《血洗禮賓府》: 第一章 ≪獨立宣言≫

「各位，我係文建港，請大家准許我用廣東話發言。」

臺下掌聲如雷，在那個年代，廣東話在香港已經變得弱小，所有教學及官方文告都以普通話發言。

「我宣布，今日蒞到中環呢度集結既民眾超過100萬！真真正正既逼爆中環！」

100萬人在於中環集結，100萬對手在熱烈鼓掌，算是香港回歸以來最大型的一次集體鼓掌活動。

「我想話俾大家知，依家政府再一次強姦民意，如果政府強行通過果一條法案，我地世世代代都會淪為中共既奴隸，我地要求既民主自由將永遠唔會實現，香港將會倒退為一個二三線城市！」





「各位，今日我想同大家講下謊言！乜野係謊言？謊言就係明知唔能夠兌現承諾，但仍然睜大眼睛話可以！ 一國兩制係一個謊言，基本法係一部謊言！五十年不變係謊言！港人治港更加係切頭切尾既謊言！對中共黎講，香港已經失去利用價值。回歸之前，香港當時超越大陸30年，回歸後優勢已經大大拉近！係拉近，共產黨知道加速自己發展去取代香港並唔容易，所以一直以黎都用各種手段去拉慢香港。今日，佢地既發展水平已經追平甚至超越香港，但係，佢地並無因為咁而滿足，佢地既想法係乜？佢地就係想將香港變成一個唔值錢、無威脅既大陸城市！」

「今日，我地企係呢度，就係用行動話俾全世界人知，香港人，夠膽反大陸、夠膽反共產黨！香港係一個同世界先進國家一樣，擁護共同既普世價值：自由、愛、平等、法治、民主、人權、公義、廉潔！」

台下掌聲一直維持左兩分鐘，這是回歸以黎，最值得香港人引以為傲的兩分鐘。這兩分鐘跟普世價值劃上了一個等號。

「37年喇！我地足足等左37年喇！由我地既公公婆婆，等到我地既父母，再到我地呢一代，普選特首依然未兌現。香港既地位一直係度倒退，基本法一改再改，無數維護商賈權貴既惡法得以通過、舊區既居民不斷被強拆、失業率升至13%、罪案率不斷創新高、20000幾名露宿者無家可歸、每年超過5000人自殺、就業職位、學位優先分發俾大陸人！
點解同一個職位要優先聘請大陸大學生？點解同一份工大陸人待遇比較好？點解企業既高層全部黎自北京上海成都？點解社會無向上流動既機會？點解公務員既管理層都係係大陸聘請？點解要嚴重傾斜大財團？點解係呢個時候仲要削減社會福利開支？點解？點解？！！」

一輪掌聲過後，整個中環鴉雀無聲。只有＂點解＂二字的回音不停在縈繞著。





「我地要推翻呢個政府！」
「我地要自由、要獨立！」
「權力歸於人民！！」
「打倒共產黨！」

一輪自發性既口號此起彼落。

「各位，沿用30幾年既和平抗爭得出一個乜野既結果？只不過換來一次又一次既欺詐、欺壓。面對強暴既政權，和平非暴力根本就係唔理性既！」





「剛剛係立法會傳黎既消息，法案已經獲得通過。即係話，我地將唔會見到普選特首既希望！」

臺下的民眾， 有的破口大駡， 有的握緊拳頭， 有的在互相擁抱， 有的在抱頭痛哭。 他們知道， 一齊都完了， 在漆黑的環境裏前面繼續是漆黑一遍。 香港將不再是那一顆在東方發光發亮的明珠。

「到左呢個時候， 香港人應該要為自己既前途自決。 我係度宣佈， 剛剛通過既條例嚴重出賣香港人利益， 違反基本法！既然基本法已死， 我地就去一直包圍政府總部， 包圍立法會！」

「我係度宣佈， 香港特別行政區已死！」

「我鄭重宣佈， 香港獨立！我地就係新香港既100萬公民！！」

「新香港！ 新香港！」

一時之間， 群眾口裏只有『新香港』呢三個字。

同時， 一下槍聲劃破長空。 





我， 就在皇后像廣場的地鐵K出口的頂部倒下。 

「建港、建港」在我昏厥過去的前一秒， 我只記得一把女聲不斷在叫我的名字。 

建港就是我的名字， 人如其名， 仿佛父母在我出世的那一刻開始，已經交給我一個任務。 

『眼底的最後一幀影像， 就是硝煙中的中環。 這一刻我倒在血泊之中。我真想回到過去， 返回我媽的懷抱。』

這一槍不僅打傷了我，同時也為香港敲響了喪鐘。