無啦啦有兩條女同左我一齊住: 24
24
「哦..係麗娜你呀」點解麗娜次次都係呢d時候出現
阿白同智詩輕輕hi一聲之後,就繼續睇番頭先既highlight
「同你介紹丫,呢個係我同學,Terry,係cu校隊黎,一陣都會代表cu pharmacy踢joint u cup架」
「哦..你好」我同Terry握過手
「頭先你果下elastico出得幾靚喎」
「係咩...多謝」
麗娜加把嘴:「係呀,上年大專盃佢仲入左3球tim呀」
呢個terry真係幾靚仔下,笑得又charm,正常女仔都會俾佢迷死
不過,唔知點解阿白同智詩完全冇理過呢個terry,淨係掛住睇highlight
「丫我要出場啦,希望你地可以入到決賽啦」terry就走出通道
屌佢,咁撚串既
阿白即刻撓住我隻手:「阿池,我好肚餓呀..我地一齊食野呀?」
「哦..好..好呀,咁下次再見啦麗娜」
當我地走向出口時,麗娜叫住我:「阿池..」
「做咩呀?」
「上次食飯,你明明話過,唔再踢波架?點解...」
「我..比同學逼架咋...」
麗娜冇理我,繼續講:「係因為..佢兩個?」
的確,如果唔係智詩既波餅支持,我一早就走左Xavier數
呢一刻,我真係唔知點答佢
「阿池你唔駛答我啦...我已經知道答案啦.....」
聽到呢度,其實我冇乜感覺,因為我已經認清,麗娜響我心目中既位置..已經冇以前咁高
出到門口
我:「阿白,睇黎..你真係好唔鐘意麗娜喎」我望一望被阿白撓住既手
「丫..唔好意思呀阿池」阿白有點怕醜咁縮返隻手
智詩:「頭先,麗娜佢...係咪示威?」
「咩...示威呀?」
「諗住帶條仔響你面前威威,串下你咁囉」
「我諗唔會掛...麗娜應該都唔係呢d人黎」
「帶條仔黎喎...仲要咁型棍子,擺明想串你啦」
我唔敢再諗,因為我根本唔知點解麗娜要咁做
搭番小巴,番到去又一城食野,我地三個就返左去
去到夜晚,我又拎住罐可樂響出面飲
「阿池...」走出黎既,竟然係阿白
「阿白,做咩呀?」
「今日..打比賽辛苦哂你啦」
「唔辛苦..我反而要多謝你同智詩黎睇我比賽啦..」
阿白吸了一口氣
「其實,今日阿池你見到麗娜同果個男仔...有冇妒忌?」
「吓..?」
「唔好意思呀阿池,我咁問好似唔係幾好....」
「老實丫...就算係佢真係帶條仔黎串我,我都冇乜所謂」
「吓,點..點解既?」
「因為,我..我..都對佢冇feel啦」
「但係,阿池你唔覺得,麗娜今次返黎,有一部份係因為你既咩..佢一返到黎又約你食飯又叫你踢番波咁」
「係咩...不過...」
「不過咩呀?」
「果陣佢去左英國讀書之後就冇再理過我,時間已經令到我對佢冇哂feel啦」
dead air左一陣
「阿池呀...你尋日響廚房,同我講既野係咪真架?」
我即刻回番帶,就係尋日為左幫智詩拖時間,成個痴漢咁捉住阿白對手,再講埋d 1999既野
「係.係呀,其實我一直都好多謝你呀,阿白」
講到呢度,阿白突然有d眼濕濕
「阿白你做咩呀,係咪..我講錯野呀?」
「唔..係呀...只係..應該講多謝既人係我至真呀」
我有d驚訝:「我?」
「嗯....自從識左阿池你之後,我既人生好似精彩左好多咁,你陪我睇達哥啦,同我去海洋公園玩,同我一齊去ball,又唔介紹我痴身...」
「咁又係既...你又真係幾痴身,又痴智詩又痴我」
「咁...人地始終都驚冇左...你地丫嘛」阿白扁哂嘴咁撒嬌
「放心啦,我講過好多次啦..我唔會拋低你架」
「真係?你唔好呃我喎..」
我拎出右手手指尾:「咁信我啦掛」
阿白亦伸出自己既手指尾「嗯!」
轉眼去到星期二(星期一太攰,走左堂)
一入到lecture room,全場歡呼,呢一堂係同其餘2個n展department上
「嗚!!!!!!!!!!!!!!!!!!!!!!!!!」
「威啦毒撚池!」
「勁啦,玩3p啦!」
心諗:做乜鳩呀
我照舊坐埋去子晉隔黎
子晉—見到我就話:「嘩,阿池尋日同上個禮拜五都冇返既,係咪玩3p玩左幾日呀?」
「玩你老味呀,佢兩個係朋友黎咋」
「老老實實啦,我諗真係冇人信囉」
「點解呀?」
「果晚你地三個拖哂手喎」
「咁...咁又點呀?」
「我同你會唔會拖手呀?」
「你老味,你當我gay架.」
子晉既三叔電話響起,係佢whatsapp既響聲
我見子晉笑淫淫咁覆,忍唔住昅下佢
原來係果晚個katie
「衰仔,你果晚原來抄左佢牌,叻仔喎」
「緊係啦..呢個katie都算幾ok,希望仲有得發展啦」
「唉,我都祝你快d出pool啦」
「點解呀?」
「你出左pool就唔駛再煩住我丫嘛,成日響度叫春」
我聽住lecturer既沉悶聲線,慢慢我就訓著左...
