公主迷魂記 (一個四十歲雞蟲失戀的故事): 第七章 Something about us
澳門大倉一役之後, 毫無疑問, 我同M小姐嘅關係進入咗新嘅一頁, 事實上, 情況比較有趣..... 回港當日, 我發覺M小姐似乎有D怪怪哋, 佢喺船上面不停用whatsapp, 同我講嘢就一句起兩句止, E個情況以前好少有..... 最後, 各自歸家 - 當然我有送佢返屋企啦, 但M小姐並冇叫我上樓..... 可能, 大家都好攰, 或者佢屋企又未ready比我上去呢..... 始終, 我係覺得有D嘢.....
返到自己屋企, what a home sweet home! 入夜, 好自然又諗起M小姐, whatsapp佢幾句, 竟然只係得到一個好簡單嘅reply.....
"2 bz, , c u tmr, honey!"
Well, 我相信我已經愛上咗E個女人! 不過, 感覺上, 係我愛佢多過佢愛我! 何以見得呢? 從心理學嘅角度嚟睇, 第一次發生超友誼關係之後, 邊個首先渴望再見對方, 邊個就係最愛對方, 毫無疑問, 係我!
當晚, 我再無聯絡M小姐, 仲好早就訓覺添! 之不過, 訓極都訓唔著, 滿腦子衰嘢! 一合埋眼就諗番大倉嘅happy moment!
電話突然響起!
妖! 來電顯示係林公子..... 我冇聽..... 之後, 條死佬仲whatsapp我, 佢想八卦我過澳門D嘢啫! Anyway, 我決定唔會分享我同M小姐之間嘅私人嘢比其他人知! 因為, 我係好認真對E個女人.....
自從那個周末之後
當然起咗好大變化嗱! 做過喎! 雖然, 今時今日都唔係D乜嘢大件事, 但係, 起碼, 佢肯同我做, 應該我算係佢條仔啦! 咁, 下一步, 係咪玩同居呢? 就係咁過咗幾日, 馬照跑舞照跳, 飯照食, WhatsApp照玩! 比較令我奇怪嘅就係, 我以為M小姐會進一步暗示, 以後, 一係我上佢屋企, 一係佢嚟我E邊, 但係佢一D都冇表態, 唔通佢只係想搵一個可以上床嘅飯腳? 睇嚟, 我太過樂觀嗱! 又或者, 都係要我開口先?
星期四晚, M小姐又做到點幾兩點, 跟手仲要同美國開會, 所以我今朝一起身睇blackberry, 就收到佢嘅E貓, 佢話會攞compensation leave, 今日會早收工, 仲會約咗朋友今晚睇戲喎, 咦, 之前冇聽佢講過..... Anyway, 有時真係唔明一個女人, 可以為份工去到咁盡! 我又更加唔明佢老細榮少, 可以..... 講番轉頭, 睇完M小姐個E猫, 雖然有D失落, 但又好似有種重獲自由嘅感覺, well, 係有少少誇張咗, 之但係, 我今晚的確可以自由自在, 任我行喎!
另一方面, 美國有成班vistor今日殺到, 我一早就同M小姐提過, 所以佢返到公司, 一直都冇ping過我, 況且大家都忙, 我D會仲要喺正lunch time前後包抄! 不過我好肯定, 當我同班vistors行出行入嘅時候, M小姐喺有偷望我, 而且仲比我昅到添!
12:23
M小姐online chat話就快要走嗱..... 當時, 我間房坐咗兩個好熟嘅鬼婆, 大家喺度chitchat緊, 望完佢個message之後, 我並冇ping番佢..... 點知冇幾耐, 我瞄到M小姐攞埋手袋行緊過嚟! 唔係呀嘛? 走過嚟掃場? 我立即彈咗起身去開門, 嗱嗱聲恭迎佢大駕光臨! 果然, M小姐真係殺入嚟, 我咪求其兼老老土土咁做個簡單介紹, 佢入咗嚟一陣, 同兩個鬼婆吹咗幾咀, 咁就走人! 唉, 使唔使咁呀? 兩個肥婆之嘛!
Vivi喺我同期兼最熟嘅一個, 大家做開嘢, 佢耐唔耐都會嚟香港走一轉..... Vivi都忍唔住口同我講咗句.....
"Congratulations! But good luck!"
唉! 我只好苦笑帶過.....
19:21
上海街
剛剛放低咗果班visitor喺老廟, 由得佢哋自生自滅! 講笑啫, 其實大部份人都嚟過香港, 又係佢哋話要睇驗一吓香港真正嘅一面, 咪帶佢哋出老廟囉! 老外去老廟, 個個都不知幾開心!
廟街行出上海街, 四圍望望, 上海街依舊, 師傅就面目全非! 行咗幾個街口, 感覺不外如是仲有D悶, 就上咗架的士返歸.....
唔夠十秒, M小姐竟然喺E個時候whatsapp我! 究竟佢派人跟踪我, 定係喺我手機裝咗個spyware呢?
"hello"
"yes"
"very 'sun foo'"
辛苦? 乜妳唔係放緊comp leave咩?
"ar... how can i help u nei..."
"nothing"
"y u so sun foo, tons of work??"
"yes and no appreciation. more work"
"i buy u icecream, may be u feel better nei..."
"not enough"
"what else ???"
"too many"
"ou so greedy wor"
"nope, i know i am not"
都開到口, 唔通M小姐佢想今晚.....
