我 , 係咪一個學生時代既贏家 ?: 女神篇 Part 3.

第二日，即係同Wandy係M記撞返既第二日，
我返到學校，遠見阿鴨唔同平時係馬路方向行返黎
而係係屋苑方向行返黎，仲要拖住姐姐，
「呢隻鴨真西利.........話食就食，而我自己？唉.....」感嘆自己既傷心情史
當阿鴨同姐姐分開左走各自各班房之後，我終於有時間可以同阿鴨講，
「喂阿鴨，你尋晚去左邊黎？」
「你問黎做乜？」
「你答左我先啦！」心情急燥既我，好撚想知
「你問黎做乜先！！？」見到我奇奇怪怪，阿鴨有疑問
「你答左我咪答你嚕！」我心諗：快撚ｄ答我啦屌你


「你答左我咪講嚕！！」
「你唔講我點答呀！？」心諗：屌你老母.....
「你唔答我點講呀？」
「得！我答，Wandy話搵佢家姐先肯比佢電話我，而你條女同Wandy有幾分似樣」
「Wandy？生日果晚條女？哦...........我尋晚去左姐姐佢屋企，佢的確有個阿妹既....不過關埋門我見唔到係咪Wandy啵！」
「屌呀...咁你地係到搞乜？」
「Er........交流嚕！」
「哦....交流....哦....交流...哦....交流！！！」
呢個時候，姐姐突然係阿鴨身邊出現
「喂鴨仔！哎....你係咪傑仔？」


「姐姐你識我？」咁近距離觀察姐姐，真係同Wandy有幾分似樣....
「我阿妹係Wandy呀！佢同我講左啦，拿！呢個係我阿妹既電話:D」
姐姐遞左張紙仔比我，上面寫住八個數目字
「我呢個阿妹真係煩，直接比人地咪好嚕，又要人搵乜搵物，我都廢事理佢，袋好啦，記住對我阿妹好ｄ呀！」
「哦.......哦！！！」手中一張紙，令人無限興奮
「姐姐！多謝你！」我雙眼水注注，捉住姐姐隻手以示感謝
「嘿嘿，我阿妹咁耐都未拍過咁多次拖，頂多3個月，希望你拍得長啦！鴨仔你過黎先，傑仔你自己加油啦！」
姐姐拉住阿鴨朝著廁所方面走去，不過我無意留佢地，
渣住張紙衝返班房埋位入落電話既電話薄；



「呯！」大大力既開門聲，係我既專利
「嘩牛奶哥，踩屎黎呀，衝住返黎既喂」狗哥座係張抬同耀文傾緊計
「哈哈哈哈哈哈哈........」我難以掩飾自己既喜悅
「做乜鬼呀喂，自私笑！」耀文同狗哥行過黎我個位到
「電話WO，Wandy架？」狗哥問
「係呀屌你！Wandy家姐比架，佢家姐即係上次天台見果個姐姐呀，我呢獲發啦！！」
「wow！拿拿林Wts人啦！」狗哥好似仲興奮過我

－－－－－－－－－－－－－－－－－－－－－－－－－Ｗｔｓ介面－－－－－－－－－－－－－－－－－－－－－－
　　　　　　　　　　　　　　　　　　　　　　　　　　　　　　　　　　　　　　HI Wandy！我係傑仔呀！8:15
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－


等左十五分鐘，最後上線時間仲係停係今朝６點幾，
「咁耐都未應機既喂.....佢返學唔帶電話架！？」狗哥問


「喂！睇緊乜呀？」軒仔岩岩同穎琪返到
「要是有時機～腳步再提起～爭取這啖氣.........」我唱左呢首歌
「即係乜？」軒仔唔多明解[sosad] 
「即係我要追Wandy嚕柒碌，咁都唔明:o) 」
「哦....加油，咁人地應左你未？」
「Er.....未.......」
「超....人地都唔so你，追乜鬼，睇撚住自己做兵呀！」
軒仔呢一句，觸發左我諗起佢家姐果句「我阿妹咁耐都未拍過咁多次拖，無次長」，
佢究竟拍乜野拖......拍得最耐果次都係3個月.....到底佢係為左收我兵定係有些少問題...？
陳柏宇唱過一句「那個不要臉～千個照相機貼面～讓我一生好過點～要是情形難免～讓我來冒個險～」
無錯，我黎冒險！那怕是做兵，只係鍾意就得，我流露出自信既笑容，
「你笑乜鬼笑到咁咸濕？你唔得架啦！」狗哥的確係一個戇鳩，係到問我笑乜，仲要打擊我自信
「...................................」但我無答佢，因為我確信自己

「從頭到尾 無人想起 為何天不做美」


「如何去煽動各位 為我驚嘆地」
「那怕抓傷了面皮 誰人不想給看起」
「卻沒有時機 難道會不甘至死」

時機，係由自己爭取，沒有時機，就由自己創造時機！