令我又愛又恨的女友: Chapter 01

"仆街啦！！！"我即刻係床上面起身，原來已經8點50分，"今次仆街啦......唉，約咗女朋友9點係沙田等，依家先起身..."
小弟係住馬鞍山既，要係十分鐘內落街再趕到出沙田係一件冇可能既事，惟有wtsapp女朋友啦
我："岩岩先起身Sorry"
女朋友："唉，又係咁??9點半到得唔得?????"
我："應該得，你溫住書等我啦"
(順帶一提，我女朋友係細我6年既，仲讀緊中學，時不時都要我出去教佢數同物理)
女朋友："我當然會啦，我先唔會好似你咁曵??"
睇到呢句真係忍唔住笑咗笑，邊有咁厚面皮既人架
我："係啦係啦，我最曵啦。Btw好肚餓..."
女朋友："抵你死呀，鬼叫你咁遲起身，約你9點你就差唔多9點先起身，到咗沙田wtsapp我啦，傻仔?"

我："岩岩到"
女朋友："我係上次個位度等你啦咁"
入到圖書館見到女朋友，岩岩放底個袋，佢就拋咗包餅俾我叫我出去食
去過沙田圖書館既人都應該知果度附近冇乜舖頭，要行好遠先有，所以我有D奇怪佢點解冇啦啦會變到包餅出黎
我："做咩無啦啦有包餅係身既?"
女朋友："我黎之前買架，見你8點45分都未on wtsapp，咪估到你未起身lor，咁咪知你會冇時間食早餐lor，快D出去食完入黎教我啦"
哈！我呢個女朋友就係有呢個優點，知道我既需要，唔洗我出聲都會幫我，實在太好啦
不過個缺點就......
好快食完包餅入番去圖書館啦......惡夢開始啦?
我呢個女朋友係就係體貼，但佢係數理方面真係有D蠢


我一入到去佢就問我："點樣做通分架？"
我望咗佢一望，有D無奈咁講："小姐！你中四啦！通分都唔識？"
佢話："唔係唔識，只係唔記得姐"
Okay fine U win
我用咗5分鐘先令佢"重新明白"通分唔係整走個分母，而係令個分母變到一樣......
呢個女朋友真係令我好無奈呀！！