《我炒咗車之後入廠訓咗四年覺》: 夜探鬼地方

嚟到最後一round。

又係結衣！

啊wing︰true or dare！

結衣：dare啦…

啊wing︰既然最後一round，不如…玩激啲囉？





啊熹：你想叫佢點？除衫？！唔好啦！

啊wing︰做咩你咁緊張？啊…我明喇…不過都唔係指中你。不如咁…

佢轉咗一道陰森嘅語氣。

啊wing︰唔知大家有冇聽過附近嘅東堤小築呢？聽聞果度…好…猛…嫁…

我：係咪啊？





啊wing︰咁你就…入去行過圈拍段片返嚟啦…

結衣：吓…我…

結衣向我發出求救嘅眼神。

我：嗯…我陪你啦，速去速回搞掂佢。

啊熹：我陪你去，多個人安全啲。





結衣：唔該哂你地兩個啊！

我：咁行喇。

傑傑：電聯，我地玩住uno等你。

我地一行三人行到東堤小築。

時值11點3，萬籟俱寂。

我：開機。

我喺我嘅手機錄影功能禁一禁錄影制。

我：而家嘅時間係…





我影一影我隻錶。

我：…11點15分，有我…

我影一影自已。

我：…結衣同啊熹一齊，準備行過東堤小築。好，起行。

我影返前路，起行。

結衣開始翹住我手臂。

其實東堤嘅鬼故傳說，我都聽過，知道係情侶嘅自殺勝地。





可能喺呢啲傳聞嘅籠罩下，我總覺得呢度有啲陰森。

喺呢度，我硬係覺得有啲唔妥。

此地不而久留，拿拿林搞掂收隊啦。

一路上，我地都冇遇到怪事，直都折返，經過一間屋之前…

阿熹唔覺意望一望一間屋嘅露台。

阿熹立即唸唸有詞。

阿熹：耶穌寶血覆蓋我，耶穌寶血覆蓋我，耶穌…

仲要唸得好急。





結衣； 做咩啊啊熹？

啊熹：出去先講，快啲行！

就喺我地一經過間屋果陣…

一陣陰風吹過。

"嘭！"

花樽趺爛聲。

結衣：哇！！！





結衣原本仲諗住拎轉頭望。

啊熹：跑！！

啊熹仲要拖住結衣隻手跑。

我：唔好望，快啲跑！

"嗄呼嗄呼嗄呼…"

終於…出嚟喇！

結衣：頭先…你…做咩…忽然跑？

仲係上氣唔接下氣。

我：係咪…見到嘢？

啊熹：係…就喺頭先嘅果間屋。

我：ok，我地上去先講。

一上去…

啊wing︰恭喜！任務完成！比片嚟先…

啊熹：你仲好講！我地爭啲瀨嘢啊！！

詠琳：做咩啊？

啊熹：我地見到鬼！

結衣：吓…我冇喎。

啊wing︰睇片先！

大家已一齊圍埋嚟。

傑傑：嘩…真係幾陰森吓喎…

條片一直播，播到見到趺花樽果度間屋。

wing嫂：啊！！！

阿wing︰做咩？

wing嫂：播返去啱啱間屋果度！

我地將畫面倒帶，再播，去到間屋。

wing嫂：停！呢道…見唔見呢道露台…有隻白影…好似…女鬼啊！

男H：嘩！！！

女E︰你地真係好彩啊！！