"told u, no one cares"
"i care"
"lol"
"lol"
"what about tonight? u buying me dinner? lol"
"you told me you will go to watch late night movie wor..."
"oh changed to tmr night
that'sy i asked u whether u r buying me dinner lor
u working ot ma? I mean with those American?"
問嚟都多餘, 妳都知我應該要湊住成班visitors啦! Well, 玩吓妳先.....
"yea, but very very late wor...
u miss me???"
"aiya... no ar... i was kidding
no need to buy me dinner nei"
"honest speaking, I don't know when i will finish tonight..."
"seriously, i was kidding ah
no need to buy me dinner"
"ok"
喺我輸入ok嘅同時, 我做咗一個決定!
我將部手機收番入褲袋, 然後同司機講:
"司機大哥, 我唔過海嗱! 車我去....."
五分鐘後, 我係M小姐屋企下面間7仔whatsapp佢!
"guess where am i?"
"don't know"
"wanna see me?"
"where r u ar"
離開7仔前嘅一刻, 瞄咗一瞄counter, 再望一望哥哥仔, 用堅定嘅眼神回答佢, 我決定唔買袋!
今晚, 真係unexpected! 估唔到會係咁嘅情況底下係入屋! 今晚, 絕對係一個值得記念嘅夜晚!
深夜裡, 不能睡! M小姐仲訓咗喺我胸口.....
除咗回味剛才生理上嘅滿足之外, 心諗, 今晚嘅意義真係好撚大, M小姐終於嚟料嗱! 乜嘢叫做入幕之賓? 我深深咁睇會到, 原來喺條女屋企過夜, 果種感覺原來喺咁超爽嘅! 仲有就係佔有慾, 的確正到無倫! 試諗吓, 同你所愛嘅人, 訓喺佢每晚同你WhatsApp或者傾電話嘅床上面, 不停係咁..... 我會覺得今晚先至完完全全擁有E個女人!
之但係, 有少少美中不足..... 正如我所料, M小姐嘅居企異常整潔, 乾淨到, 有果種一塵不染同潔癖嘅感覺, 雖然我都係乾乾淨淨果種人, 之不過搞嘢始終會整到周圍..... 硬係有DD就住就住, 唔可以痛痛快快, 好似時鐘酒店咁, 爆舖勁嘅!
沾沾自喜回味到差D流口水, M小姐醒咗! 佢好sweet咁錫咗我胸口一淡, 細細聲問我.....
"What time?"
"Almost one..."
"Stay in bed, honey!"
M小姐就即刻彈咗起身, 赤條條咁行咗入去浴室!
Well, 好撚形嘅一個女人! 唔單止佢講E句說話, 仲有佢個背影, 由後面睇, 我會以為頭先同咗個model搞嘢! What a fuxking good shape! 成四張嘢喎!
當我沖完身出嚟, M小姐已經remote番公司, 開始同美國conference..... 再望望佢張床, 所有床單被單乜都換過! E一刻, 究竟我係應該高興上到個咁有效率嘅女朋友, 定係要開始担心我嘅前途問題呢? 我嘅四十年單身生活, 已經由E一秒開始正式宣告完結!
天朗氣清嘅星期六早上
08:31
我比個電話嘈醒! 因為有WhatsApp到.....
尋晚, 知道M小姐有局唔駛我陪, 今時今日好難得有個咁嘅機會, 所以同班IT友聚聚打邊爐! 既然咁撚高興, 飲多两杯就少不免, 之不過, 班死仔個個除咗飲酒好似飲水之外, 仲要溝酒飲, E家嘢我就真係頂佢哋唔順, 結果都係要肥Ken睇住我番屋企.....
千辛萬苦, 終於喺地下搵到部手機.....
"Yes?"
M小姐搞乜? Yes乜鬼呀? 唔明喎... 是但答啦.....
"what?"
M小姐覆得好妙.....
"did you prompt me?"
喂, 大小姐! 咁撚早, 我都冇ping過妳, 講乜呀?
"i just wakeup... i did nothing wor..."
佢竟然無離頭咁回覆.....
"oh...^o)"
咁, 即係話M小姐搵到上門啦! 定係想check我呢? 睇怕佢都係想見我啫! 算啦, 扮上釣把啦.....
"wanna catch up now? Breakfast together?"
等咗有成分鐘, M小姐先至reply.....
"will see. not sure"
嘩, 今時今日仲要扮大牌? 呢條中女得嗱!
"ok, i will do some shopping, ping u later la..."
結果, M小姐並無再ping我, 可能佢真係有嘢做啦!
中午
自從返香港之後, 一直有準備M小姐會失驚無神咁衝上嚟! 雖然, 我每個星期都有搵鐘點做打掃, 但係間屋都有好多嘢要執一執, 由其是要搞搞個浴室, 所以, 食完個bunch, 一支公走咗去駱克道, 路經富士大厦..... 一個令我無限唏噓嘅地方..... 隔住條馬路遠眺, 似乎人流都幾疏落, 大厦似乎冇乜人出入..... 其實, 無他嘅, 幾點先? 小姐邊有返咁早, 就算做廿四果D, 都要起身洗個面, 食完飯化好妝, 先至開工喇! 邊行邊諗, 當年洗樓嘅日子, 真係有唔少回憶..... 算啦, 都係自己同自己講, E家嘢唔好再諗嗱, 花時間同精神落自己條女度仲好啦! 乜都玩夠啦!
