無啦啦有兩條女同左我一齊住: 14

14.
最後食飯既時候
智詩望住d炒燶哂既西芹,皺哂眉:「阿白,做乜d西芹炒到燶哂架?唔似你喎..」
「吓..er..」
我苦笑住講:「哈哈sorry,係我炒架,我果陣掛住玩電話唔為意,炒燶哂」
「屌你,下次專心少少啦」

阿白用對玉腿掃一掃我大脾,再做個口型:「唔該哂呀阿池」
由於夏天既關係,我地三個都係著短褲的
阿白對腳唔似d港女腳咁瘦到碌竹,有d適量既肉地




加上又冇腳毛,又白
真係好撚滑呀,掃一掃我都.....扯左

智詩見我成個人震一震,問:「喂你做乜撚野呀?」
「冇..冇野,痕一痕姐」
「咁你依家幾時練波呀?」
「關你咩事呀?」
「關心下你姐,你練波我咪黎睇下囉」
阿白舉哂手咁:「我都黎睇呀」





我:「我係都唔講,你吹咩?」
「屌你呀」
佢搶左我放響tea table既電話,開whatsapp
「喂,你痴線架,又睇我whatsapp」
「哦,原來係聽日4點九龍仔運動場練,嘻嘻」
唉屌,智詩真係好自把自為

食完飯,智詩又響度打fifa
阿白就入左房唔知搞乜
得我一個響度睇達哥





「『達哥我想問下去high table dinner有咩注意,點先可以吸引囡囡』老實講呢d場合都好難吸引到囡囡架啦,達叔果陣讀u都唔會去呢d social既場合,但係d囡囡都照樣傾慕我既,日日係咁『達達』『達哥』咁,不過我都不為所動,因為我果陣已經識左結衣bb」
我睇到呢度笑到仆街,智詩都問我做乜鳩
原因唔係達哥既痴線FF,而係我見到chatroom問呢句野果個ac叫tszchun067,就係子晉個twitch ac黎
我即刻send whatsapp俾子晉恥笑:「想知點樣吸引囡囡呀?」
冇幾耐佢就履:「屌你老母呀江天池,咁都睇到」

過多陣,就見到阿白行左出黎
只不過,佢著住既唔係平時既背心短褲,而係
一條白色既蛋糕紗裙,仲要係短果隻

如果係其他女仔著呢條裙既話,我一定會屌佢侮辱左條裙
不過,阿白同呢條裙,簡直係perfect match

智詩見到都呆撚左:「阿白,你搞乜野呀?」




「我想試下呢條裙仲岩唔岩著之嘛,到時high table dinner都係著呢條架咋」
「阿池,呢條裙好唔好睇呀?」阿白仲要響我面前係咁轉身
「好..白色都好襯你丫.不過,點解問我既?」
「咁..想問下男仔意見嘛..」

阿白坐埋黎,我仲見到佢都有d事業線
「阿池呀,你鐘意女仔著咩鞋架?」
「吓?」
「冇,我好奇想知d男仔鐘意咩鞋姐」
「唔...普通波鞋囉..con屎囉..高踭鞋囉,不過我唔係咁鐘意露腳趾既鞋,由細到大都覺得好核突」
「哦...」

佢就係著住呢件野同我響度睇左成晚達哥
阿白身上仲有陣體香,同上次食智詩波餅果陣香唔同
有時對腳仲hi到我





十一點半,達哥都收埋台

智詩話:「喂阿池打唔打fifa呀,俾你打丫」
「吓,咁順灘?你平時起碼打到1點喎 」

智詩拎出佢部ipad:「我要睇jojo直播呀屌」jojo即係指jojo奇妙冒險
「你女仔之家都有睇jojo? 」
「有咩問題呀,今晚第2季最後一集呀 」

「唔係掛...我仲以為得全香港得我有睇jojo tim」事實上,身邊既朋友一係就睇火影,onepiece果d大路野,一係就睇廢萌,即係個個都眼大大果d,得我一個睇jojo,仲要俾佢地話我基

