我參加了籃毛毛演奏會: 有咩可能...

”喂，等等！做乜事要打低我？”

”唔好當我唔知，如果唔係你同個呀叔逃走之後報警，啲警察會上到黎我地方？”

”冇錯，一切都係我同大叔做，但係事因係你地捉走我班朋友，我地先咁做。”

”我所做既一切都有理由。”

”理由？咩理由咁巴閉要捉走其他人變成藍毛毛咁既樣？”





大嬸好似將我講既野當成廢話，之後揮手示意其他毛毛落台，而佢行到我同白毛毛之間，
佢話

”開始啦...”

嘩，唔係真呀，我居然要赤手空拳同白毛毛打，而且我一件衫都冇，淨係得一條屎跡底褲。
諗多幾諗，白毛毛已經衝緊上黎，我追上大嬸並且喝停佢，

”喂，你自少比啲武器我先夠打架！”





藍毛毛拋一包媽咪麵比我...

”你比媽咪麵我做乜春呀！”

白毛毛用右勾拳擊中我個肚，而我痛到跪係地到，捉緊佢隻腳，手執佢啲毛。
佢又想將我抱起，但係我一個葉問式滾地，避開佢既動作。
我同佢拉開距離，用雙眼發出看不見既電流角力。

台上走出幾名工作人員，佢地話





工作人員甲：”嘩！藍毛毛佢地咁假既！CCTVB用特技都用好啲啦！”

工作人員乙：”不過佢地打起上黎都幾真！估唔到今晚仲有咁既節目。底褲之少年，打敗佢啦！”

轉眼間，毛毛佢地用驚人既跳躍力跳到佢地既身邊，再用某一種噴霧令佢地暈低。
話時話，白毛毛又去ｏ左邊？左邊？右邊？唔係！係我上方！
雖然白毛毛既彈跳力好驚人，但係話哂我都係半個毛毛，我既彈跳力都唔輸蝕比佢地！
我雙腳齊發力，白毛毛既空降一擊白費咗，而我又同佢保持距離。

台下圍觀既毛毛開始起哄，相信佢地係因為白毛毛遲遲未打敗我而有咁既行為。
如果我再同白毛毛打落去一定會輸，除非有奇蹟出現...
試諗下以我既力量同速度，絕對係白毛毛之下，持久戰別輸。
機會只有哩三分鐘內。

三分鐘時間，我用二十秒構思左一個計劃，當然我都要同時避開白毛毛既連環快攻。





首先，我用一分鐘時間出汗，再以五秒除條底褲出黎。
由於底褲混合住屎麵同汗味，仲有就係毛毛擁有較靈敏既嗅覺，毛毛就會暫停攻上黎。
我再以十秒時間拆開包媽咪麵，期間白毛毛就會趁機衝上黎，
而極臭底褲就可以係哩一個時候發揮出佢既功能，
我將佢拋去白毛毛到，白毛毛會怕沾上骯髒之物而避開，哩個情景會維持五秒。
當佢一避開，我就拆好包調味粉，與此同時，我同佢應該相隔唔遠，
到時我將包調味粉吹向白毛毛隻眼，佢雙眼應該暫時打唔開。
之後我再係附近拎枝硬物擊敗白毛毛！
成個計劃都唔洗兩分鐘，計劃真係天衣無縫。

好啦，照計劃做！

出汗、除底褲、避開我既攻擊、調味粉攻擊、搵武器。
一切都照我既想法去做！





我係台上拎起一個譜架，狠狠地揮向白毛毛既頭部，白毛毛即場訓係地上。
倒係地上既白毛毛腦袋不斷有血湧出。哩一場戰鬥係我勝利！


大嬸哩一刻興高彩列地拍手，到底做咩事？點解白毛毛被打敗佢咁開心？
大嬸蹲係白毛毛身邊，撫摸住佢既臉龐，面上忽然有一絲笑容，佢話

”哩一位就係你身邊果個女仔。”

我行近白毛毛身邊，仔細望一望白毛毛個樣，仲係好唔相信大嬸所講既野。
白毛毛係呀怡？點會呀...邊忽似呀？
即使呀怡變到毛毛咁既款，應該都會係仙女下凡既毛毛，
但係我所見既只不過係一隻面目可憎既白毛毛，點會係呀怡？





我用一個好質疑既態度問大嬸

”吹呀，吹大啲呀！白毛毛係呀怡？你不如話藍毛毛係你個仔！”

”你講得冇錯，藍毛毛真係我個仔。”

”吓！？”

藍毛毛真係大嬸個仔？點解佢要咁殘忍要將佢個仔變藍毛毛？
係唔係佢只不過想打擊我自信心先亂咁講？
我係絕對唔會相信佢所講既一切！

我跪係白毛毛身邊，見佢口中好似講緊一啲事，所以我更貼緊佢，想更清楚知道佢講咩。
而我所得到既答案係





”吻...紋...吻...紋...”

「吻紋」？白毛毛講既詞語到底係咩野黎？
當我諗多一陣，我終於知道啦...
白毛毛所講既，其實係...













「允行」。