搞掂浴室D嘢之後, 我試過直接打電話比M小姐, 不過一直都未能接通! Well, 可能去咗做gym啩, 算啦, 用WhatsApp留言咗幾句, 見大把時間, 我就行番落CWB, 途徑無數LED招牌, 無嚟一排, E頭好似仲旺過SSP喎..... 最後, 我行到去非常邪惡嘅合宜大厦! 一個非常之大嘅黑暗力量, 我就好似超人遇到黑氣石, 行唔到添.....
用八達通比完錢之後, 閃埋喺一邊..... 心諗, 新疆妹應該冇喺上面做啦..... 喔, 有冇新女呢? 企喺便利店入面, 一路飲緊支Lucozade, 一路玩緊Google..... 好唔好search一吓, 睇吓有冇好嘢呢? 內心就係咁不停喺度struggle, 腦入面係咁重複好多合宜嘅淫賤影像! 手指不自覺咁input咗一個叫雞網站嘅名, 好唔好入去睇呢?
突然, 有WhatsApp到! 係M小姐..... 乜撚嘢都唔駛諗, 醒晒!
What a feeling.....
逢星期四, M小姐例牌有night calls, 係calls! 即係一晚有幾個, 由7至8, 跟住就8:30至9:30, 最後一個12:00..... 死味! 唉, 仲未計一三五果D六點半meeting喎! 其實, 好Q耐之前, 班食蕉大哥同我講過, M小姐應該係全公司做得最夜最遲走嘅人, 甚至仲會星期六返公司做嘢添! 所以, 我咪睇死E條女冇拖拍, 仲係單身, 咁, 我咪放胆去馬囉! 嗱, 我估中晒啦! 不過我今日受番啫!
6點鐘, 嗱嗱聲同M小姐較腳, 走過去City'Super買嘢食, 但係, 佢叫我乖乖咁返自己屋企, 今晚會好忙..... 我就覺得最大嘅原因, 其實係佢姨媽到, 又唔想我煩住佢! Ok, 明嘅! 我送到佢過尖咀就分手.....
一支公, 食完飯, 沖完涼, 聽完歌, 手機一直都冇M小姐嘅消息, 我見佢嘅WhatsApp status都冇update過..... 再搵嘢食, 又睇咗套戲, 都冇搵過我, 唉, 佢應該都好忙.....
去到11點, 有D掛住佢添, 我咪扮有事做, remote番公司, 睇吓佢有冇online做緊嘢.....
咦, 公司個online chat, M小姐著咗綠燈喎! 好, 我一於扮做嘢ping佢先.....
"hi"
M小姐立即回比我.....
"yea!!! <:o) "
"lol
i also need to work!"
"Really? Welcome to join me :>"
"working late tonight?"
"i have tons to do..."
"OMG!"
"u know any bank hiring?"
吓! 講呢D? 點答妳好呢..... 扮儍仔囉.....
"lol"
"or other depts hiring?
i am serious"
我夠想妳過嚟幫我啦!
"If too tired, take a break or just quit..."
"y, u pay me?"
仆街! 中伏!
"lol, don't play la..."
"exactly lor
so need to look for a better job lor"
嘩, 轉吓話題先.....
"hey, any intern this year?"
"i dont know wor
may be
u looking for pretty girls?
:D "
":@"
"lol
y angry?"
"Honest speaking, I never looking for a girl in here b4..."
"honestly speaking. it is very hard to believe
:D "
"never b4...
u r the 1st one"
":D
what u said didnt make sense..."
"yes, I used to do something not really make sense... :D"
"not sometimes
most of the time"
"???"
"I am serious
lol
last meeting la...
ping u later honey!"
"..."
"ok
but u will ping me regardless of whether u r working"
突然之間..... 有種不詳嘅感覺擁現..... 我send咗以下一句比M小姐.....
"can I always ping you, really?"
"y not?"
":D "
"y would u ask such question?"
"just wonder, nothing..."
"strange"
"sleep la, wake up at 6... don't work 2 late ok?"
"ah? such short time?
then dont ping me la
miss u nei..."
就係佢E一句, 我著住全套New Balance track suit, 手挽裇衫老西皮鞋, 直奔對面海!
當然係坐的士啦....
M小姐放底headset之後, 順手disconnect個remote session..... 我已經忍唔住由後面攬到佢實, 而佢亦都唔客氣一手就.....
正如我所料, M小姐今晚唔方便! Anyway, 一個冇性但有愛嘅晚上.....
Feeling Moody.....
星期日, 我冇約! 因為M小姐day time要陪佢屋企人, 佢仲要清咁D人情約..... 我當然ok啦, 一早同班hifi損友飲茶吹水, 跟手買碟上樓試音, 幾正當嘅生活呀! 晚飯前, 跟兩位ching走咗轉鴨記, 仲買咗一堆唔知買嚟做乜嘅電子垃圾.....
不經不覺, 天都黑齊..... 朋友亦都告辭.....
今晚, 獨自一人留係屋企..... 金仔盤不停重覆又重覆播番今日買嘅碟, 同一時間, 我思索我以後應該要行嘅路..... 人就係咁, 冇就想要有, 有機會又怕失敗, 有進展又驚唔啱..... 真係好煩..... well, 坐喺梳化扮吓冥想!
雖然同咗M小姐都已經咁耐, 就算去到E個stage,
我有時都搞唔清楚, 係咪真係可以同佢繼續落去? 我有種感覺, 越close就越發現我哋之間好多gaps! 坦白講, 我亦都感覺到M小姐對我嘅要求越嚟越高! 壓力亦都越嚟越大! 好似根本我都未夠班同佢一齊! 比起其他玩慣嘅狗公, 可能易如反掌嗱! 就例如, 一般嘅行街睇戲食飯, 以前初初一齊嘅時候, M小姐似乎都冇乜所謂, 我哋去邊都好似ok, 大家亦都enjoy見面嘅時間多過去做D乜..... 約會都只不過係一個借口.....