當我望番自己部notebook既時候,發現
阿白都開左個stream黎睇緊jojo
「吓,阿白你都岩jojo?!」




「我鐘意左幾年啦,我最鐘意第五部個giorno架啦,又型又有義氣 」
「我就鐘意第七部既傑洛啦...」
「第四部...」
「施撒死果集.....」

最係我地三個係咁睇住直播,又係咁傾返每部既劇情

總算俾我搵到阿白同智詩兩個知音人同我一齊睇jojo


轉眼間去到第二日,下晝兩點半
我地三個都各自響屋企做緊自己野

呢個時候Xavier send左個whatsapp黎
「喂阿池你出左門口未?」





「喂你行未呀,再唔行遲到架啦」屌,又係智詩響度偷睇我whatsapp
「阿白換衫啦,陪阿池練波!」「好丫!」
「唉,點解你地一定要跟我去喎」
「因為我驚你條契弟會臨時縮沙囉!」

最後佢地兩個都係跟左我去練波
叫到樂富地鐵站果陣,我同佢地講:「你地等陣坐響看台度睇好啦吓」
「放心啦,唔通落埋黎練咩on9」

由B出口行左一陣,終於到九龍仔運動場
就咁睇,原來唔止我地poly堆n展撚,仲有另外一間u d人響球場練緊波,玩下馬騮搶球咁囉
Xavier見到我,就話:「嘩阿池,好彩你都仲肯黎!哈哈」
「hello呀Xavier」唔係俾你逼都唔踢啦

我地果邊有18人倒啦,夠正選+後備
在場既所有人見到我,都好似發現外星人咁上下掃視,或者佢地都心諗:唔撚係掛,呢條死毒撚都黎踢波....
「同你介紹先,呢個係Jacky,係n展支莊個p黎」我之前果d投票都見得佢,個樣都幾靚仔黎,當然高過我啦
「呢個係Johnson,係隔黎細電支莊個康樂」
「呢個係..」
Xavier一輪嘴咁介紹,其實大部份我都唔記得名

Jacky見我著住對nike Mercurial,問:「咦,呢對波boot係上年架喎」
「係..係呀」
「原來你都有踢開波既」
「唔係呀,我前幾日經過outlet見到平,買黎頂住先咋」

9up幾句,講下自己踢開咩位,Jacky就記低佢咁
我報左自己係打左翼同攻中,Xavier打中堅,Jacky打中鋒

冇幾耐,我地就開始練下野
one touch,扭下雪榚筒,練下互傳走位咁
雖然我好耐冇踢過波,不過都好快就熟番哂,d反應,球感都返得黎七七八八
係唔知d扭波同埋門有冇退化姐

Xavier同Johnson望上看台,「嘩屌,果兩條女好似幾正咁喎」
我望一望,原來佢地講緊既係阿白同智詩

「練呢d波都黎睇,可能係fans呢」
「fans你老味咩,engine邊有呢d女姐」
「應該係隔黎bu science d女黎架啦」
一有靚女,大家都七嘴八舌,停哂腳
如果我同佢地講我同呢兩條女同居,佢地實話我FF上腦

我問Xavier:「喂,乜對面果隊係bu science黎既咩」
「係呀,咁大個場我地練哂咩,我地咪同佢地講今日分場練,過多陣再同佢地11打11鬥下波啦」
我睇睇練緊走位既佢地,雖然佢地腳法同我地差唔多,不過默契都高過我地呢邊幾班

冇幾耐,我地同bu science就開始鬥波
Jacky響同對面隊up左幾分鐘之後,就同我地講:「嗱今日呢就唔係正式打既,純粹俾大家熟習下踢草地同埋訓練下d默契姐」
「我地會大約踢四十分鐘既,阿狗,陳仔,肥龍,阿池,細祥,kobe,ricky,你地踢住後備先,一陣大家都有得上場練下既」除左我,我留意到另外六個都唔算同Jacky太熟,可見Jacky係揀自己友出去踢既

看台上面既人越黎越多,不過bu既人似乎比較多(我都認得poly堆engine毒撚既)
睇黎今次呢個joint u cup都算係大壇野黎

咁我冇得踢,唯有坐返去看台啦
咁在場咁多bu靚女,6位後備都掛住睇囡囡啦,場友誼波who fucking care咩
「阿池!上黎啦!」我回頭一望,係阿白
我狗衝上上幾層既看台
阿白:「阿池你攰唔攰呀?飲支寶礦力丫,岩岩買架」
「好丫!多謝阿白!」呢種好似寶礦力廣告果D場面咁,女主角拋支寶礦力俾男主角咁,個感覺都幾正

智詩又屌鳩我:「你on9架,做乜唔落場踢呀」
「大佬呀,我又唔係同佢地果堆玩開,佢地唔信任我都好正常姐,何況我都唔想打,睇下波好過啦」
「屌你呀契弟,哂鳩我同阿白既時間」

老實,睇下波好撚過啦