我 , 係咪一個學生時代既贏家 ?: 師妹篇 Part 15.
時間，星期三，早上，小息時間
天氣，晴朗
地點，學校５樓男廁前的走廊
「牛奶，你最近差人錢咩？」耀文手握菠蘿包，踏著我膊頭走到一二角道
「戇鳩，上次咪還左比你嚕！」我反駁，他問到應該又想追我上次借他錢吧
「唔係啊，問你做乜做左人阿四丫？」他咀嚼著菠蘿包
「...........」沉默幾秒後道「乜撚野阿四啊？狗我唔做架ＷＯ」我裝傻
「仲唔認？」耀文伸出手指開始數「拎袋，司機，買餸.....」
不知何解，耀文愈數愈多，我的眼淚就愈多愈多，握緊拳頭，淚線快要失控般，連忙低頭遮蓋著，
「文！哥！！！！」我失控了，一副水汪汪的眼睛對著耀文「你果然係我肚裹面果條精蟲！！！」雙手踏著耀文膊頭
「屌....咁激動做乜姐，明眼人都知啦」耀文罵道，然後潑開我雙手道「你呢獲都算折墮嚕....」
講到折墮、陰公；呢獲都算係第一次，
情侶又唔算情侶，
朋友又唔算朋友，
家陣仇人多Ｄ。
話說果晚同阿怡搞完之後，第二朝都好鬼死可愛又痴纏既。
誰不知第二日返學，成個人180度變哂，
朝早見面就梗係打返個車輪感受下大家D牙膏味從而間深入討論下大家所用既牙膏牌子既性質架啦，正當我挨近之際，冚左獲....
可能朝早唔鍾意，算數；
咁拖下手都好正常姐....一手揮開我；
OK Fine，唔鍾意拖手唔緊要！！
咁至少都比我踏下膊頭宣示主權啦，竟然一腳踢埋黎，
仲鬧我「搞完未啊死變態佬！！」
Shit，中伏。
一上到小巴就將個書包掉比我，直到返到學校門口先至拎返，
沿路一句話都無同我講過，仲要跟住佢尾，
沿途其他路人見到仲偷偷地咁笑鳩我，
緊接到放學，
正當我打算又獨自歸家打飛機之際，
又比阿怡閘住，拖左去陪佢買餸，佢買我拎，
咁佢拖得我去買，以為今晚同佢玩煮飯仔啦，我拎有乜所謂，
期間不斷有ｄ老板讚我呢個男朋友體貼細心，心裹爽了一爽，
直到我跟著阿怡尾到她家門口，
「你屋企隔離wo」轉過頭來，她冷酷酷地問
「吓！？唔係煮飯仔咩？」我驚慌的道
「邊個會同你煮飯仔啊！死返過去啦」順便送我一腳
由天堂打落地獄，滿懷期待一下子就被打爆...
快要哭出來又無奈地走過隔壁....
而且，這兩天一樣發生了以上同樣事情，
我想今晚亦都會發生.....
你話家陣同奴隸有乜野分別！？有乜撚野分別！！？
在低頭盡情訴苦間，耀文拍醒我。
「Er....有人搵你....」他結巴巴的說
我抬起頭來看，心裹說出無限句粗口，是阿怡
突然有個衝動想立即問她，「你條八婆當我乜撚野啊！！！！！！！」
「Miss Cheung叫你去音樂室搵佢」她冷酷酷的樣子使整個氣溫低上加低
「嗯...」我點一點頭，便跟她走，回頭一看看著笑容滿臉的耀文，哭著送上他一根中指。
「自己入去，哼！」她瞪了一眼後擰頭一邊，而且語氣帶點生氣
究竟我做左ｄ乜激嬲左你姐！？
「HI～Miss Cheung～」由地獄跑回來天堂嚕....
身穿百看不厭的OL Look Miss Cheung，撓起腳在教師桌工作
「哎，咁快既，XX怡呢？唔入黎既？」Miss Cheung問
「係出面嬲緊，唔知嬲乜，吹漲」我攤開雙手表示無從入手
「嘻嘻，係咪你激嬲左佢啊？哄返佢入黎啦」Miss Cheung新月型笑容，相當迷人可愛
Miss Cheung叫到，無理由唔跟住做，話哂食左佢表妹隻豬...比我食埋你就硬好啦！
「喂.....入黎啦....」我輕輕碰一碰阿怡的膊頭，她已經帶著瞪眼轉過頭盯著我
「唔好嬲啦...我知錯啦....」你老味其實我錯乜都未知
「你岩哂！你無錯wo」雙手抱胸，語氣完全出賣了她
「梳嚕.....今晚唔好食自己啦，我地出去食餐勁既！」Ｒ撚哂頭都未知我錯乜，只好低聲下氣...
女人就係咁，永遠唔會話比你知你衰乜，
亦永遠唔會同你講佢嬲乜，
點會都你估估下駁同情，
話佢嬲，又話無嬲，
佢嬲緊，又話你唔重視佢，
Fuck。
「哼...」同樣不肯與我有視線交流，但眼看有些少轉機，口角有絲毫揚起積象，快要笑了
「黎啦女朋友，唔好嬲啦～」其實我做緊乜！？點解我要咁做！！
當時場面現在想起也感到嘔心....
堂堂牛奶傑竟然要做D咁既野！！
不過我女朋友就梗係另計啦！
「......」沒有做出任何回應，在我身邊走過步入音樂室
「呼....」心裹嘆出一口氣，阿怡終於肯進去，而且水貨佬及肥豪這時候到達
「你講架，大喊包...嘻！」突然在我耳邊細說，我即時呆在原地看著她背影
「大喊包？乜春大喊包？我幾時又多個花名？」我又摸著頭腦
「條女答你糖啊？笑春咁既」水貨佬問
「戀知咩！你自己問佢啦屌」我隨便敷衍水貨佬亦跟住阿怡進去
不過，至少能夠哄返佢，雖然唔知衰乜，不過都算撚數....
「大喊包？唔係掛.....」