不過, E種但求見多一面嘅初戀期, 好Q快就過去..... 我同M小姐之間嘅關係去到今時今日E一個地步就變得好現實..... 就例如.....
飲飲
識飲嘅佢, 絕對唔係扮嘢, 睇得出係由細到大培養番嚟! 都唔出奇吖, 有家底又有米, 養得起自己卓卓有餘, 又喺外國生活過, 視野夠廣闊, 我一定大唔到佢..... 我亦到相信佢嘅朋友圏子, 都係同一個level..... 有時諗諗下, 我真係同佢係兩個世界嘅人! 叫我劈酒就ok, 品酒? 咪玩啦! 其實, 公司都有好多同事覺得我好怪, 估唔到我會咁草根, happy hour多數同D大叔或者低級職員去對酒, 反而唔多應酬D大老板..... 無他嘅, 我覺得飲酒要高興, 要劈得開心, 酒精含量係其次! 由其是對住果D所謂大佬, 又或者扮有料嘅柒頭, 真係無心情, 亦都唔想浪費時間比佢哋!
講開飲酒, M小姐有次有night call, 肯定搞到成七八㸃先走得, 佢叫我咪係公司度等佢嗱, 仲forward個email比我..... 一睇..... 吓, free wine tasting event! 我當然知道佢想講乜啦..... 雖然我冇去, 但由果日開始, 我盡量吸收品酒E方面嘅智識, 品嚐不同類型嘅wire..... 唉, 就算連雲呢嗱味, 我都試過! 不過, 我明白, 要提升個人品味, 並唔係猛咁試唔同嘅酒就可以, 即使我晚晚試三四支, 都冇用㗎! 無E個心就無係無, 冇計! 叫我一本正經去taste一支酒? Sorry, 真係好難做得到!
食食
男女之間dating真係好講技巧, 有時仲要識得讀心術, 能夠睇穿對方心意就百戰百勝, 手到拿來! 不過..... 吹水我就叻! 現實生活, 我嘅表現可能同一眾宅男差不多..... 未出街, 可能已經比絛女ban到暈, 都咪話唔仆街!
M小姐認為做嘢做得咁辛苦, 既然我date得佢, 夜晚個餐就一定要好好睇睇, 雖未至於要fine dining, 但就要有planning, 千其咪求求其其, 事旦book間貴嘢就話OK! 佢要清楚知道為乜要去E間, 乜嘢係佢哋嘅出名菜! 去嘅地方最好咪repeat, 次次食到新嘢就係佢嘅objective! 其實都應該嘅, 香港地咁Q多地方食嘢, 又駛乜食嚟食去果幾間呢? 你哋又咪以為M小姐會好似一般港女咁, 未食先影相, 食緊又影相, 仲要扮晒食家share果餐嘅感受, 發表一吓所謂食評, 搏人比like... M小姐當然完全冇做啦! 佢仲非常不恥以上種種行為! 但係..... 咁我先至仲大壓力呀! 有時食完都唔知佢係咪enjoy或者失望, 佢有時食食吓可以粒聲都唔出, 一係好似好hang咗機咁, 一係就食少少, 跟住話好正! 不過叫我食晒佢!! 真係好難捉摸!!!
你哋話幾咁仆街啦! 叫雞我就叻, 飲飲食食E方面, 我真係求撚其! 唔係話自己食得cheap, 只不過同任何人出去開餐, 我都係放手比佢哋搞, 等飲等食果個! 記得早期溝M小姐嘅時候, 我仲衰到連Openrice都唔識用, 要公司班妹妹仔教我添.....
其實, 我都知道自己嘅性格, 除咗工作之外, 我真係好有問題, 唔怪之得M小姐話我 "don't make sense most of time"! 生活冇態度, 對感情嘅事又唔多績極, 可能得到咗手啩? 我有時甚至懷疑自己係咪人格分裂, 邊有可能工作井井有條, 事事認真, 做事三扒兩撥, 絕不拖泥帶水, 私生活同感情事可以搞到咁能爛!
究竟我係咪唔敢同M小姐再進一步, 先至諗理咁多E啲所謂借口呢?
抿嘴
抿嘴這個動作其實係有科學根據, 因為人喺緊張嘅時候會仰賴肢體動作去消除緊張, 而抿嘴係其中一種, 但重要嘅係, 嘴巴喺人嘅大腦入面唔單只食嘢, 同時亦都作為kiss嘅作用, 所以如果有人喺你面前經常表現緊張, 而不自覺抿嘴, 表示佢可能喜歡你, 而且佢曾經幻想過跟你做D好私人嘅嘢.....
一直以嚟, M小姐耐不耐就比我發現佢抿嘴!
另外, 當面臨壓力嘅時候, 一種常見嘅反應係收起或者拉緊自己嘅嘴唇。隨著壓力越來越大, 原本豐滿嘅嘴唇會逐漸變得扁平, 最終成為一條直線。E個時候, 人嘅情緒同自信亦都跌到去谷底。
從心理學嘅角度嚟睇, 嘴唇緊抿係自我抑制嘅表現, 就好似大腦話比我哋知"緊閉嘴巴, 唔可以比任何嘢進入身體”。E個動作將當事人嘅焦慮之情暴露無遺!
