我參加了籃毛毛演奏會: 追續？報警？
走廊傳出其他毛毛咆哮既聲音
”媽媽咪呀，媽媽咪呀”
黃毛毛回頭望一望訓左係地下既大叔，之後就準備閃人，
臨走前仲要望住我扮返「你大我呀！？」果個樣，跟住佢就跑返過去班毛毛到。
正當我想行過我扶起大叔既時候，佢已經逼不及待咁企返起身，衝左出去走廊到。
好彩既係班毛毛已經走哂，
對大叔黎講唔好彩既係，佢未完全攪清真相，
對我黎講唔好彩既係，我班朋友已經消失哂啦，特別係呀怡，佢有冇事呢？
我唔知道，我淨係知道係哩一刻我地唔追上去就真係乜都冇啦。
我地沿住個特別通道跑，終於跑到出黎停車場，見到毛毛佢地，
之後大叔做左個手勢叫我捐落車底到，大叔係佢個背囊到拎左技槍出黎。
槍？點解一個大叔會有槍，我對哩一個男人愈黎愈感到好奇。
藍毛毛指揮緊其他毛毛搬啲人上車，我見到好多人一車車咁載走左，
有好多人仲係流緊眼淚 佢地連發生咩事都唔知，可能佢地就快俾人殺，可能佢地比會比毛毛逼做奴隸...
真係好慘!人係有靈性，有智慧....我哩一刻希望既係毛毛千奇唔好食人! 如果要食人既都要開始戒。
咪住，我好似見到一個好熟識既背影，係揚惠！
佢咁既身影好難認唔到！我見佢訓左係地下，應該係毛毛佢地捕捉人類時整暈左佢地。
我同揚惠只不過相差100米到，既然陳強、呀怡、揚惠三個人比人同時間捉，咁應該佢地都係附近。
但係，我搵極都搵唔到，點算？
最大獲既唔係搵唔到，而係佢地就快開車，只要搬埋揚惠上車，就真係乜都冇啦！
有一隻紅毛毛試圖搬揚惠上車，但係唔知係唔係重得濟，佢搬唔沃。
跟住，有另一隻綠毛毛黎到試圖搬揚惠上車，但係都唔得。
再跟住，藍毛毛出場，講左聲”媽咪”，谷恆哂身上啲肌肉，佢要開始搬啦。
果然唔洗幾秒，就搬完揚惠啦。
揚惠就咁目測都差唔多成100kg，但係藍毛毛居然幾秒就可以抬起佢，
哩一個藍毛毛真係要特別注意。
佢地要開車啦，我盡量記住嫁車既樣，係車身上面有個廣告寫住「南洋依馬打」，
南洋依馬打貨車唔理去到香港邊到我都成日會見到，
我由細到大都好好奇哩一駕貨車係做啲咩，點解四季平安油可以做到個生意咁大，咁多貨車，
究竟四季平安油有咩用可以咁吸引人買？
係唔係可以食？用黎炒餸？用黎當氣水飲？定係好似百事咁用黎收藏？
定係用黎好似當白花油咁用搽龜頭？我以前唔知南洋依馬打貨車係做啲咩，
但係我而家知道啦...
車要開走了，我唔知我會點追蹤佢地，只不過我盡我所能追蹤佢地，
「RX78」佢地既車牌。
大叔拍我膊頭，示意我捐出車底，講左聲
”追！”
大叔就係咁樣拔足狂奔，而我都緊緊咁跟住佢跑。
”大叔，我地咁跑要跑到幾時？遲早都會比佢走甩，
而且，我地都唔知佢會去邊。”
”少年，你太年輕了。你以為我乜都冇準備就咁追？
你啱啱應該見到我拎住枝槍，就係你搵緊朋友既時候，我已經發射左追蹤器。”
”咁你應該報警啦，追！追乜野呀！？”
”當年我個仔唔見左我都曾經報過警，但係佢地一個二個當我痴線佬！”
講多幾講，駕車已經遠離我地，而我同大叔都跑到氣咳。我唔信大叔既說話，於是我就打999了。
”你好，999報案中心。”
”救命呀，我啱啱參加完媽咪麵既藍毛毛演唱會，但係我班朋友比藍毛毛佢地捉左去。”
”對唔住，先生，你可唔可以講清楚啲。”
”我話！我啱啱參加完媽咪麵既藍毛毛演唱會，但係我班朋友比藍毛毛佢地捉左去，
佢地跟住仲將我班朋友搬上一駕叫做”南洋依馬打四季平安油”既貨車到，車牌號碼係RX78，
快！快啲搵人追佢地返黎！”
”先生，你等等吓，我試吓轉介比另一位同事跟進”
屌，又點呀，啲人成日話政府部門互相推卸責任，但係都唔好係哩一個危急關頭推呀。
大叔佢坐係地下到，點燃住一枝煙，佢深深一吸，再跟住好緩慢咁吐返啖二手煙出黎，
佢個表情就好似睇透一切咁，從佢既眼神，我就知道，佢係一位飽歷滄桑既男人，究竟，佢係咩人？
”先生你好呀，請問點稱呼呀？”
”唔好問點稱呼住，我淨係知我班朋友比人捉左，你地要拖我拖到幾時？”
”嗯，你冷靜啲，你既情況我地都大致清楚，不如咁呀，我地問你幾條問題。
首先，你有冇曾經想過自殺既。”
”有呀，屌你，你再咁問就真係自殺啦！”
”嗯，好好，第二條，你有冇曾經有幻覺，幻聽之類既經驗？”
”你老尾呀，我唔係傻嫁。”
”其實，先生，你啱啱講你班朋友係一駕南洋依馬打四季平安油貨車到，車牌係RX78。
或者咁睇啦，可能係先生你幻想有一駕高達樣既變形金剛，變身成南洋依馬打四季平安油貨車，
跟住可能你班朋友拎住能量方塊，比狂派既既南洋依馬打四季平安油貨車捉走左，係唔係咁呢？
或者，你試下聯絡返我，我姓李既，可以叫我李社工，你可以打291......”
我真係頂唔順啦，啲人話社工無野做搵野攪，真係真嫁，我明明唔係痴線都當我痴線。
我只不過想報警姐，點解咁難？
大叔佢企返起身，同我講
”行啦...”
”行去邊？”
佢咬住枝煙，好瀟洒咁同我講
”跟住黎就得。”
於是，我地行到去一個小巴站，我地都係到停低，大叔指住一駕紅VAN，
係佢個背囊到拎左個工具箱出黎，我真係唔知佢要做啲咩，
眼見佢兩三下功夫，已經將駕紅VAN駛到黎我前面。
佢坐係師機位，戴左副黑超，仲要著住套西裝，感覺好奇秒，佢同我講，
”我地渣紅RAN追佢地。”