《我炒咗車之後入廠訓咗四年覺》: 話劇
入場果陣，我收到晴晴WhatsApp。
晴晴：有冇嚟啊？
我：有啊！good show！
晴晴：多謝捧場！
我：完咗之後駛唔駛等埋你？
晴晴：睇點先
晴晴：唔講喇！我地要出場喇！
燈光逐漸較暗，布幕亦都慢慢拉開。
男女主角出場，女主角原來正正係晴晴！
至於另一個男主角，我唔係好識。
結衣：啊…係子鈞啊！！
我：子鈞？
結衣：子鈞佢喺學校好受歡迎嫁…
我：係咩？
結衣：果陣我同佢同一小學，佢已經好受女同學歡迎嫁喇…
我：噢…i see，i see…
####################
呢一場，應該係我中學生涯嘅最後一場話劇。
一出場，我就見到貓仔嘅位置。好開心啊！佢真係有嚟捧場！
但係再望到佢隔離…係結衣…
佢地係約會完先至一齊嚟嗎？
諗到呢點我就覺有情緒少少低落。
哎吔…我唔可以比佢地影響到嫁！
我嘗試重新投入返我嘅角色。
而家，呢個世界只有呢個舞台…
####################
我地將目光放返上台，就被台上嘅話劇緊緊吸引住注意力。
就連去一去廁所都要等到完咗先去。
因為…睛睛喺台上嘅表現令我咋舌，睇到我…O哂嘴…
台上的晴晴，散發住光芒，魅力，同埋自信。
眼前嘅睛睛，好似完完全全被劇中主角嘅靈魂充斥住身體，包括說話、行為…甚至性格…
好似呢個肉身已經唔再屬於晴晴咁…
####################
喺呢場話劇，晴晴擔任嘅角色同三個男主角發展出感情線。
之不過，睇吓睇吓，我開始覺得不是味兒…
"映雪…可唔可以做我女朋友？…"
喺海邊嘅場境，飾演男朋友嘅其中一個男角色向晴晴講。
感覺就好似…自已嘅嘢比人搶走咁。
子鈞：映雪！唔好走！
另一男主角擺出依依不捨嘅表情。
晴晴：對唔住…我唔可以再留喺度，真係要走喇！
子鈞：點解…你係咪有咩苦衷？？
晴晴：其實…我患咗癌症…
子鈞：啊？！
晴晴：我要去美國做一個手術，不過醫生話成功嘅機會唔大，所以…我唔知仲有冇機會…返到嚟…
我：即係…呢次…可能係我地最後一次嘅…道別？
晴晴伸前將子鈞嘅嘴唇封住，一陣之後再拉開嘴唇之間嘅距離。
晴晴：如果真係最後一次，就比呢一吻成為我地告別前嘅最後一個印記啦…
子鈞：映雪…
晴晴鬆返開雙手。
晴晴：我…真係夠鐘要走喇。 忘記我，如果你再遇到一個兩情相悅嘅女仔，唔好比我呢個包袱影響到你。
子鈞：你…要保重啊…
晴晴：你都要保重啊…
明明只係一場戲，點解我會覺得有啲"幸災樂禍"呢？
話劇前半部係話，女主角映雪同佢男朋友拍拖之後，佢同時都同佢男朋友嘅一個好朋友，即係男主角偷戀。
後來映雪患咗癌症，於是佢男朋友決定要陪佢一齊去外國休養。因為機位問題，佢男朋友首先去咗外國。
呢一幕就係佢同男主角道別。
呢場戲實在太吸引專注力，就連體感溫度下降都唔察覺，直都個鼻痕一痕。
"啊…乞嚏！"
妖…條頸嘅保暖做得唔好添！
結衣：凍啊？
我輕輕"嗯"咗聲。
忽然間，我感覺到有條毛毛地嘅頸巾包住。
"啊？"我望一望結衣。應該係你做嫁啦？
結衣：呃…我整咗條頸巾，諗住今年送比你做聖誕禮物嘅…而家用得着囉！
我：喔…多謝…
####################
我地班人換返好衫，準備出去食糖水。
我估貓仔應該同結衣走咗嫁啦？咁我同佢地講我一齊食喇。
我send咗個WhatsApp比貓仔。
我：你應該走咗喇可？係嘅話我同佢地去食糖喇
點知貓仔嘅答覆令我好驚喜。佢傳咗個語音嚟。
貓仔：噢…等我仲去咗元朗買糖水一齊食添！
我：你唔係同結衣走咗嫁咩？
貓仔：我仲要去買糖水，打算攞個嚟一齊食嘛，咪送咗結衣去搭車先囉
貓仔：你唔比面嘅…咁我今晚又要自私食喇…sosad
晴晴：我嚟陪你食啊！你喺邊？
我：入元朗公路喇，你轉頭嚟揾我啦
原來貓仔仲特登同我買糖水…好滾動呀！
我：各位，我都係走先喇！
子鈞：咪住！喺你走之前我有啲嘢想講！
我：…嗯？
子鈞忽然間正經八百咁面對住我。
子鈞：其實…由我一入嚟劇團開始，我就已經仰慕咗你好耐好耐。我想趁呢個機會，喺大家面前同你講，我何子鈞好鐘意你，好想你接受我，做你男朋友！
其實佢並唔係第一個同我表白，但我聽到果陣都係嚇一嚇。
"Woe~~"
"應承佢啦！"
周圍嘅同學開始起哄。
我：唔得嫁…
子鈞：點解…點解啊？？
我：其實我心入面已經有另一個人。如果我接受咗你嘅話，對你好唔公平嫁…我都係走先喇！…
逃離現場之後冇耐，我就去咗約定位置揾到貓仔。
貓仔：嚟！你嘅芝麻糊！
我：你又知我想食嘅？多謝你啊！…咦…你又有頸巾啊？等我仲諗住送頸巾比你添！
貓仔：喔？攞嚟睇睇？
"喔…"我喺我個袋攞咗條白色嘅冷頸巾。
貓仔：咦…好靚喎…既然本身想送比我嘅，咁我收咗佢喇！多謝你啊！
呢個平安夜可以咁樣過，其實都唔錯啦？
####################