無啦啦有兩條女同左我一齊住: 17
17
眼前既阿白,真係靚到dum一聲
剩係化少少妝已經無撚敵
加上招牌白滑長腿,差d又忍唔住
「阿池..阿池,你冇野丫嘛?」
「冇..冇野」
阿白好似怕怕羞羞咁:「你覺得..我今日點呀?」
「幾..幾靚丫」
我望住佢對腳,真係好撚白淨
阿白留意到我望住佢對腳,就話:「上次問過阿池你,你話唔鐘意露趾既鞋,所以我今日都唔著啦」
丫咁都記得喎
我地上到西鐵之後,我發展周圍既目光都比阿白吸引住
就好似之前同智詩去reu咁
「阿池呀,唔好意思呀」
「吓..咩唔好意思呀」
「智詩無啦啦..逼你同我出街....」
「唔緊要啦,我都好耐冇去玩過啦」
「咁今日我地去邊呀?」
「不如..海洋公園丫」我懶係有主見咁,其實咪又係智詩提意既
「好丫..我都幾年冇去過啦」
同阿白出街,硬係有種周身唔聚財
可能佢太靚啦,搞到我覺得自己襯佢唔起咁
係做普通朋友都襯佢唔起果隻
所以搭車果陣多數都係阿白聊我講野
冇幾耐,我同阿白就到左海洋公園入口
「阿池呀,我地影張相先啦」阿白已經拎出佢既手機
我同佢擺定pose自拍:「1,2,3,笑!」
「嘻嘻,呢張係我同阿池你第一張既合照呀」
「上次踩單車呢?」
「我係指我同你咋」
響入口買完飛(好撚貴),我地兩個就入左去了
因為我太耐去過,所以都係阿白帶住我去玩
影下相咁,睇下show咁
「阿池,幫我影相丫」
「阿池,去睇海洋館丫」
如果要我同堆fd子黎肯定悶到飛天
不過係阿白既話,都ok既
玩玩下,都有D肚餓
我:「丫有D肚餓喎,不如去食野囉」雖然我都知海水公園D野食好撚貴,但係冇計啦
阿白拎出兩個餐盒話:「唔駛啦,我今朝整左三文治啦」
「吓,你起身仲有時間咩?」
「整三文治好快姐」
我地求其搵左個位坐低食
我一打開,嘩
火腿,煙肉,芝士,蕃茄,生菜,好豐富喎
我食一啖:「嘩,好好味呀,好食過subway喎」
我留意到阿白果d三文治都冇蕃茄
「咦阿白,你果d冇蕃茄既」
「係呀...我..唔鐘意食蕃茄架」
「估唔到喎,你都會偏食」
「由細到大我都覺得蕃茄個口感好核突丫」
「試下食啦,好高營養架」我都覺得自己呢番話成個老母咁
食食下,我見佢冇啦啦眼濕濕咁
「阿白,你做咩呀?」
「冇..我諗起...以前robert都係叫我食蕃茄架..」
「屌!又係果件robert!...唔.唔好意思呀阿白,我唔係有心架」
阿白抹抹眼淚:「唔..唔緊要呀阿池,係我自己眼淺咋」
「對唔住呀阿池..出到黎玩都要搞到你咁sad」
「唔緊要....」
「阿池呀」
「做..做咩呀?」
「如果呢...我地,可以永遠一齊就好啦..」
吓...
呢句話,簡直令到成個時間停左咁
「可以永遠一齊就好啦」
呢句野連麗娜都冇講過,更加唔好講其他我響生命中遇過既人啦
佢地只會話「走開啦死毒撚」
「吓....」
「我係話..如果我地可以永遠都一齊住就好啦」
「呢幾個禮拜,我同你加埋智詩三個人一齊住,真係好開心丫..令到我覺得,有d屋企既感覺」
「你同智詩有時鬥下嘴,食完飯睇下達哥咁,自從婆婆走左之後就冇試過啦」
「雖然,我知冇可能,你都係住三個月就走架啦....」
講到呢度,我都有d心up
9月1號,我明明鬧緊老母玩鳩我,要我去姑丈度住
今日,竟然想,以後,同阿白,智詩一齊住
「唔...如果可以既話...我都..」
「你..都想咩呀?」
「同阿白你,同智詩,以後一齊住....」
呢一刻,阿白竟然摟住我
我嚇到呆左,咁大個仔都未俾人摟過
「阿池..應承我」
「應承你d..咩呀」
「就算..以後你真係搬返去屋企..都唔可以掉低我架」
我拍拍阿白
「放心啦,我應承你」
阿白冷靜返,鬆開手
「對.對唔住呀阿池,我又冇啦啦講埋哂d咁既野,你唔好放響心度呀」
「唔係....其實我都開始習慣同你地兩個既生活」
「吓?」
「我係話,我已經慣左,每日食你煮既早餐,搭一粒鐘車返學,同阿白你睇達哥,同智詩鬥氣」
阿白個面出現返笑容:「嘻,阿池,雖然我地同你識左唔係好耐,但係你好似已經響我地心目中有個重要位置啦」
「'我地'?..智詩...」
「係呀」
真係估唔到,智詩都......
