《我炒咗車之後入廠訓咗四年覺》: 開工日，BBQ日
雖然開咗學近一個月，但係學校仲未有咁多嘢做。我都唔係好忙啫。
我去咗屋企附近個小巴總站，揾我一個做站長嘅舊朋友魚蛋吹吓水打發時間。
嗯。其實佢唔係呢間公司嘅站長，而係太子爺。佢只係幫吓老豆手。
…冇計啦，呢行唔夠人手嘛。
魚蛋：喂啊霖！做吓好心幫個忙啦…！
我：你想卸膊咋嘛？
魚蛋：唔係啊…我地公司都唔夠司機…你明啦？
我：今劑想揾我做小巴佬啊？！
魚蛋：係啊…你之前考咗車牌嘛…
我：喂大佬！我果個棍波van仔牌嚟嫁咋！
魚蛋：好過冇牌啦…
暈！
魚蛋：Come on! I need your help!
我：屌你…
魚蛋：2000蚊！
我：誒…怕咗你啦！黃咗我實供埋你出嚟！
魚蛋就叫咗個老師傅嚟教車，呢一日我就不斷穿梭叢林間。
講真，我都有啲驚驚嫁…不過鬼叫我本身對朋友義字當頭咩！"義"字有時真係會害死人…
呃…唔記得講，呢條線要行大潭水壩嘅，所以對新仔嚟講都唔容易行嫁。
我就咁樣練到尾班車開埋，先至摸熟揸小巴行山路嘅技巧。
不過我訓練嘅全程都係超級緊張！
聽日開工之後要做幾圈入赤柱，之後食個飯仲要再轉另一條線來往柴灣同西灣河…
好彩唔駛入埋舂坎角啫…我諗我應該搞得掂嘅…
總之…可以無驚無險咁收工就好喇。
嗯。
====================
第二日朝早，我就跟住個行程表，一直做到最後一圈。
由於今日係假日，由我行第一轉開始，兩邊總站都係全車坐滿，都係坐去另一邊總站，所以都唔多要喺中途上落客。
總算順順利利捱到最後一轉，我仲未黃到。
最後一圈依然都係坐無虛席。我繼續用一級方程式賽車搞掂埋呢一圈。
"巴士站唔該！"
嗯，終於有人落。不過睇一睇個小巴站…咁多人，應該上唔哂啦…
"嘟！"
"嘟！"
之後，有個女仔伸咗個頭入嚟睇吓有冇位。
我擰轉後面：仲有冇位啊？…咦？係你地？！
"誒？！"
原來係何樂瀅，佢拎住一袋袋燒烤用品同食物。仲有排佢前一個位嘅陳嘉淇，坐喺我後面。
我：你地啲嘢擺呢度先…
我將佢地嘅嘢放喺司機位隔嚟。
錢箱後面仲有啲位置，可以坐住先嘅。
我：啊瀅，你坐呢度先。
我指一指果度。
啊瀅：哦…
我捉住波棍推上二波，乘勢禁一禁痴實波棍個對講機紅制。
我：7458，地盤繼續紅牌啊！
對講機傳嚟魚蛋把聲。
魚蛋：收到！可唔可以做多轉入赤柱？
我：啋你有尾！我之後唔得閒啊！
魚蛋：頂你！
我：劫你一架車入石澳差唔多！你今日晏晝食飯前又質多轉20M比我！
魚蛋：咁果陣唔夠師傅嘛…冇計啦…
我：我真係冇時間啊…
魚蛋：人工加500！
我：唔制！
魚蛋：1000！
我：no…
魚蛋：2000！
我：返到嚟先講啦！
我鬆返開個制，同時已經推上三波。
啊淇：原來你返工就係揸小巴啊？！估唔到喎！
我：係啊…唔夠人手，我受朋友所托咋。
我揸住架小巴經過地鐵站附近。
啊瀅：喂，我地落先喇，你轉頭…
我：我轉頭都會揸返地鐵站啊，你地可以唔駛落車住。
啊瀅：哦…
我當架車係跑車咁揸，踩恆油門，嗱嗱林揸返總站，之後秒速揸返地鐵站下面個小巴站—我開工嘅地方。
我一落車就見到結衣攞住袋炭喺度。我地本身約好咗喺度等。
阿瀅：喂！結衣！
結衣：你地到咗喇？
啊淇：嗯。
結衣：咁得返chilam仲未到…
我啱啱好熄匙落車。
我：邊個叫我！
結衣：chilam…你又會喺司機位落嚟嘅？
啊淇：架車係佢揸嚟嫁。
結衣：喔！你偷車？！
我：我受朋友所托去揸小巴咋！我去揾站長先…
我即刻走去站長室揾魚蛋。
魚蛋：喂chilam！唔該你啦…幫我做多單16X吖…
我：痴線！你要佢地等我啊？！
我指指啊瀅佢地，仲有結衣。
魚蛋：oh please…你睇吓小巴站！
噢…又真係唔少喎…
我：咁…你等一等我啦！
我走返去揾結衣佢地。
我：喂…我個衰站長啊，又要我做多次入赤柱啊…你地等唔等得我做埋先入去？
結衣：咁一齊喇？我當遊車河…
啊瀅：是但啦…
啊淇：我冇所謂…
我返去揾返魚蛋。
我：半圈！最多半圈！之後我劫去石澳！
魚蛋沉思咗一陣。
魚蛋：唉！好啦好啦…
我：我就攞返架7458！
魚蛋：你出嚟果陣同我講啊！
最後我車埋結衣佢地一齊揸入赤柱，之後我即刻揸返車去石澳果邊。
我：你地係咪去公家爐果邊？
結衣：唔係啊，我地book咗爐啊。
我：哦…
佢地book咗果個地方都唔錯吓，服務質素都幾好。
搞咗一輪等個爐透好，我地就開始bbq喇。
我地各自拮咗想食嘅嘢，之後一路吹水一路燒。
啊淇：chilam，你呢排成日揸車車果個女神啊晴返嚟喎，你地究竟係咩關係？
結衣：我知！係女朋友！係咪係咪？
啊瀅：呃！有花生食！
啊淇：係咪真嫁？
我：鬼係咩！青梅竹馬嚟咋！
啊淇：真係咁簡單？
結衣：聽講好似唔係喎！
啊瀅：快啲從實招來！
我：你地咪聽結衣亂咁up啦！係呢啊淇，你同你男神依家點啊？
…
轉話題果然係個好方法！
====================
傾傾吓，我條腸已經熟哂。
結衣：chilam！我要呢舊！
我：喔！攞去吖！
結衣：多謝！
我睇住佢吹都唔吹就準備擺入口。
我：睇熱啊！
結衣：吖！！好熱！！
叫都叫唔切！
我：叫咗你啦！攞嚟啦！
佢遞個紙碗嚟，交個碗比我吹吹。
我：叫咗你嫁喇…你同晴晴當年都係咁大頭蝦…
啊瀅：woe~
啊淇：好sweet sweet啊！！
我：(=_=||)
其實我對異性不嬲都係咁好嫁啦。
btw好sweet sweet咩？
我幫佢吹完就比返個碗佢。
我：搞掂喇。
結衣：唔該。
啊淇：嘻嘻！餵埋佢嘛！
我：食嘢喇！你隻雞翼燶喇！