近排, M小姐就經常喺我面前咁做! 點解? 可能越了解對方, 就越發覺對方嘅缺點啩! 唉.....
On diet 事件
又到Blue Monday!
事關剛剛過咗嘅周末, M小姐佢有事做, 而我就要睇住班師傅搞掂個bathroom, 我跟佢只不過whatsapp過幾句..... 總之個人好dry.....
今日一開波就忙到仆街, M小姐晨咁早就ping我! 都係求Q其應佢幾句..... 唉, lunch前仲比鬼頭醒咗幾句, 之咪下面班人做錯嘢, 老細當然有大插大囉! 所以我都冇晒mood同M小姐食lunch.....
三點三, 又夠鐘ping我！唉, 見佢咁有心, 一於同佢出街飲嘢break一break.....
閃咗去coffee shop.....
我要Ice Mocha, 佢就要Caramel Latte, 一冷一熱, 兩種心情!
一坐底, M小姐就問我係咪今日好忙, 我當然無提今朝D唔開心嘢啦! 以前, 初初接觸, 唔係咁熟落, 又未模清佢個底, 真係唔知M小姐係人定係鬼嘛! 話題冇咁多, 大家講嘅都係環繞公司嘅嘢..... 今時今日仲講? 談情說愛嘛, M小姐就係鐘意E套! 所以我求其答佢, 只不過話多add hoc嘢做啫.....
飲到一半, M小姐伸過懶腰..... 雖然冇乜睇頭, 但勝在佢仲keep得好fit, 仲有一條小蠻腰, 都就快四張仲keep得咁好, 直頭正過好撚多妹妹仔啦!
但係, 我好衰唔衰, 懶得意咁, 多口講咗一句.....
"咦, 妳好似肥咗喎!"
M小姐即時黑面! 不過, 佢又立即變番面, 仲扮到若無其事咁答我.....
"唔係化, 咁就要做多D運動囉....."
跟住唔再望我, 木無表情咁望住自己杯Caramel Latte.....
?
當時我先知死! 又係衰多口, 講錯嘢! 我估以前大家仲未行埋, M小姐頂多當我講笑, 不過今時今日, 真係睇撚晒全相嗱, 佢實係當我講認真啦! 真仆街! 結果Dead air咗成分鐘, 佢最後話要走人.....
回程返office嘅時候, M小姐已經唔再出聲, 全程黑面抿晒嘴..... 原本我係好想力挽狂瀾, 想未到office之前同佢say句sorry..... 但係..... 今日真係好撚黑仔, 平時都冇乜碰到人, 一出coffee shop就不停咁撞到D吞pop人士, 小那星到..... 去到等lift仲衰, 全部自己友, shit! 天呀, 點解個天咁玩我呀! Lift入面, 係人都知M小姐發緊我火, 個個眼望望, 等睇戲!
之後, 我同佢番到埋位, 一眼都冇望過我, 仲好用力咁坐底, 同佢say bye都唔理! 日本妹同我打咗個眼色, 連佢都發覺有事, damn! 唉, 面懵懵咁自己行番入房.....
結果, 我連續問咗大小姐兩日, 日日都係同一個reply!
"no thanks, i am on diet this whole week"
唔好話lunch或者dinner, 連tea break佢都話唔想..... Ok, 見妳咁有恆心, 算數! 到咗第四日, 我太忙嗱, 冇再ping佢..... 之但係, 我知我係衰多口兼有少少玩嘢..... 況且, 我又唔係大男人主義, 女朋友係要氹嘛..... 所以都係要諗下點氹番佢好.....
星期五, 開咗個靚局, 瓣瓣升! 下晝, 喺炒房吹完水出嚟, 點知撞見M小姐同日本妹食完lunch番office! 我見M小姐啤住我, 費事自己攞嚟衰, 所以冇say hi.....
拾幾分鐘後.....
我一邊用hand free同台灣嘅同事吹水, 一邊喺間房入面行嚟行去, 少不免望見遠遠嘅M小姐, 就係咁, 比佢望到我望佢.....
轉過頭.....
我個芒下面個task bar有嘢閃緊.....
竟然係M小姐ping我!
"are you ping me?"
嘩, 有冇搞錯? 又嚟E招! 不過真係算啦, 大小姐都出番聲, 仲想點呀? 咪say句yes囉.....
"yes!"
"lol"
唉! 佢以為今次佢贏咗.....
Night call事件
星期三, M小姐要過九龍office做training, 我問過佢好唔好我都去埋九龍, 唔一齊食lunch都冇所謂, 起碼可以一齊放工走嘛! 點知佢答得好玄, 話隨緣喎! 吓, 咁即係點先, 就算我喺中環standby, 都要夾shuttle個schedule嘛! 飛的都趕唔切㗎! 大小姐可能有心事..... 其實, 同咗M小姐一齊, 好似再無喺九龍office同台出現! 直覺話比我知, M小姐唔多想喺佢department嘅大本營, 將我哋嘅關係暴光! 總之就有D怪怪哋, 但係, 喺中環, 佢又咁高調? 真係唔明!
結果, 我冇過去九龍, 我亦都冇接M小姐放工..... 三點幾佢break嘅時候, WhatsApp我話唔駛接嗱, training完咗會同班友happy hour, 叫我自己一個食晚飯, 因為八點半有個call! 睇完有D唔知點嘅感覺.....
