚都ok啦」
其實,我都係咁諗
最少,同阿白同智詩一齊,係人生中最快樂,最relax既時刻

「咁...智詩你點睇..」
「我..我冇所謂啦,依家咪幾好,又唔駛交租,又有大屋住」
「唔好聽佢講呀阿池,智詩成日都話有你陪佢打fifa睇波好開心架」
「咩..喎,咁..咁兩個人睇波係high d嘛」


返到去,阿白再沖涼
得番我同智詩兩個睇電視

智詩:「喂,阿池」
「咩..咩呀?」
「你..真係鐘意哂我同阿白兩個呀?」

我尷尬咁點一點頭:「嗯...」
「今日我打眼色比你果陣,係諗住叫你住阿白表白,點知你竟然...」
「咁我真係鐘意你地兩個嘛,要我二揀一真係揀唔到嘛」
「咁..咁如果到時我地想結婚,咁你又點揀呀?」
「會唔會呀?」
佢鍊住我耳仔:「你答左先啦」
「咁...咁咪去南非果d地方結婚囉...果邊行一夫多妻制嘛」
「我講笑咋,第時既野第時先算啦」

佢訓左落我大脾
「阿池..你今日,真係好型」
「吓,邊忽型呀?」
「果下一過六,睇到我眼都凸埋,勁過美斯tim呀!」
「仲有,你最後追住球證黎屌果下真係好man」
「吓,咁都man?」
「嗯,對住個on9黑哨,就應該要好似你今日咁先至似番個男人」
唔怪之得佢鐘意大打功夫足球既拉莫斯啦

「仲有呀...」
「因為阿池你,我已經完全忘記阿強啦...」
「因為你響球場上既爭勝心同熱血,我響你身後面睇到既,已經唔再係阿強,而係江天池」
我:「咁其實..我同阿強比,邊個勁d?」
智詩起番身:「咁好難計架喎,你依家的確係勁d既,不過果陣阿強得中六咋喎」
「咁又係....」

智詩將手指放響我嘴前:「不過,你今日打得都唔錯,我都照獎勵你啦」
「吓...我冇拎到冠軍喎...」

「喂你地傾緊咩呀」阿白抹住濕左既頭髮行出黎
智詩:「我同阿池講緊,佢今日踢落咁落力,不如我地獎勵下佢囉」
「吓,你唔係話...」

阿白:「好呀,阿池你要想要咩獎勵先」
智詩走埋去,響阿白耳邊講左幾句
「吓!!!!!!!你要同阿池....做..做..愛?」阿白嚇到大叫
我:「唔係掛,智詩,呢d野你同阿白講?」
「咩..咩喎,咁阿白話唔好有野瞞住佢嘛..嗱我依家就去屙尿,一陣出到黎再傾啦」
講完就入左廁所

「阿池,你真係要同..智詩做.....呀?」
「唔係...佢..佢講之嘛」

阿白坐埋黎,扁哂嘴咁
「點解喎?!」
「點.點..咩解呀」我r哂頭

「點解你要同智詩....做..喎!」
唔撚係掛!!!!????

「喂,唔係呀嘛....」
「做咩喎..你地係咪呃緊我?!」
「咩喎,我都冇應承佢..」

「咁點解智詩會講呢d野架?!阿池你老實d呀,唔係我又嬲架!」
我將智詩之前同我講過既野,講番比阿白知

「哦...原來都係因為佢同阿強既約定..」
「咁..阿白你依家明點解佢要咁講啦...」

阿白問:「咁....阿池,你仲會唔會...同智詩做...做..愛呀?」