《我炒咗車之後入廠訓咗四年覺》: 唔夠候

我地返返去碼頭同班同學會合。

一去到…

傑傑：喂chilam，不如喺度過埋夜囉！

結衣：過夜？

傑傑：嗯，我地覺得玩得唔夠候，想再留喺度過夜啊。





三姨丈佢地又出咗trip，唔駛用船，所以我ok嘅。

我：ok啊，有幾多個留低？

傑傑︰我、啊wing同wing嫂、詠琳、啊熹佢地…(下刪n字)

我：咁唔留果啲呢？

某女C︰我地搭渡輪啊。





佢係唔會過夜果班同學嚟嘅。

我：啊？咁我送埋你地吖？

某女C︰喔…好吖。

我：結衣，你呢？

結衣：我打電話問吓先。





我：ok，咁我地上船先啦。


====================


"噗噗噗…"

結衣走過嚟駕駛座揾我。

結衣：問咗喇，ok啊。

我：得。

結衣出咗去之後冇耐又返入嚟。





我：有嘢揾我？

結衣：嗯，佢地問你打唔打邊爐喎…

我：打邊爐？ok啊。

結衣：ok~咁我同佢地講聲啦。

結衣出咗去一陣之後，又走過嚟揾我。

我：又有嘢揾我？

結衣：唔係啊。





我：咁你過嚟係？

結衣：冇啊，想八掛吓你點樣揸船之嘛。

我：哦…

結衣就咁企咗喺度睇咗我揸船一陣。

我笑笑：揸船都好睇嘅？

結衣：你唔比我有好奇心嘅，況且對未接觸過嘅好奇，都係正常啊嘛？

我：okok…

我將遊艇揸入避風塘，送走班同學之後準備備再開船。





我：結衣！

結衣：嗯？

我：想唔想試吓？

結衣：試吓？試咩？

我：揸船囉，啱啱睇你個樣，你好似有啲興趣喎。

結衣諗咗一陣，之後講咗聲：好啊。

我：你過嚟呢度。我而家將架船入後波，之後你向呢邊轉駄…





結衣：咁樣？

我：係。之後而家拉返個掣向返前行，而家向呢邊轉…呃，轉得太多…呃睇住！！

我即係捉住結衣控制駄盤嘅手。

哇！！爭啲撞到一隻艇仔！好險！真係睇小一眼都唔得…

我：唉…我都係捉住你隻手揸船好喇！

"woe~~好sweet喎~~"

我地揸船嘅情況比一啲男同學見到，佢地就喺度怪叫起哄。

我：喂，你地，好煩啊！！

"都話你地有嘢嫁啦！"

我：鬼係呀！我教佢揸咋，佢啱仲爭啲撞！

"揸船？好似幾好玩喎！我又試吓！

我：揸船唔係玩嫁！

結衣：唔好搶我個位啊！


====================


過咗一段時間，入夜之後，我地終於返到長洲。

傑傑：今晚喺你隻艇度瞓囉？咁咪唔洗租房囉！

我：你都傻傻地嘅！乜你見到我隻艇有床咩？

傑傑：買睡袋囉！

我：隻船搖吓搖吓咁，點瞓？

傑傑：吖係喎！

我：book房啦！我同結衣、阿熹佢地去買料先！