食完老麥之後, 突然發覺我部L豬原來冇晒電! 死火, 唔知M小姐有冇搵過我呢? 七點幾仆返屋企, 即叉電, 順手remote返公司, 已經見到M小姐on咗line! 佢應該做緊, 準備一陣嘅meeting! 不過, 佢並冇打過電話比我.....
20:26
我忍唔住chat吓佢.....
"hi, i am back... sorry, my mobile run out of battery..."
等咗成分幾兩分鐘, M小姐先至reply
"no worries
my call starts in 4 mins"
"no problem"
"no problem?"
"I mean I can stop now..."
"oic
where u went for lunch?"
"with Tim, Kitty姐 and K小姐"
"where?"
"Chariot
Kitty姐 organize it"
"it needs membership?"
"yes, she is"
"very nice of her"
"yes"
"so crowded along queensway during lunch hour"
"yes, horrible"
"You know K小姐 so well"
咦, 好似有骨喎E句! 唔通佢見到我食完lunch同K小姐一齊行? 但又有乜問題呢? M小姐冇理由咁小氣啩? 而且, 佢應該身在九龍.....
"Not really"
即轉話題!
"Tim borrow my battery pack..."
"tell him to get his own
did he ask u before he took it?"
"yes"
"i don 't like this guy
sorry, give me a min. call started"
Tim係Kitty姐果邊, 做咗好多個department, 走嚟走去, 但係一事無成嘅人..... 我同佢當然冇乜兩句啦, 不過, M小姐就..... 佢係好睇唔起阿Tim! 其實, 未同M小姐一齊, 都知道佢有D階級觀念, 之不過, 又未去到好似Amy果種, 寸人寸出面, 大大聲鬧人咁八婆格啫!
"ok
I offline la, whatsapp me if you want to talk later...
:)
my mobile should has battery in next hour..."
之後, M小姐再冇call我.....
23:30
沖咗個靚涼, 又吹咗個靚頭, 諗緊做乜好..... 突然電話必咗一聲, 有WhatsApp入! M小姐send咗一句比我
"any call taxi number?"
睇見E個message, 立即眼前一黑, 手震兼腳敦, 大檸樂!!! 原來M小姐happy hour之後, 一直留底喺九龍office, 冇返屋企先! 唉, 我真係懵盛盛, 點做人男朋友呢! 立即回番比佢.....
"wait for me, im on the way, give me a few mins..."
廿分鐘後, M小姐見到一個淨著T加短褲嘅我, 打開的士車門..... 而我, 就見到一個燶口燶面嘅M小姐! 之後嘅時間, 我放低男人嘅尊嚴, 不停道歉兼且嘗試氹番惦M小姐! 落車前, M小姐終於開口.....
"前面轉左喺茶餐廳門口落!"
冇尾音! M小姐仲喺嬲緊..... 正想攞錢嘅時候, 先至發覺我原來冇帶銀包! M小姐已經勵住我, 佢知發生咗乜嘢事..... 之後, M小姐喺茶餐廳好快咁趙咗件腿治, 又勵多我一眼, 抿咗一吓嘴, 然後先至同我講.....
"你都冇帶銀包, 同你搭番的士!"
聽完, 立即delta t之內開始解碼! 同我搭番的士, 即係會入我屋啦, 入得屋, 仲走人咩? 十成十喺我度過夜啦! Ok, 我知要點答佢, 笑笑口講.....
"好呀! 同你返屋企攞埋妳D嘢先啦!"
點知, M小姐聽完, 直頭扯火!
"No!"
就係E個No字, 一個字就打撚殘我!
結果, 我送M小姐番到佢樓下, 跟住佢塞咗一舊水比我, 仲要好serious咁同我講, 佢番上去沖個涼就即刻訓, 有乜事聽日見面先至講..... 唉, 點解我會搞成咁呢? 真係抵死!
沒有最差, 只有更差!
第一日返工, 除咗我還番二百蚊比佢之外, 佢直頭連眼尾都冇望過我一眼! 原本都有諗咗幾個方案, 例如做吓觀音兵, 跟出跟入, 又或者夜嘛嘛走去佢屋企, 但我諗深一層, M小姐又唔係妹妹仔, 肯定唔受E家嘢, 仲會覺得我好撚小學雞, 嫌我麻撚煩, 所以都係諗吓, 算把啦..... 我亦都有諗過送花, 不過又怕太高調, 弄巧反拙咪仲仆街! 所以都係多一事不如少一事.....唉, 就係咁, 同M小姐開始有D冷戰feel, 每日都係一句起兩句止, 飯都冇食過, 各自各歸家..... 其實, 成件事我一直處於下把位, 始終night call事件, 我係唔啱嘅..... 之但係, 我覺得大家都咁大個人, 關係亦都去到呢個地步, 有乜嘢都可以攞出嚟講嘛? 做乜成日都要估估吓, 玩猜謎呢? 過多日, 晨早開工冇事冇幹, 自己一個喺房, 諗幾諗, 遠眺M小姐張枱, 再望出玻璃牆外嘅東九龍, 日出嘅微温開始浸透整間房..... 都係要有D行動, 點都要氹番大小姐! 不過做乜好呢? 望望Tammy張枱, 唔通仲問Tammy咩? 結果..... 都係全靠佢! 事關我見到Tammy佢喺IFC2買咗D朱古力番嚟..... 係喎! 醒起佢勁鐘意食朱古力, 好! 一於朱古力救亡大行動! 唔去IFC2, 特登走去K11, 因為我記得佢曾經提過..... btw, 點解咁撚簡單嘅小事, 我要拖到咁耐呢?
