我 , 係咪一個學生時代既贏家 ?: 師妹篇 Part 17.

「喂！呆左係到做乜呀！」我嘗試把阿怡拉回現實，左手已經擺在背後看準時機就拿出剛買的花
 
「佢好得意喲....」她指著毛公仔「我生日你要送呢個比我！」
 
「你生日先算啦」我有點手足無措，畢竟送花都話合理，送毛公仔會否有點兒......
更何況我一直也不知道阿怡的生日日期
 
「兩位係咪想要哩款呢？」這時精品店的男店員走出來答話，有點「乸形」的藍店員
 
「呢款近排好hit架，男朋友你係咪想買埋連花送比女朋友呢？」兩手似著女生般揮舞的說


 
聽見店員的幾番話，阿怡慢慢露出純真的笑容，馬上撓起我手臂，看似不太在乎這乸形的動作，而是享受他每一句說話
 
突然遇上呢類多管閒事又乸形既Sales，除左打獲佢之外都無乜其他方法，事關你哄我條女迫我買都算，我可以忍，但你而家踢爆埋我，糟蹋我一切，我都算啦！
你可唔可以唔好咁乸呢？
哎，我唔係岐視同性戀既性取向，只不過係對佢既動作極度嘔心。
 
「睇緊睇緊..哈哈...你鍾意邊隻丫？」盡力強顏歡笑，好在我忍耐力強，否則真的差點狠不得跟那店員打場WWE
 
「我生日你先送比我啦！嘿嘿」阿怡開心到不行攬著我脖子，她這番話使我有點驚訝，再道「唔好收埋啦，拎出黎啦！」


 
當然花仍然掌握在我左手，仍然放在背後，本身打算在時機成熟才拿出來，可惜到達了這個地步，只好束手就擒，畢竟週邊的人也不太多，反正也不在商場裹。
 
我從背後拿出一朵包裝精緻的紫色花，我連這花名字也不太清楚，只希望阿怡喜歡便好。
 
「好靚呀！」阿怡接近興奮得尖叫起來「XX傑！」
她把臉貼近我一點，在我臉頰上輕輕親吻一下
 
背後的「乸形」男店員看到這浪漫場景也興奮得尖叫起來，如果旁邊無人，我真係兜口兜面係阿怡面前濕獲佢，
OK Fine！你乸形我都算鳩數啦！你可唔可以唔好做電燈膽呢？


 
雖然有條粉腸係隔離做電燈膽，但竟然能夠令阿怡主動去親吻我，我已經不再埋怨了......
 
「只想會有日可能～與你共姓的身份～」我突然唱起這段歌詞，雙手捉緊阿怡腰部
 
雖然呢首歌係講喪偶既，不過唔緊要，就憑呢句已經可以冠絕全場，拎到個Feel出黎，係個Feel，無錯係呢隻Feel啦，Come on，I need this Feel！
 
她看著我，眼睛有點透紅，眼框亦有點水珠，不知到是否被我感觸了。
 
突然把我推開，背向著我，雙手擦一擦眼睛。
 
「多謝你....」阿怡回眸一笑，在臉頰及眼框紅紅的，手握鮮花及陽光照耀之下，顯得阿怡額外可愛「多謝你肯追我呢個任性既人....」
 
「哈哈.....」我尷尬得也臉紅了，有生以來第一次聽到這句心滿意足的話
 


「係呢....」她再次回到我身旁，問「點解你唔揀玫瑰揀呢隻花既？」
 
「Er....其實...係叫Sales幫我揀既....」我笑著說
 
「車........都知你唔會咁浪漫架啦！」她一邊說一邊細心欣賞那束花「你知唔知呢種花叫咩名？」
 
「Er...唔知，哈，叫咩名？」心思熟慮一會後，醒起反正都唔知諗黎做乜？
 
「唔話你知wo！嘿」她心情興奮得跳著走，迫使我跟上去問過清楚
 
不經不覺胡鬧一陣子後，走到沙田公園上，我們在公園內散步了一會，並找到椅子座下。
 
不知道何解，阿怡今天一收到花後就捉緊不放，還不時對著它笑後又吻我臉頰，嚇得我以為她中了花毒。

或許興奮過度吧，今天的阿怡比平時的阿怡差得太遠，但我反而更喜歡現在常常歡笑的阿怡，這花毒不錯。


 
轉眼間便消磨了整個下午，接近旁晚我跟阿怡欣賞日落。
 
她仍然緊握著那束花，亦依偎在我膊頭上。
 
「阿傑.....」阿怡問道「你仲未估到叫乜名啊？」
 
「唔知呀....開估啦」看著夕陽西下如此美景，我腦袋已經停止運作
 
「呢束叫做勿忘我.....」幽幽地說
 
「勿忘我...？」我不了解
 
「你會唔會追我一世？」她沒回答再問，我倆雙目交投
 


唔知點解，呢一刻我對阿怡既印象開始改變，由一個任性可愛的女孩轉變成一個成熟穩重的女孩，雖然只得幾秒鍾，但就是這幾秒，我感受到她的內心所想要的答案。
 
我都唔肯定自己會唔會，我覺得自己只不過係佢人生中其中一個過來人而也，
「如果一個承諾在最需要的時候沒有兌現，那就是出賣，以後再兌現，已經沒什麼意思了」－張小嫻
所以.....
 
「玩下你炸！」阿怡柔聲在我耳邊道「邊個會同你拍成世拖丫！」將在心思熟慮的我抽起身
 
我有點愕然，又同時鬆一口氣，如果她再追問下去，我真的不知如果回答，希望她真的玩笑....
 
「個天都黑哂啦！行下街再去食飯嚕！」阿怡起身整理下衣物，再問「今晚食乜丫？」

「今晚食乜好...問下你伯母...」

「咩話？」