無啦啦有兩條女同左我一齊住: 22
22
咩話???
平時既智詩惡到咁,又open,又比波餅我食
聽到佢話自己有個已經死左既男朋友,我的確嚇左一跳
「你知唔知,我以前試過離家出走..?」
「阿..阿白講過下咁啦」
「因為我老豆死得早...中四果陣,老母翻頭嫁..點知個後父成日想咸濕我」
「有晚仲想姦左我,好彩老母番黎阻止左,不過老母寧願信個食屎狗都唔信我,我最後一把火,拎哂野離家出走」
「不過果陣夜媽媽12點幾,又唔敢打比阿白個阿婆,我唯有響條街度遊黎遊去」
「之後比班死mk圍撚住,又話要我陪唱k之類啦」
「正當我比班mk拉住既時候,就有個男仔救左我」
「就係你講果個阿強?」
智詩點一點頭:「冇錯,佢全名係何永強,就係佢救番我,仲打左果堆mk一身」
『晚媽媽一個女仔響街好危險架,你唔返屋企?』
「我將我既事講左比佢聽,我亦都求佢比我住一晚先」
『我叫何永強呀,你叫我阿強得架啦,我仲係讀緊中四..你呢?』
「原來阿強佢屋企人都返左大陸做野,得番佢自己一個住」
「阿白果陣係我best friend,但係我都唔敢同佢講我屋企既事,唯有繼續住響阿強度」
「雖然阿強都仲係中四,但係佢已經好高大,又識煮野食,仲要係足球校隊既隊長黎,亦係佢令我鐘意足球」
『你鐘唔鐘意睇波呀?我就最鐘意皇馬既』
「咁..咁佢果陣踢咩位?」
「同你一樣...左翼」
「慢慢..我就同佢產生左感情,就開始同佢拍拖」
「每日放學,我都會接佢一齊番去;每次佢練波或者比賽,我都會去睇」
「而佢每次比賽之前,我都會比d鼓勵佢」
「就係...波餅?」
智詩點一點頭:「呢個就好似係我同阿強既約定咁,比賽前我會請佢食波餅,佢就一定要贏」
「而果陣打winning,我都係同佢講『入我一粒除一件衫』,最後佢次次都入唔到我波....」
「我同阿強,亦開開心心咁一齊左2年,直到....」
「佢中六果年,成功帶領球隊入精英賽四強」
「我應承左佢,贏到冠軍我會送份禮物俾佢..點知」
講到呢度,佢開始有d眼濕濕,有d鼻水
「響踢四強果一場前一晚,...因為幫佢朋友出頭,比其中一個有黑底既插左五刀,搶救之後就..死左」
呢次係我第一次,見到智詩眼濕濕
我遞一張紙巾比佢
「呢件事,我都係同阿白講過一兩次...」
我有d困惑,問:「咁..你逼我踢波...」
「唔...本身我只係覺得你係一個剩係打機,想咸濕我地既死毒撚」
「不過...自從我睇左你響a grade d片之後..」
「我覺得你既身影..有d似阿強,所以我,先係咁用波餅逼你踢番波」智詩把聲仲有d「塞塞」地
「咁,你即係,只係當我係阿強既代替品?係咪啊?」講到呢度,其實我,有d嬲
原來我一直都係比智詩當係代替品
「當初...我的確係咁諗......慢慢,我就開始發覺,你同阿強,係唔同既人黎」
「我知...我起初咁做,係好自私,對唔住呀...阿池」
講到呢度,智詩忽然攬住我,對d cup巨乳仲頂到我心口
老實,呢一刻真係好亂
我一時咸濕聞一聞個tube bra姐
智詩又無啦啦話贏左比賽就同我做愛
講自己以前既事
講阿強既事
大佬,咁我寧願我冇用史獨入你波,冇幫你攞tube bra啦....
