於這個Wtsapp群組中輸入名字，他就死路一條: 其之九

其之九)
 
Lee Ming Wai：「睇黎…我哋係時候..好好哋傾下之後嘅事。」
可能因為夜深關係…過了十分鐘也無人回覆。當然最大原因還是各人有所顧累。
 
接近凌晨4點，「陳」作出回覆：「好，大家覺得要點做？」
「陳」的發言很重要，正所謂有人「行先」，就像壯膽一樣。
 
Onetwothree終於開腔：「有咩好講，呢家我哋幾個可以決定咩人死，就係咁簡單之嘛！」
 




這女學生的確是童言無忌…
 
Lee Ming Wai回應：「我諗依方面大家都察覺到，而且大家都唔想搞大件事。依幾日我都食唔安訓唔落，不如我哋7個就好似一個小組咁，每日喺度決定下一個人選，決定好就定時返《亡選(貳)》嗰邊執行。」
 
Onetwothree：「我無所謂，反正我都洗濕咗個頭，加上大家都唔係自願架啦。」
 
陳：「咁邊個負責執行？輪住黎？但仲有人未覆喎。」
 
Lee Ming Wai：「如果大家都唔想掂依件事，我可以做輸入名字嘅角色。應該咁講，相信大家都知我一開始Set咗自己全名做暱稱，相對我最危險，所以我一亂嚟..大家要造低我唔難…所以由我做執行者，大家都安全。」
 




Lee Ming Wai將自己的弱點轉化為優點，令人大開眼界…
此刻我不發言，主導權就會落入這個LeeMingWai手中…
 
於是我留下一句：「執行者係邊個唔重要…最重要係我哋真係要每日揀一個人？」
 
Onetwothree：「揀一個人大家無事，唔揀嘅可能大家出事，自己諗。」
 
好狠的小女孩…
 
此時阿空也作出回覆：「HI，大家好…我諗依個星期我哋都係先決定一啲該殺嘅名單先啦，關於唔揀會點，退群會點，係下一步嘅事，最緊要我哋和平共處。」




 
我不知阿空用意，但依然配合：「啱嘅，我同意。」
陳：「咁即係邊個負責執行。」
阿空：「Lee咁想，頭一星期就佢嚟啦，但揀就大家一齊係《選擇者》呢個Group揀。Fiona Yu你同意嘛？」
 
阿空也是個狠角色，她要逼Fiona Yu出來，至少要她的對話出現在此群組中。
而Fiona Yu亦「不負所望」，留下一句：「我唔想參與太多，你哋OK就OK。」
 
Lee Ming Wai：「好，現在只有樂平未回覆..聽日睇下佢回唔回…時候唔早…大家早啲休息…」
 
在這一句散席語之後，眾人稍作休息。
而到達第二日的中午時份，大家開始著力討論「挑選死者」的話題。
從大家的對白中不難發現每人的特性。
 
「陳」：「嗯..大家叫我陳仔啦..」




此人無甚主見，用的句子都比較老派，不擅交際。
 
「OneTwoThree」：「夾硬要個名就2號啦」
頭兩個死亡訊息均由她發出，說話直接不繞圈，看似思想簡單但從她懂得以「Zeng Jeong-eun」來試探《亡選》的地域性，可見她有點小聰明。
 
「不屑Emoji」：「我叫阿空！」
不需多講，數次交手後，知道她心思細密，行動果斷。
 
「Fiona Yu」：「叫我Selina」
她有點奇怪，嘗試過輸入死亡訊息，證明她對《亡選》的興趣，但此刻又與眾人保持距離。
 
「Lee Ming Wai」：「大家可以叫我阿偉。」
有點領導者的味道，可是他的真名的確是Lee Ming Wai嗎？這名字太普遍…實在難以查證…
 
「樂平」：他依然沉默，電話同樣打不通。




 
「我」：「阿和。」
我免得叫大和被人聯想到與阿空有關連，所以稍稍調整。
說到我的目的，其實很簡單。
我想知死是怎樣的一回事；我想知為何我身邊的人，都會死。
 
經過熱烈討論之後，我們6人得出幾個大方向。
 
一：追查「King」退群後的影踪。
二：追查「陸百九」的死因。
三：不可以每次都殺香港名人…也不可每天殺政要，這會令各國聯手調查。
四：各人自己保管好電話，別讓第三方知道《亡選(貳)》的事。
五：投票小數服從多數，不留言者視為棄權。每晚準時00:00am執行。
六：頭一星期的選擇者不可以是自己身邊的人，即朋友仇家都不可以，而且具追查性。
 




其中《亡選(貳)》挑選者的死法最為首要。如果其死法具明顯識認的話，很快有人找到共通點。
例子就像《死亡筆記》的情節一樣，人人都是心臟麻痺的話，長久以後都有問題，幸好「死神月」一日殺百人，我們只是一日一個。
 
所以下一個死者的人選，我們一致認為首要條件是他可「死喺我哋面前」。
 
殘酷的挑選遊戲現在開始。