於這個Wtsapp群組中輸入名字，他就死路一條: 其之十四

其之十四:
 
「我哋到時要帶自己部電話黎….傾嗰時大家都要繳交手機…到傾完先拎返…而見面嘅環境，唔可以太張揚，最好偏僻啲…」陳仔發出一個特別嘅請求。
他的盤算易測亦難測，是怕我們在討論期間出現爭執而輸入對方名字？的確我們的手機早已成為殺人武器，但起了殺意的話，於家中亦可隨時行動。
 
另外環境偏僻一點我相信大家都同意的，皆因比較保險。
「我無咁嘅興趣。」Selina拒絕得很快。
「依個唔係睇你有無興趣，我哋個個都好責任。經過尋晚之後，我相信大家都了解到手頭上一定要有推較為保險嘅名單。而我哋都要俾人頭…唔可以下下都其中一兩個做哂。」阿偉覆得很嚴肅。
 
這個位置上Selina很蝕…阿偉一直代大家執行輸入名字的工作，漸漸建立了些微威信。而阿偉明顯要大家「交人頭」，是立意大家需「坐埋一條船」抑或另有目的就不得而知。




 
「同埋我諗手機點都要帶去，因為依個係我哋嘅身份識認…你唔Show個Group俾我睇，我都唔肯定你係邊個。」阿偉續說。
 
此時阿空私底下有問我意見，她認為藉此機會一試眾人虛實是不錯的，另外也覺得大家不會對對方不利。
我大致上同意，由其是發生過上次的意外後，心理變化很明顯，不再安逸，漸漸害怕一種未知因素，這時候幾個人面對面說一次，倒也不錯。
 
也許因為我自覺有阿空這個盟友，思想上都變得放鬆。
 
而梁一懿的態度很明顯，如之前所說，不抗拒見面。
大家在《選擇者》中翻來覆去後，大抵決定了見一次面，即使Selina萬般不願，在群眾壓力下也只能說一句：「隨你哋鐘意啦咁。」




 
地點方面，阿偉已經張羅得到，是偏僻地區一所租賃率不高的商廈，他朋友有一個空置的辦公室，說平日他都只是與朋友去打麻雀耍樂。各人需帶備被繳進《亡選》的行動電話作識認。
 
時間就在兩天後，好讓大家安排日程。
在日子到達前，大家合力來選擇了50位死亡名單，供這兩天使用。
 
最後阿偉補上一句：「樂平，一直搵唔到你，如果你見到嘅，嗰日自己過黎。」
 
阿偉亦寫下包單：「如果咁唔好彩，依兩日Admin再話啲名單無效嘅...我心中已經有幾個穩陣啲嘅後備人選，到時就由我做第一個交人頭啦。」
 




 
幸而這兩天過去還是一切順利，終於到達見面之日。
 
PS.下一章應於星期六更新!