Lunch時間, 我放低一盒剛剛由K11買番嚟嘅朱古力喺M小姐枱面, 我刻意冇留低memo話我送! 一條友靜靜咁坐喺自己間房, 移好張凳, 等待M小姐.....
13:55
M小姐終於出現! 原來佢又同日本妹出去食lunch..... 我望住M小姐嘅一舉一動..... 佢行到自己張枱先至發現盒朱古力, 但冇坐底, 一手攞起嚟望, 隔離嘅日本妹亦都發覺, 仲喺佢耳邊好似講咗幾句, 而M小姐一直底頭望住盒朱古力, 跟住背住我..... 突然..... 佢轉身離開張枱, 行緊過嚟! 木口木面! 咁..... 即係點呢?
原本, 諗住嗱嗱聲推開度玻璃門, 恭迎大小姐..... 但係唔知做乜, 兩隻腳有D唔聽話, 好似同我講, 咪撚行去開門, 等佢自己終入嚟, 輸人唔輸陣, 千其咪做D有辱國體嘅嘢! 諗得嚟, M小姐已經擰住盒朱古力, 行到Tammy個位, 仲突然停低! 吓, 玩嘢乎? 佢烏低身同Tammy講咗幾句, 嚇到Tammy彈咗起身, 跟住, M小姐衝著我而來..... 敲門嘅同時, 已經推開我度門! 啤一啤我, 好似超模咁撚有型一直行到我面前.....
霎時滴汗!
由我鼻尖數起, 距離只有160mm, M小姐嘅V字面差唔多封晒我所有嘅視線, 一對無添加嘅大眼, 好凌厲咁叮實我! 一副可怕嘅天使面孔!
"我, 淨係食dark chocolate!"
手起刀落! I mean, 佢塞番盒朱古力比我!
唉, 又撞板..... 我鐘意milk chocolate, 甜入心頭, 佢鐘意dark chocolate, 苦中作樂! 兩種口味, 兩個性格.....
我正想開聲搵個借口, M小姐戚戚眉.....
"今日我大把嘢做, 聽日先至再catchup啦!"
佢講完, 轉身就走, 忽然, 再拋底一句.....
"By the way, 你個妹妹仔鐘意食milk chocolate, 比佢啦!"
"哦..."
唉! 雖然我睇唔到自己E家個樣, 但, 我好肯定, 非常柒囉! Anyway, 以我嘅理解, 雖然我買錯嘢, 但係M小姐都叫做算數, 件事希望可以告一段落.....
十五分鐘後, WhatsApp同公司嘅online chat都毫無動靜, 我仲偷偷望M小姐, 似乎佢已經投入工作..... 唉, 我望住盒朱古力, 唉! 咪攞出去分咗去囉.....
"老細, E隻朱古力好貴喎! 你真係比我哋.....?"
Tammy講完仲擰轉頭, 瞄一瞄遠處嘅M小姐..... 反而Irene同Jeff就扮忙, 完全唔出聲! 小那聲, 都瘀爆啦, 你兩條友平時咪好貪心嘅? 驚我盒朱古力有毒咩, 仆街!
手袋事件
第二朝, 晨咁早, M小姐仲坐緊MTR, 就WhatsApp我可唔可以嚟個late lunch, 當然冇問題啦, 同妳今晚late night catchup仲好添! 佢仲話下晝會take個compensation leave, 我舉腳讚成啦! 難得佢可以休一休嘛! 點知..... 又係一個氹.....
所謂late lunch, 真係好late, 成兩點仲喺公司, 咁遲, 倒不如咪攞leave啦! 總之, 等完又等, 我直頭企咗喺佢面前, 佢先至話要去埋toilet..... 真係有少少火! 之但係, 我喺lift lobby見佢出嚟果陣, 乜火都冇晒, 反而有少少慾火添! 原來大少姐入咗去上妝, 仲特登配咗對新嘅高踭鞋, 加上原本嘅one piece貼身短裙, 非常醒胃, 後生咗唔在講, 我覺得正過姚嘉妮好多, 望住佢對脚, 正到冇得頂! 女人係有自知之明, 尤其是M小姐, 佢完全明白佢嘅優點.....
"我咁樣得唔得?"
妳話呢? 我都死咗一半啦! 佢呢句唔係代表佢冇自信, 只係想對我落重葯啫! 如果lift入面冇cctv, 妳就仆街咯! Anyway, 入到lift, 我當然冇做任何嘢啦, 係都番去佢屋企至搞, 儍的嗎? 由鏡中嘅反映, M小姐明顯略高過我, 即係話, 佢E家對高踭鞋係三吋以上! 正正就係呢個高度, 大家面對面, 每一次我都好自然咁咀埋去! 應該話, 佢都好自然咁等我咀! 每一次佢著高踭鞋, 都係!
咀完..... 啱啱部lift落到ground floor, perfect timing..... M小姐問咗我一句.....
"你帶我去邊度食lunch呢?"
真係比佢秒殺! 我趁出緊lift, 仲有delta t+1嘅時間分析同回應! 佢大小姐咁問, 一定有expectation, 但係, 我仲要返去開工喎! 如果搵間好嘢食, 太匆忙又唔係咁好, 但係, 求其搵一間食個quick, 又怕佢唔happy! 真係考起我! 但係delta t+1過得好快, 快到我要即刻答! 結果我口快快話食拉麵.....
"吓! 乜又食拉麵呀?"
