我 , 係咪一個學生時代既贏家 ?: 女神篇 Part 17.
今次，我無直接係市中心落車，反而早左兩個站就落，事關我頂唔順個小巴司機，
我寧願行過去好過比阿木Fing到我阿媽都唔認得,雖然沿途有很多撚樣情侶又攬又鍚咁篤眼篤鼻，
但作為唔知叫唔叫單身既我，食住煙，龜速走，欣賞下周圍風和日麗既深夜景色，
更令我身上散發更強烈既浪子味道，係情場上既浪子，世界上最勇敢既男人，
但相信我今晚決定做既事，比痴線佬喬治布殊更上痴線。
時間岩岩好，話咁快我已經行到市中心，雖然沿途行過黎果陣差D踩屎，但都有驚無險。
呢次我醒目啦，周圍望多幾眼確定卓瑩未到先，廢事又係同一個門口出黎但見唔到對方，
「嗯...」確定卓瑩不在周圍，拿起煙盒，取出其中一支煙，放在口中，點著火機，細味萬寶路。
唔知道...如果佢知道我係一個死煙鏟...會點呢？哼...
「喂！等左好耐呀！？」有一鼓陰力從我身後拍落我背脊，其實我係咪專比女仔拍背脊既男人？
「哦，唔係好耐姐！」轉身望見笑容滿面既卓瑩
今日卓瑩身穿一件黑色大碼衛衣加對黑絲,梳出個平陰頭黎摭住前額,扎起一條高高的馬尾,
臉上帶點胭脂粉令臉色添加些少反光兼白滑,不得了不得了....
心諗,我唔知你有無打底啦！但你係咪咁唔鍾意著褲呢？
點解呢件衛衣咁撚短架呢？
「嘿嘿！咁行嚕！」卓瑩Cool實我手膊拉住我走
「..........」我留意既，都係佢對黑絲腳，
極之引人犯罪，更何況我發現周圍既麻甩佬都望住我地兩個，呀唔係...係卓瑩隻腳，件衫太短啦靚妹！！
「呢件望到條褲都濕哂...」
「唔洗望到流口水呀嘩？」
「嘩屌你！成個阿偉咁...再望打柒你呀！」
呢班含家令肆無忌憚咁望到實一實，作為一個唔知係咪佢男朋友既男朋友真係有些少衝動想打柒班粉腸，
當然要打既話就要打哂成村人，現實中係無敵将、討ち取ちとり，千人斬呢樣野,
所以我都係用眼神作出反擊，「你地葡萄呀？今晚我就屌到佢聽日起唔到身，哈哈哈哈哈...講笑！」
同時間變左唔係卓瑩Cool住我而係我捉實卓瑩膊頭，「呢件係我條女呀？點撚樣呀？唔鋸呀？」
「哎也好痛呀！唔好咁大力啦！」捉得太緊添
「哦梳rry！我細力d細力d！」小姐我驚你比人尾行捉你去殘廁輪住１蚊跟機渣都無得淨炸！
「你今日古古怪怪...成日周圍望咁既..」卓瑩疑惑既表情望住我,
我同緊你隔離班咸濕佬打緊仗嘛小姐！
「無無無！保護你姐」繼續周圍望下Ｄ麻甩佬「屌你再望就打柒你...講笑姐！」
每馮呢句一出動，任何女仔聽到都應該甜過甜北辰。
「嘻嘻，你做乜要保護我呀？」疑惑表情換來甜美既笑容，呢一句，World Class，世界級，ワールドクラス！
「危險呀...危險呀...」我愈捉愈緊，如果比件老西我著周圍既人以為我係Ｇ４
「呀..我好驚呀～哈哈」卓瑩順勢攬實我條腰,
WOW....識左佢咁耐，終於有波餅食啦！我條腰話比我知腰測吸手波！
「咁呀？鍚返淡先啦，唔係點Cover你呀？嗯...呀！」自從公園果次之後，都未鍚過咁滯
「你D口水呀！你識唔識鍚人架？嗯...啜！」卓瑩示範如何正確地親吻自己伴侶
就係咁樣，我地又攬又鍚咁再次無目標地前進.......
直到走到某個地方先醒起，我地今晚食乜？
而果個地方，就係我同家琪小時候曾經玩樂過既地方，
現在深夜空無一人，令人回想起小時候既回憶，
眼前仿佛回到過去，見到一班小朋友跑黎跑去，
而我就同家琪座埋係一邊咬緊夾錢買既提子味孖雪條....
「喂？阿傑...聽唔聽到呀？」卓瑩在我臉前揮手
「哦...係！咩事？」神智回到現在
「你呆左係到唔郁...我地今晚食乜呀？」
望一望手錶，8點半...時間唔早亦唔晏，黃金時間，「你想呢...？」
「不如我地係到玩下先啦！」說時遲，那時快，卓瑩已經跑左過去玩千秋
「吓！？」心諗，小姐你唔肚餓咩？不過既然你咁想玩，陪你玩陣又無乜所謂，最緊要係有得抽水！！！
「過黎幫我推呀！！」推？推你車？當然唔係，係幫佢推千秋
「哈哈哈哈，唔好咁大力呀，好高呀！哈哈哈哈」童心未泯既卓瑩，相當可愛....
望住佢笑得咁開心，自己都開心埋一份，畢竟呢個都係我女朋友...
推佢背脊既時候，經典黎啦，我唔知係咪禁左Ｄ唔知乜制，好似禁甩左一樣野...
不過我無理到，照樣大大力推佢車...呀唔係，推佢背脊。
直到卓瑩叫「唔好推...停呀！停呀！！！」我先至停手，
「玩夠啦？玩果樣呀喂」指住遙遙板
「唔係呀...你整甩左呀...」摸住背脊講
「整甩左？整甩左Ｄ乜？」仍然唔知情，千秋應該鐵做正常我整唔甩架啵
「我..我個...Bar..扣...」臉發紅,含羞答答地說
「吓！？咁神奇？扣返佢咪得嚕！」
「我件衫太厚，隻手唔夠長扣唔到呀」卓瑩深蹲在地上
「哎你轉身，等我幫你扣！」論扣Bar...我未成功過！
正當我想拉高卓瑩件衫扣返個Bar果陣,聽到有行路聲向住我地既方向前往。
「喂唔好呀，有人呀...」卓瑩連忙阻止我
「得啦架，好快搞掂架啦，人地見唔到架！」當然扣Bar經驗既我，忍唔住拿拿林抽水
「唔呀！！！」卓瑩堅決反抗
「咁呀....果到有個廁所，入去搞掂佢啦！」我講得出呢句，係完全無其他含意，但卓瑩誤解左另一個含意
我只不過係純粹係一個較私人既地方搞掂D私人既事，點知，真係掂D私人既事....
「都好....」
就咁樣，我摸住卓瑩背脊Hold住佢個Bar唔好跌落黎，一步一步行去公園廁所。
我又要引用孤泣講過既一句
「當好想得到既東西，係自己唔在乎既情況下得到，可唔可以叫做一種幸運？定係一種遺憾？
咁如果失去一件自己得唔到既東西，而且仲去享受果一種得唔到既感覺，呢Ｄ叫做自欺？
定係回憶？」
有時候自己「付出更多」比「輕易得到」可能會更加感動，話哂自己都有努力過，呢一份感動
就係成功感。容易得到既野，係唔會識得珍惜。
不過都係果句啦！美女廚房，食左先講，係屋企無食就梗係係廁所食！！
食？就係做愛做既事。