大約12點半就落左堂
子晉拍醒我:「喂阿池,起身啦」
「哦...落堂啦?」
「係呀柒頭..仲有呀,一陣堂濕鳩sociology要交assignment喎,你有冇帶呀」
屌!屌!!屌!!!
份野留撚左響屋企呀!!!!!!!
屌,個阿嬸之前講到明唔交會扣分,呢鋪大撚獲啦!!
剩低2個鐘,實冇時間做過一份啦
「唉阿池你死啦...冇左呢份assignment起碼扣一個grade啦」
唔好睇少呢一個grade,保唔保到second low靠佢架啦
正當我頭dupdup咁走出lecture theatre
子晉:「喂,你兩條女喎」
我抬頭一望,竟然見到阿白同智詩響度
岩岩出黎既n展狗公都不禁望多兩眼
「喂我走先」子晉亦都識做
「阿池,你出黎啦」
「吓,點解阿白同智詩你...」
「係呀,我地特登過黎紅磡搵你架...」
智詩拎出一份白底黑字既野:「你條契弟,份野今日交都唔帶,搞到我地要特登出黎俾番你」
我接過份野,真係我果份assignment黎,上面有我寫低既deadline
「好彩今朝你出左去之後,阿白響書房見到咋,如果唔係你今鋪食得屎啦」
「唔該哂你啊阿白...不過,點解智詩你都要黎既..」
「咁...咁我驚阿白整唔見嘛,我小心好多囉」
「咩呀智詩,我都好小心架...係呢,一場黎到,不如食埋野丫」
「吓..你地唔駛上堂咩?」
智詩:「唔上啦...悶到死又唔計attendance」
最後我帶左佢地去置富都會食野,都係繼續受到周圍既男性仇視啦
智詩:「喂你有冇睇呀?」
「睇..睇咩呀?」
「上次cu pharmacy對lu bba d片呀」
「吓..都唔關我事啦」
「咩唔你關事呀,上次麗娜帶果條仔,入足三球,hattrick呀」
「唔..唔撚係掛,咁撚堅?」
「如果你地決賽撞到佢地就大獲啦,你個fd子Xavier都應該守唔到佢」
「仲有呀,你地poly n展 4強抽中左打hku science呀」
其實,智詩比起我更加關心joint u cup d野
食完野
「你地唔駛返去啦咩?」
智詩:「屌係喎,一陣要幫個小學雞補習」
阿白:「我都要呀..咁我地走先啦,今晚再見啦阿池」
「bye!」
入到lecture room,我將份assignment交比阿嬸lecturer之後
坐到子晉旁邊
「頭先...佢地做乜搵你既?仲有...點解你有assignment交既?」
「阿白同智詩拎份assign..」
「吓!?」
屌大獲,差d講錯
「份assignment原來我塞左入袋度唔知,頭先搵番啦..阿白同智詩佢地特登黎搵我食飯既..」
如果佢地知道我地三個同居既事,真係有排煩
最壞既情況係d狗公個個響我屋企出面做camp狗,再捉佢地...
最後,成堂我都係同子晉響度用電話睇番以前d達哥,夠鐘又閃人
買埋餸返屋企已經六點幾,我沖埋個涼就開始煮飯
突然,手機響起
「喂?」
「喂,係咪阿仔呀?」
「老母?!」