於這個Wtsapp群組中輸入名字，他就死路一條: 其之三十六

其之三十六)
 
「你們知道了不應該知道的事。」
「《寂默》群組之中，每一天會隨機死一個人。」
「除非...」
「除非七日內，再無人被邀進此群組，死亡指令會停止。如有新人進入這群組，七日之期會重新計算。」
 
簡單來說，現時有21個局外人知道《亡選》之事，如果再無任何人泄漏《亡選》的秘密，經過七日後，21人中有7人會死亡，剩下14人，而介時隨機死亡會停止，這14人就安全...
 
當然這是最完美的劇本。




 
司垂下頭：「即係一個無限期嘅咀咒...」
他身邊的手足亦面如死灰，也許想不到《亡選》就如潘朵拉的盒子，實在碰不得，一旦捲入，留禍害自身。
 
樂平也是說了一句：「就算依7日無人再知道《亡選》之秘...可能兩年後突然俾一個人知道咗...《寂默》嘅隨機死亡就會再次啟動..」
 
司接著說：「無錯...到時就係一條數學題...14+1-7...」
他想表達的是即使只有一個人知道了《亡選》的事，都會進入《寂默》，而他們就必需再次面對至少7日的隨機死亡指令。這時自然就是14+1-7..
將會剩下8人。
 




現場的環境一片沉默，我們這些《亡選》內的只負責殺人，原來已算是幸運，自然不敢再說甚麼。
司低頭思考，剎那間雙目發光：「調返轉諗就ok啦！喂...合作照舊，你哋幾個係時候拎個共識先，唔好再鬼打鬼，《亡選》同《寂默》唇亡齒寒，你哋唔合作，我都有方法致你哋於死地。同埋，叫樂平嗰位朋友，麻煩話俾我知你查到嘅嘢，當係合作嘅第一步。」
 
我們幾個均是一驚，他所說的「調返轉諗」是甚麼？
連樂平也擺出難以猜度的樣子。
 
「喂，你諗住點架？咩調返轉諗，你唔好做傻事喎...」還是由阿空開口。女孩子的確有其優勢，能夠從容自若地在敏感時刻中穿插。
司看上來也不太介意，解釋說：「我要爭取時間，盡快喺一日內擴大基數...」
他這樣說我就明白。
一天增加一人，會面臨七日的「隨機死亡」之期。




一天增加一百人，依然是面臨七日的「隨機死亡」之期。
 
以現時情況，今晚12點後司的死亡機會率是21份之1..
但若然他令40人進入此群，他的死亡機會率會下降到61份之1..
 
同時間，他需考量正常Wtsapp Group的上限人數100，一旦超過這數字會有甚麼後果，實屬難料。
 
只是這情況下，他打算向誰人透露《亡選》的事？
「依方面我會諗，總之件事係《寂默》嘅事，同你哋無關。」這是司的答案。
 
他一旁的手足聽完也稍現喜色。
這令我想起一個故事。
 
有朋友對我說：「知唔知有咩慘得過兩個人仆街？」
按照「食兩舊屎慘過食一舊屎」的道理，我說「三個人都一齊仆街囉！」




朋友笑說：「錯啦。」
我追問：「咁答案係咩？」
朋友答我：「有咩慘得過兩個人仆街？咪係得你一個人仆街囉！」
 
「你一個衰咗唔緊要，最緊要係有人陪你衰落去。」
「你知唔知呀，即使你同明仔係老死。今日你考試考得衰，之後到明仔拎試卷？你會點諗？祝福佢？難啲囉～梗係想佢都考得衰啦！」
「唔係點一齊呻，一齊怨？責任嘅嘢，多個人分擔梗係好啲。全世界都輸，咁你就無輸架啦。」
「依個世界，係咁架啦。」
 
我心下想：「如果是這樣，讓全世界都知道《亡選》的事，讓全世界都陷入死亡恐慌，這是最好，最公平的了吧？對呀，我為何要犧牲自己救你哋？」
「只是當做物主看到這情境，大約這世界也可以毀掉從來了吧？」
 
而這時候，決定權在《寂默》中的司手上，當然還有未知的4個人。
 
我們這邊廂，也是時候行動。首先要召梁一懿回來，另外是處理群組中最後一個「未知因素」。




 
樂平與阿空心神領會：「係時候，講佢係咩人啦。」
「Fiona Yu，余安頤，職業係三色台四流主播，唔識佢都唔奇。」
「之前無講佢太多...係無諗過佢竟然係最後一個未知因素..淨係對付陳仔同阿偉已經浪漫咗我哋兩日時間..」樂平補充。
 
我倒是好奇：「阿空你點知佢個名？」
阿空說：「一開始咪同你講過，我搵到佢facebook...見到佢個樣...又有Common Fd所以我認得..一開始我就知啦。只係當時我無義務咩都講你知，加上我俾你嘅資料..以為你自己一早查到...」
 
 
節錄自其之六:
(另一頁是一位名為Fiona Yu的女性Fb主頁，三十來歲，有點面善。
我大約猜想到阿空以Fiona Yu於Facebook搜尋，但香港的「Fiona Yu」少說也有幾百個，她為何如此肯定這個Facebook Acc屬於群內的「Fiona Yu*」？
阿空留下一句：「世界嘅科技好發達，Facebook嘅保密唔完善。用名加電話num去Search，真相自然來。而且我同依個Fiona Yu中間有Common Fds，我要證實佢係定唔係，真係咁難咩？Fiona Yu好聰明，大約喺00:25am已經隱藏哂所有資訊，可惜我00:18左右已經Cap哂圖。」)
 
我倒是害她失望了...




「就你哋睇法，依個余安頤難唔難對付？」我再詢問。
 
阿空在紙上畫了幾點：「其實佢嘅未知因素太多...但佢唔知嘅嘢都好多..」
《亡選》之中，就只有這個余安頤的心意未能捉摸。
時間是3:30pm。
 
PS.下一章於星期一深夜更新！！！再次感謝大家，大家由不同渠道表達嘅意見我都有望到嘅,希望再做好啲!!哈哈!