「唔...唔係掛......咁你之前又,係咁叫我同阿白...」
「係...因為阿白好似...對你都有好感.」
「咁你呢?」
智詩聽到,即刻鬆開攬住我既手:「我..我..對你..冇好感囉好冇!只不過..係因為我想親眼睇你攞一次冠軍之嘛」
「當年我應承左阿強贏冠軍會送份禮物比佢,結果佢最後都係收唔到」
「所以我,都想..將呢份禮物送比你....」
「你唔係想話...份禮物就係..做愛下話?」
智詩:「係..係呀,果陣我地夠哂16歲,冇犯法丫..」
「唔係呢個問題呀,咁呢件事...如果比阿白...」
阿白如果知道我地食波餅,尋晚一齊訓既事,我諗佢,會好嬲,嬲我地瞞住佢做呢d野
做愛喎,破處喎,對手仲要係眼前呢個
上身赤裸,露出d cup巨乳既智詩
如果我係一個正常人,我諗唔駛等到贏比賽
呢刻就即刻除埋佢條褲直接龍舟掛鼓再中出
但係,我反而冇乜太開心既感覺
一來,我發現自己原來係阿強既代替品,雖然智詩話依家已經唔係,但我始終都有d「銀」住「銀」住
二來,雖然我同阿白唔係情侶關係,但係我同智詩好似做左d唔見得光既野,硬係覺得呃左阿白,有d內疚咁
智詩平復番心情:「係...既,始終我都要顧..阿白...既感受..」
「對..對唔住呀阿池,頭先我激動得濟先講呢番說話咋,所以...你都係當我冇講過呢番說話啦.....始終我地都冇理由背住阿白做...呢d野,我都覺得...好似呃左佢咁」
似乎智詩頭先都只係一時衝動,先講做愛既事
「唔....放心啦,呢三場波,我..我都會盡力既,做唔做愛既野,遲下先算啦」
智詩有d吃驚「吓,你唔..唔嬲...我咩..」
「我嬲架,原來你一直都當我係阿強...」
「不過,唔知點解,我就係...想為左你贏個冠軍返黎..」
「係呢,智詩你幾時生日?」
「10..10月17號」
「岩啦,決賽係18號,我就送個冠軍比你」
「吓..」
「唔好咁婆媽啦,到時準備收我呢份禮都得啦」
智詩一撲,再次摟住我
我感覺到既,除左佢對波,佢頭先既淚水
仲有,一陣溫暖
智詩塊面重視笑容:「唔..多謝你呀,阿池」
全日之後既時間,我都係同智詩打fifa
佢已經冇平時咁對我咁惡
打打下,打到六點幾
智詩仲係上身赤裸
但當聽到出面腳步聲,智詩即刻九秒九著番衫:「頂,係阿白啊」
阿白打開門,就見到我同智詩打緊機:「我返黎啦...咦,阿池,智詩,你地仲打緊機呀..」
「係..係呀」
「丫係啦,今晚食番茄牛肉呀...」
我:「咦我最鐘意食架喎」
阿白走黎,用下巴頂住我個頭「係呀..當鼓勵阿池你聽日比賽嘛」
今晚冇波睇,我地三個都好早就訓左(其實係智詩逼我早訓)
諗番起今日智詩同我講既野
「如果你贏左冠軍,我就同你做愛」
「我..我..對你..冇好感囉好冇!只不過..係因為我想親眼睇你攞一次冠軍之嘛」
又諗番阿白講過
「如果呢...我地,可以永遠一齊就好啦..」
雖然我地三個暫時都仲係朋友關係,但係只係一日既時間,就搞到我地三個好似好亂咁(唔係三角戀果種)
到底阿白係咪鐘意我?
如果比阿白知道我同智詩之間既野,佢會點諗?
仲有,智詩...係咪都係同阿白一樣,鐘意左我呢?
唉,唔理啦,總之,打好左聽日場比賽先
第二日,10月4號就係joint u cup既第一場
我地8強 poly engine就抽中左同UST engine打
我地呢場就編左響朝早10點踢
joint u cup跟番學界d比賽咁,踢70分鐘
我地三個一早起左身
去到九龍塘,再轉小巴去到聯校運動場
響門口
阿白:「阿池,今場波你要加油呀」
「唔...我知啦」
智詩:「嗱,我同阿白響看台昅實你架,你今日唔贏波你就知死!」
「得啦得啦」
智詩對我既眼神有d怪,唔知係咪關尋日既事啦...
入到更衣室,大家都已經響齊度
我一入到去,成班就響度歡呼
「嘩....做咩呀?」
Xavier:「你果晚就威啦,一拖二,仲要係正貨黎」
「都話左朋友黎咯...」
阿智:「依家成個faculty都知你果日單野啦...你大獲啦哈哈」
Jacky冇理大家對我既「讚美」:「阿池,一陣唔好腳軟呀,比心機打好呢場波!!」
「我..盡力啦」我著上智詩比我既nike Mercurial
Jacky遞上一件波衫:「阿池,呢衫係你既,一陣你就打正選左翼啦」波衫上面印住Chi,即係阿池啦
之後大家又一齊圍個圈:「一,二,三,poly!!!!」
熱完身,
響更衣室出面既通道,就撞到對面代表ust engine既球員
戴住隊長臂章既其中一人向Jacky伸手:「你好似叫Jacky呀呵,一陣比賽多多指教啦」
Jacky禮貌上同佢握過手:「唔好咁講...wilson一陣要留下手呀..」
Xavier:「阿池..你要小心呀..」
「咩小心呀」
「果個wilson唔同我地,佢係ust校隊黎架..真係有練開果隻...」
「咁,佢踢咩位呀?」
「右閘」
屌,唔係掛,即係jacky佢特登要我對呢個wilson
第一次打正式比賽就要對呢d對手,真係大撚獲
行出通道,見到既,係一片綠色既草地
聽到既,係大家既歡呼聲,其實我都想知呢d閪比賽點解都有人睇
我仲隱約響一大班既歡呼聲中聽到阿白同智詩既聲
「加油呀!!阿池!!」
無疑令我意志更加堅定
握過手,擲過公字,就開波
Jacky踩住皮球
嗶！
joint u cup 8強,正式開始