「死啦!阿池,夠鐘睇海洋劇場啦!快d啦」阿白收埋d餐盒,拉住我隻手跑
呢d算唔算拖手呢?我同麗娜識左咁多年,手都未試過拖
相反阿白就只係識左兩個禮拜,已經咁親密
呢刻真係好sweet
其實,阿白由頭到尾都冇講過佢鐘意我,我亦冇講過要佢做我女朋友之類
識左兩個禮拜就話鐘意我,我都驚啦
正如之前所講,阿白以前比人hurt過,所以缺乏愛
可能佢只係因為我對佢好,所以佢先講頭先既話
不過,如果可以既話,我都想繼續同佢地三個住
希望老母返黎果陣唔介意啦
下晝都5點幾,玩左成日都好攰下(我同阿白都驚玩過山車)
又同佢影左好多相
我:「阿白玩左成日,不過我地依家去食野囉」不過我仲未諗好食乜
「好丫」
「你想食咩呀?」
「唔....」
我同佢諗左成三分鐘都未諗好
索性帶佢落返旺角食日文菜算
我有問過佢食邊間好
佢都係咁話:「你鐘意啦阿池」
就同佢食求其一間啦
我地都好早去到,所以好快有位
一入去,我同阿白都好快手叫好哂野食
「嘩,阿白你叫咁多,食唔食得哂架?」
「得架,我好大食架,放心啦我會AA制架」
「但係你又唔算肥喎」
「哈哈,我都唔知丫,成日食野但係又冇乜肥到」
冇幾耐d野食就到左
「阿池,你試下d三文魚丫」
「阿池,呢個幾好食丫」
其實d野食好唔好味我冇乜所謂(香港d日文野你想有幾好味先)
不過同阿白一齊食,再加上佢既靚樣同笑容,食學校canteen d美心飯都變好味啦
過多陣,就有成十幾後生仔入哂黎,佢地既年紀同我地差唔多
就咁睇佢地d look,呢堆都應該係玩開果d(後生仔黎講,出黎玩開既同做毒撚既真係有樣睇)
佢地一入到黎就咿嘩鬼叫,嘈撚到
「我好肚餓!!!baba bababa 真係好肚餓!!!baba bababa 要食飯要食飯一定要食飯!!!無得救無得救真係要食飯!!!我好肚餓!!!」佢地仲要響度dem食飯beat,心諗做乜鳩
全間餐廳既人都望撚住佢地
我都廢事理佢地,繼續食野
「阿池..你做咩咁既樣呀?」阿白見我個樣怪怪地
「冇野,只係我覺得呢d ocamp既reu好煩姐」
突然我feel到有人行左過黎我地張枱
「hello阿池!估唔到咁都撞到你呀」把聲咁撚熟既
我抬起頭,係麗娜
「咦,係麗娜你呀hello」
「hello呀」阿白禮貌上打個招呼之外,塊面亦黑左d
「你同呢位..好似係..阿白..呀呵,出黎食飯呀?」
我:「係呀」
「係呀,我同阿池今日去左海洋公園玩呀,嘻嘻」
只見麗娜眉頭一震,苦笑道:「係..係咩,咁開心呀」
「喂,麗娜,做咩呀,快d過黎啦!」講呢句既,正係頭先果堆ocamp reu撚
「係..係啦,我d朋友搵我啦」
「原來你今晚係黎reu架?」
「係呀,佢地係大o識架,一係你同阿白過黎,我介紹俾你地識丫」
我:「唔駛啦,都唔熟」
「咁好啦,一陣有機會再傾丫,拜拜」
之後,我都有留意下麗娜果枱
佢地都傾得好撚high下
阿白留意到我既目光,就話:「阿池你..又話唔鐘意麗娜?」
「冇..冇野,我望下姐」
臨走果陣,我行去同麗娜講
「麗娜,我同阿白走先啦」
「好..好丫,下次有機會再見啦」
阿白:「阿池呀,我地去食糖水丫..丫,拜拜啦麗娜」
落到去樓下
我:「阿白,你其實係咪呷麗娜醋?」
阿白好似俾我講中咁:「唔..唔係呀..冇.冇呀」
我笑一笑:「好難睇唔出架喎」
阿白扁一扁嘴:「...係呀,我係有d唔鐘意麗娜」
「因為,我唔想,麗娜搶走你呀,阿池」