結果, M小姐口黑面黑唔在講, 行多幾步, 又話腳痛又話驚整花對鞋, 總之就比好多說話我聽! 衰過咁多次, 仲想死咩? 仲唔立即轉呔咩?
結果, 我同佢去咗Soho撐枱腳..... 小! 咪仲行得遠? 又唔見妳大小姐話腳痛? Well, 好戲在後頭! M小姐突然拖住我, 呢個動作真係令我有少少surprise, 我哋雖然已經半公開咁喺埋一齊, 但從未喺中環地區, 返工時間拖手仔, 始終有D D顧忌.....
"食完lunch, 不如行街咯!"
What? 行街? 我有冇聽錯? 妳放comp leave唔係我喎? 我仲有兩粒鐘先至off..... 但係, 我立即再用delta t嘅時間, rewind咗M小姐今朝晨咁早嘅對話..... 死火, 我當時答得好口爽, 仲話舉腳讚成添! 九成佢以為我會一直陪佢.....
坐好, 叫完嘢食, 我立即借尿遁, whatsapp比Irene, 話我有事做, 應該唔會番office, 不過我會睇E猫.....
開餐嘅時候, M小姐一路飲湯一路笑淫淫, 有D唔對路! 但係, 當佢隻腳喺枱底不停開始挑逗我! 咁就明白晒, 收到! 睇嚟, 今日一戰, 在所難免!
"唔好行街住, 我想食雪糕!"
Ok, 既然大小姐心情靚, 咪去食雪糕囉..... 反正都要行番落Central, 就去Holly Brown啦!
正當我沉醉緊M小姐嘅高踭鞋性挑逗, 食食吓雪糕嘅佢, 指一指個Celine phamton square.....
"舊啦, 要換個新!"
咦, 乜撚嘢意思呢? 唔通佢暗示我買個新嘅比佢?
唉, 肯定?要皮幾兩皮落樓啦! 可能仲要..... 萬一佢順便睇中多對鞋, 咁味大撚鑊!
超! 今日真係一個用腦日, 不停係咁delta t! M小姐好?醒㗎, 我只要略為猶疑, 就知我有冇心! 小喇叭, 頂硬上!
"我送個新嘅比妳啦! 上次睇過MiuMiu都唔錯喎, 一陣行落去再睇!"
M小姐含住口雪糕, 咪咪眼笑咗一笑, 再用鞋尖踢咗我幾吓!
"Well, 妳喺咁搞我, 送層樓比妳還可以啦!"
就喺呢一句! 一句衝口而出嘅說話, 並冇秒殺M小姐, 反而係我立即自殺! 我嘅意思係..... 佢完全get唔到我嘅意思, 而我又冇發覺佢catch唔到我係講笑! M小姐出現咗一秒嘅停頓..... 跟住我仲一直笑騎騎咁, 昅實佢對眼! 心諗, 呢次妳實估唔到我會咁順攤嗱!
M小姐抿咗一吓嘴.....
"咦! Miu Miu好妹啫, 唔啱返工帶..."
為咗解困, M小姐重覆招牌式笑容, 再加上咪咪眼..... 佢以為又可以?電?暈我..... 可惜, 今時今日, 正所謂床都上過啦! 仲可以電我? 況且我仲早有準備, 一直望住佢對熊貓眼, 微笑而不語!
似乎, M小姐知道我玩嘢, 等緊佢嘅reply.....
結果.....
佢轉移視線, 望咗一望自己個杯, 飲咗一啖水!
跟住再抿一吓嘴..... 發炮!
"Huh! You made a big mistake, I'm on my own!"
弊! 又玩大咗! 做乜咁敏感呀? 當然, 我好後悔我講埋呢D無謂嘢! 仲唔立即使出渾身解數咩, 死人都要氹番掂佢啦..... 雖然之後算做大步檻過, M小姐再冇失控落去, 但係佢嘅反應令我好奇怪! 奇怪嘅唔係佢發脾氣, 而係佢點解要強調佢係靠自己呢? 佢本身有米, 自己又搵到, 係人都知啦, 何況, 男朋友送手袋比女朋友, 真係正常過正常啦! 氹番之後, 我當然唔敢再多口, 佢亦都冇再提起之前講嘅嘢..... 成件事告一段落? 似乎各自心中有條刺!
離開Holly Brown, 街照行, 手袋照睇, 但冇賣任何嘢! 當日, 行街睇戲食飯, 全部佢比! 不過, 睇得出M小姐比我掃晒興.....
23:15
M小姐開完佢部Macbook, 赤條條咁行入浴室.....
陰暗嘅燈光之下, 我終於搵番我條boxer!
望住開緊conference call嘅M小姐..... 心入面諗緊..... 一直以為溝到M小姐就係人生一大成就, 感覺應該喺上咗天堂, 其實喺打落地獄! 大倉之後, 雖然意識形態上, 我佔晒便宜, 賽事壹比零, 男方勝! 當晚開始, M小姐好似已經係我嘅人, 但實際上, 輸家係我, 肉體上嘅擁有, 今時今日算得乜, 根本上可以叫做冇拖冇欠, 正所謂男歡女愛, 等價交易! 反之, 我諗深一層, 家陳同M小姐一齊, 好似攬住個炸彈, 無時無刻都要小心翼翼! 更甚者, 老土D講, 自從中出之後, 我反而覺得好似欠咗佢, 再冇理由離開M小姐, 可能..... 因為我背負住一個雞蟲嘅身份..... 冇可能坦坦白白話比佢知.....